Бірнеше айнымалысы бар көпмүшелер және олардың стандарт түрі. Алгебра, 10 сынып, сабақ жоспары.

Ұзақ мерзімді жоспар бөлімі: 10.3А Көпмүшелер

Мектеп: ФМБ НЗМ Алматы қаласы

Күні:

Мұғалімнің аты-жөні:

Сынып: 10

Қатысқандар саны:

Сабақ тақырыбы

Бірнеше айнымалысы бар көпмүшелер және оларлдың стандарт түрі

Осы сабақта қол жеткізілетін оқу мақсаттары (оқу бағдарламасына сілтеме)

10.2.1.1 Бірнеше айнымалысы бар көпмүшелердің анықтамасын және оларды стандарт түрге келтіруді біледі. Стандарт түрге келтірілген көпмүшелердің дәрежесін анықтайды.

 Сабақ мақсаттары

• Оқушы
• бірнеше айнымалысы бар көпмүше ұғымын біледі, түрлерін анықтайды.
• көпмүшелерге амалдар қолданады.

 Жетістік критерийлері

• көпмүшенің анықтамасын біледі;
• әртүрлі өрнектерден көпмүшені бөліп алады, өз таңдауын негіздейді;
• көпмүшенің стандарт түрі туралы түсінігі бар; көпмүшенің канондық түрін біледі;

 Тілдік мақсаттар

Оқушылар:

көпмүшені көбейткіштерге жіктеген кезде қолданылатын қадамдарды сипаттау үшін математикалық терминдерді дұрыс пайдалану.

Пәнге тән лексика мен терминология:

Диалог пен жазу үшін пайдалы сөздер мен тіркестер:

Көпмүшенің дәрежесін анықтаңыз.....

көпмүшені канондық түрде жазыңыз.....

үлкен коэффициентін анықтаңыз....

көпмүшені стандарт түрге келтіріңіз.....

 Құндылықтарды дарыту

Білім ала білуі, жағдаятты талдау, жаңа жағдаяттарға бейімделу, топпен жұмыс істеу, өз жұмысының сапасына жауап беру, өз уақытын ұйымдастыра білу.

 Пәнаралық байланыстар

Физикалық және химиялық есептерді шығаруда меңгерген білімін қолданады.

 АКТ қолдану дағдылары

http://www.bilimland.kz/kk/content/structure/863-algebralyq_ornekterdi_turlendiru#lesson=10595 сілтеме бойынша ақпараттармен танысып, қосымша қарау.

Бастапқы білім

Алгебралық өрнектермен сенімді жұмыс жасау және квадраттық теңдеулерді шеше білу.

Сабақ барысы

Сабақтағы жоспарланған іс-әрекет

Сынып дайындығын тексеру. 1-тоқсанда оқылатын тақырыптармен және оқу мақсаттарымен таныстыру. Оқушыларды сабақ тақырыбымен және оқу мақсатымен таныстырып, ойлануды ұсыну.

Оқушылар сабақтан не күтетінін стикерге жазып, тақтаға қалдырады. Сабақ соңында өз жазуларына оралады.

Оқушылармен бірге оқу мақсаттарына сай жетістік критерилерін анықтау.

Оқушылардың сабақ тақырыбына байланысты ойларын тындағаннан кейін, сілтеме бойына көпмүше ұғымы туралы видео көрсету.

http://www.bilimland.kz/kk/content/structure/863-algebralyq_ornekterdi_turlendiru#lesson=10595

Мұғалім тақтадан алгебралық өрнектерді көрсетеді, олар: бір және бірнеше айнымалысы бар көпмүшелер және мүлдем көпмүше болып табылмайтын өрнектер.

Тапсырма №1(презентация, слаид 4)

Өрнектерді қарап шығыңыз. Бір айнымалы көпмүшелердің қасына «˅» белгісін, бірнеше айнымалы көпмүше қасыны «+» белгісін, көпмүше болып табылмайтын өрнектер қасына «–» белгісін қойыңыздар. Өз жауаптарыңызды түсіндіріңіз. Тексеру (слаид5)

Келесі сұрақтар бойынша мұғалім оқушылармен диалог жүргізіп, білімдерін жаңғыртады:

Көпмүше деп нені айтамыз?

Көпмүшенің ұқсас мүшелері және оларды жинақтау дегеніміз не?

Көпмүше дәрежесі деп нені айтамыз? Дәреже рационал сан бола ма?

Үлкен коэффициенті деген не?

Көпмүшелерге қандай амал қолданылады деп ойлайсыздар?

