Сандар тізбегі, оның берілу тәсілдері және қасиеттері. Алгебра, 9 сынып, сабақ жоспары. 1 сабақ.

Ұзақ мерзімді жоспар бөлімі: Тізбектер

Мектеп:

Күні:

Мұғалімнің аты-жөні:

Сынып: 9

Қатысқандар саны:

Қатыспағандар саны:

Сабақ тақырыбы

Сандар тізбегі, оның берілу тәсілдері және қасиеттері

Осы сабақта қол жеткізілетін оқу мақсаттары (оқу бағдарламасына сілтеме)

9.2.3.1 сандар тізбегі туралы түсінік болу;

9.2.3.2 тізбектің n-ші мүшесін табу, мысалы:;

Сабақ мақсаттары

«тізбек», «тізбектің n-ші мүшесі» ұғымдарын енгізу, индексті белгілерін қолдана білу және берілген формула бойынша тізбектің n-ші мүшесін табу біліктіліктерін қалыптастыру.

Жетістік критерийлері

Оқушы:

 - сандық тізбек анықтамасы мен оның берілу тәсілдерін біледі;

 - тізбекті аналитикалық түрде, яғни формуламен бере алады;

 - аналитикалық түрде берілген тізбектің кез келген мүшесін таба алады.

Тілдік мақсаттар

Оқушылар:

- теориялық материалды ауызша қайталауда сөйлемдерді толықтыру;

- сан тізбектері туралы функцияның дербес жағдайы ретінде талқылау жүргізу.

Пәнге тән лексика мен терминология:

Тізбек, натурал жиында анықталған функция, тізбектің бірінші мүшесі және n-ші мүшесі, тізбектің берілу тәсілдері, аналитикалық, сөзбен және рекурренттік тәсілдер, заңдылық.

Диалог пен жазу үшін пайдалы сөздер мен тіркестер:

- Тізбек аналитикалық түрде берілген дейді, егер ...

- Тізбектің реккуренттік берілу тәсілі ...

Құндылықтарды дарыту

Оқи алу дағдысы, өздігімен ақпарат іздестіру, жағдайды талдау, жаңа жағдайларға бейімделу, мәселелерді қоя және оларды шеше білу, топта, жұпта жұмыс жасау, өз уақытын тиімді ұйымдастыра білу, өз жұмысының сапасына жауап беру.

Аталған құндылықтар сабақта жоспарланған жұмыстар арқылы орындалады.

Пәнаралық байланыстар

Жаратылыстану ғылымдары. Фибоначчи сандары.

Сабақтағы пәнаралық байланыс келесі видеоны тамашалау арқылы жүзеге асады.

https://www.youtube.com/watch?v=O7io6ortSJk.

Бастапқы білім

Функция, анықталу облысы, мәндер облысы, функцияның берілу тәсілдері, натурал сандар, нақты сандар, тізбек.

Сабақ барысы

Сабақтағы жоспарланған іс-әрекет

1. Ұйымдастыру кезеңі. Оқуға ынталандыру. Әңгімелесу.

Оқушыларға логикалық есепті ұсынамыз:

Бактерия әр секунд сайын жаңа екі бактерияға бөлінеді. Стаканды бактериялар толығымен 1 сағатта толтырады. Стакан неше секундта бактериялармен жартылай толады?

Оқушылармен әр уақыт моментінде стаканда қанша бактерия болғаны туралы талқылаңыздар, олардың сандарға байланысты заңдылығына назар аудартыңыз.

Оқушылармен бірлесіп сабақтың тақырыбын және мақсатын анықтау.

І. Жаңа тақырыпты оқыту. Жалпы сыныппен жұмыс.

Оқушылармен келесі сұрақтарды талқылау:

• Қандай тізбектер болуы мүмкін? (сандардан, нүктелерден, фигуралардан және т.б. құралған)
• Сендерге қандай сандық тізбектер белгілі (жұп немесе тақ сандар, натурал сандар тізбегі және т.б.)

Оқушыларды тізбектің элементтері қалай құралғандығы берілген болса (немесе оны анықтауға болса) тізбек берілген деп саналатыны туралы қорытындыға келулеріне бағыттау.

Негізгі түсініктер мен ұғымдарды енгізу:

х₁, х₂, х_3, ..., х_п, ... немесе қысқаша (х_п) – тізбек;

х₁ – тізбектің бірінші мүшесі, …. х_п - тізбектің п-ші мүшесі.

Оқушылардан күнделікті өмірде кездесетін ретімен нөмірлеуге болатын тізбектерді атауларын сұраңыз. (Бұл апта күндері, көшедегі үйлер, мектептегі сыныптар, банктегі шот нөмірі, т.с.с.). Шектеулі және шексіз тізбектер ұғымдарын енгізіңіз.

Сандық тізбектердің берілу тәсілдерін схемалық түрде ұсыныңыз.

формуламен графикпен сөзбен рекуррентті

Әр түрін қысқаша түсіндіріп, мысалдар қарастыру.

Оқушыларға Фибоначчи сандары туралы видеоролик көру ұсынылады

https://www.youtube.com/watch?v=O7io6ortSJk..

Оқушыларға 2-қосымшадағы 1-3-тапсырмаларды ауызша орындауларын ұсыныңыз.

2-қосымшадағы 4-6-тапсырмаларды оқушылармен бірігіп орындаңыздар.

Жаттығу жұмыстары. Жұптардағы жұмыс.

Оқушыларды жұптарға біріктіріңіз. 2-қосымшаның қалған есептерін алдымен өзі шешіп, кейін жұбымен тексеруді ұсыныңыз.

Жұмыс уақытын қадағалаңыз. Шешуінде қиындық туындаған есептерді оқушылармен бірге талдаңыз.

Қолданбалы есептер шығару. Топтардағы жұмыс.

Оқушыларға 3-4 адамнан топтарға бірігулерін сұраңыз. Оқушылар есеп шарттарын талдап, топтарда шығарады. Мұғалім жауаптарын тексереді, кері байланыс жасап, шешімдерін жалпы сыныппен бірге талқылауды ұйымдастырады.

Сабақ соңында оқушылар рефлексия жүргізеді:

- не білдім, не үйрендім;

- не түсініксіз болып қалды;

- немен жұмыс жасау керек және т.с.с.

Мұғалім үй тапсырмасын орындау бойынша нұсқаулар береді.

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Денсаулық және қауіпсіздік техникасының сақталуы

Мұғалім оқушыларға есеп шығару барысында жеке көмек көрсетеді. Тапсырмалар қиындық деңгейінің өсу ретімен таңдалған.

Үзіліс уақытында оқу кабинетін желдетіп алу керек. Парталар мен орындықтардың дұрыс орналасуына назар аудару керек.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?