Қысқаша көбейту формулалары. Алгебра, 8 сынып, қосымша материал.

Сабақты өткізуге әдістемелік нұсқаулар

Сабақ тақырыбы: Қысқаша көбейту формулалары

Оқу мақсаты:

Қысқаша көбейту формулаларын

біледі және қолданады;

Қысқаша көбейту формулаларын біледі және қолданады;

Тиімді және ауызша есептеу үшін қысқаша көбейту формулаларын қолданады

Сабақ мақсаттары: «Қысқаша көбейту формулаларын» оңнан солға,солдан оңға қарай қолданады

Сабақ құрылымы:

• Ұйымдастыру кезеңі
• Үй тапсырмасын тексеру
• Білім жаңғырту
• Білімді бекіту
• Үй тапсырмасы. Рефлексия.

Көрсетілім мен қауіпсіздік техникасына қойылатын нұсқаулар

Материалдың сабақ барысындағы көрсетілімі Power Point бағдарламасы көмегімен жүзеге асады. Слайдтарды мұғалімге сабақтың алдында қарап шығып, оларды бір-бірден көрсетіп отырған жөн. Жеке қосымша құжат түрінде жазылған тапсырмалар слайдта болғанымен, оларды параққа басып, әрбір оқушыға жеке ұсынған жөн. Сонымен, олардың сабақ үстінде интерактивті тақтамен жұмыс жасау уақытын үнемдеуге болады.

 Сабақты ұйымдастыру бойынша қосымша әдістемелік нұсқаулықтар

Бұл сабақта білімді тексеруге бағытталып құрылған, өйткені бір мақсат бойынша бірнеше сабақ қатарынан өткен кезде жазбаша жұмыспен тексеру қажет. Сонымен қатар, оқушылар суммативті жұмыс сияқты жазбаша жұмыстарға даярлығы жақсарады. Оқушылардың қызығушылығын арттыру мақсатында және дарынды оқушыларды дамыту мақсатында осы тақырып аясындағы есептерге біраз кеңейту ұсынылған.

Топтық жұмыс.

Топтық жұмысты формативті бағалау үшін «Температураны өлшеу» әдісі қолданылады. Бұл әдіс оқушылардың тапсырманы дұрыс орындап жатқандықтарын тексеру үшін қолданылады. Ол үшін оқушылардың іс-әрекеттері тоқтатылады және ұстаз «Біз не істеп жатырмыз?» деген сұрақ қояды. Оқушылардың осы сұраққа жауап беруіне қарай мұғалім олардың тапсырманың негізгі шартын түсінгендіктері немесе оны орындау барысы жайлы мағлұмат алады. Кейбір жағдайда ұстаз жұптардың немесе топтардың бірінен тапсырманы қалай орындап жатқандықтары жайлы айтып берулерін ұсынады. Ал қалғандары оларды бақылап, өздері не істеу керегі жайлы түсінік алады.

 Формативті бағалау бойынша ұсыныстар.

 Формативті бағалау сабақтың басында өткізіледі. (тек мұғалімнің бағалауы). Оқушылардың сабақ үстіндегі талқылауларға қатысуы мұғалімнің бақылауы бойынша ауызша кері байланыс арқылы бағаланады. Оқушыларға сабақ бойы берілетін жеке, топтық немесе бүкіл сыныптық кері байланыс олардың қателерін айқындап, алдағы уақытта болдырмауына себеп болады.

 Қажетті интернет-сілтемелер мен әдебиеттер.

Алгебра. 8-сынып: Жалпы білім беретін мектептің 8-сыныбына арналған оқулық/ Шыныбеков Ә.Н. – 3-басылымы. – Алматы: «Атамұра», 2012.

Галицкий М.Л., Гольдман А.М., Звавич Л.И. Сборник задач по алгебре для 8-9 кл. Москва «Просвещение» 2001.

www.brilliant.org