Көпмүшенің анықтамасын беру үшін: бірнеше бірмүшеден тұрады, қосу және азайту амалдарымен берілген деген сөздерді тақтаға жазып қойып, оқушылардан толық анықтама қандай деп сұрау, талдау. Көпмүшенің канондық түрде жазылуын айту.

Көпмүшенің дәрежесі, коэфициенттері, бос мүшесі, мүшелері терминдерін анықтап алу. (презентация, слаид 6-7)

Келесі түрдегі тапсырмаларды сыныппен орындау.

Тапсырма№2

Көпмүшенің дәрежесі мен коэффициенттерін жазыңыз. Бас коэфициенттен бастаңыз. Көпмүшенің коэффициенттерінің қосындысын табыңыз.

Q(x) = 2x³ -x+4

F(x) = 2x⁴+5x²-1

Қосымша 2 бойынша жеке тапсырмаларды орындайды.

Тапсырма №1 көпмүшені канондық түрде жазыңыз

а) (х + 1)(х - 1)(х - 2);

б)    (х + 1)²(х - 2) - (х + 1)(х - 2)²,

в)    (2х + 1)(2х - I)²;

г)    (2х + 1)(2х - I)² + (1 - 2х)³

Тапсырма №2көпмүшелері берілген. Кестеге дәреже көрсеткішін толтырыңыздар

Тапсырманы орындауда қиындыққа кезіккен оқушылар сұрақтарын мұғалімге және сыныптастарына қоюына болады және ол өз тапсырмаларының орындалуын дұрыс орындаған оқушылармен салыстырып сыныптастарымен жұмыс жасайды.(белсенді сынып әдісі)

Өздігінен орындауға тапсырма беріледі. Қалыптастырушы бағалау тапсырмасы. Орындалған жұмыс мұғалімге тапсырылады. Қосымша 3

Сабақ соңында оқушылар сабақтың басында стикерге жазылған мен осы сабақтан не күтемін деген сауалға жауап береді. Қойылған мақсат орындалды ма сол бойынша өз пікірін айтады.

Үй тапсырмасы

Қосымша карточка

1 көпмүшенің канондық түрде жазыңыз

а) (х² - Зх + 2)² - (х² - х)²;

б)    (х + 1)(х⁷ - х⁶ + ... - х² + х - 1);

в)    (2 – x)³ +(х- I)³;

г)    (х⁵ - х⁴ + х³ - х² + х - 1)(х⁵ + х⁴ + х³ + х² + х + 1).

2 көпмүшені стандарт түрге келтіріңіз

а) (х + у + 2)³ + х(2х + у -1)²;

б) (2х- у – z)³ - Зху(2х + 3у - z).

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Оқушы сабақ барысында сұрақтарға жауап беру, тапсырмаларды орындауда өзінің логикалық-математикалық, сөйлеу, танымдық қабілеттерін көрсетуге мүмкін. Талдау барысында қабілеті жоғары оқушыларға топқа өз ойын толық түсіндіруді ұсыну, тапсырмалар бойынша туындаған тағы қандай мәселелер болу мүмкіндігін қарастыру.

Енгізілетін жаңа ұғымдарға байланысты анықтамаларды талдаудан кейін орындалатын тапсырма оқушының түсінігінің қалыптасқанын бағалауға мүмкіндік береді. Сонымен қатар оқулықтағы есепті шығаруда өзін өзі бағалау, ал жеке тапсырманы орындау өтілген жаңа ұғымның қаншалықты меңгерілгенін анықтап ұалыптастырушы бағалауды жүзеге асырып оқушы жетістігін анықтауға мүмкіндік береді.

Сыныпта жақсы жұмысқа бейімдейтін психологиялық климат және оқушыларға өз ойын еркін жеткізуге мүмкіндік туғызатын орта орнату

Кабинет ерекшелігін ескере отырып қауіпсіздік ережелерін сақтау.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1: сабақтан күтетін нәтижені анықтау және оны сабақ соңында талдау сәтті өтті. Себебі әрбір оқушы өзінің жетістікке жету жолын және қаншалықты жеткендігін өздері қойған талапқа сай бағалай алды.

2: Тапсырмаларды орындау барысында өзара тексеру арқылы сыныптасына көмек көрсету және анықтамаларды сынппен талдау жақсы жүзеге асты.

Сабақты жақсартуға не ықпал ете алады (оқыту туралы да, оқу туралы да ойланыңыз)?

Cимметриялы және біртекті көпмүшелер анықтамасын кеңейтіп беріп, әртүрлі тапсырмалармен толықтыру қажеттігі бар екенін қалыптастырушы бағалау жұмысы көрсетті.