Түзулердің параллельдігі, олардың белгілері және қасиеттері. Алгебра, 7 сынып, сабақ жоспары.

7.3С Түзулердің өзара орналасуы

Мектеп: Өскемен қаласы химия – биология бағытындағы Назарбаев Зияткерлік мектебі

Күні:

Мұғалімнің аты-жөні: Бектембаева А.С.

Сынып: 7

Қатысқандар саны:

Қатысқандар саны:

Сабақ тақырыбы

Түзулердің параллельдігі, олардың белгілері және қасиеттері.

Сабақтың түрі

Білімді бекіту сабағы

Осы сабақта қол жеткізілетін оқу мақсаттары (оқу бағдарламасына сілтеме)

7.3.2.3

екі түзуді қиюшымен қиғанда пайда болған бұрыштарды танып білу;

7.3.2.4

түзулердің параллельдік белгілерін дәлелдеу;

7.3.2.7

параллель түзулердің қасиеттерін есептер шығаруда қолдану;

 Сабақ мақсаттары

-екі түзу және қиюшымен қиғандағы бұрыштарды ажырата алады(айқыш, ішкі тұстас, сәйкес бұрыштар);

-түзулердің параллельдік белгілерін біледі және оны есептер шығаруда қолдана алады;

-түзулердің параллельдік белгілері негізінде параллель түзулердің қасиеттерін дәлелдейді.

 Бағалау критерийлері

Екі түзудің қиюшымен жасайтын бұрыштарын сұрыптап, түзулердің параллельдік белгілерін есептер шығарғанда қолдана білу.

Сабаққа қатысты терминдерді 3 тілде меңгеру.

Параллель түзулердің қасиеттерін дәлелдей алу.

 Тілдік мақсаттар

Оқушылар:

Параллель түзулерді салу техникасын түсінеді, сипаттайды және бекіту үшін сұрақтар қояды.Параллель түзулер, қиюшы, сәйкес/тұстас/айқыш бұрыштар.

Бірдей қашықтықта орналысқан, параллель.

Параллель түзулер – бір жазықтықта жататын қиылыспайтын 2 түзу.

Қиюшы – параллель түзулерді қиятын түзу.

Түзулер параллель екенін қалай білеміз?

Қиюшы деп нені түсінесіз?

 Құндылықтарды дарыту

Оқу, өз бетімен ақпаратты табу, жағдайды талдау, жаңа жағдайларға икемделу, мәселелерді қою және шешім қабылдау, жұпта, топта жұмыс істеу, өз жұмысының сапасына жауап беру, өз уақытын ұйымдастыра білу;

 Пәнаралық байланыстар

Біздің қоршаған ортада бұрыштар, түзулер, жазықтықтар мен фигуралар кездеседі. Бұл түсінікті дизайн мен технология, құрылыста және физикада қолдануға болады.

 АКТ қолдану дағдылары

Интерактивті тақтаны қолдану дағдылары

Бастапқы білім

Түзулердің параллельдік белгілері

Сабақ барысы

Сабақтың жоспарланған кезеңдері

Ұйымдастыру кезеңі: (Амандасу, сыныпты түгендеу, сынып оқушыларының сабаққа дайындығын тексеру, үй тапсырмасын өзара тексеру арқылы бағалау, сабақ тақырыбын және мақсатын айқындау)

«Тізбек» ойыны. Термин сөздерді үш тілде айту.

Мақсаты: Сабаққа қатысты терминдерді 3 тілде жетік меңгеруге ықпал ету, ағылшын тіліндегі тапсырмалардың шартын өз бетімен аударып,түсіне алуға үйрету.

Оқушы: Бір оқушы кез-келген оқушыға бір терминді айтады, ол оқушы ол терминді 2 тілге аударып, келесі оқушыдан басқа терминді сұрайды, т.с.с жалғасады.

Мұғалім: Терминдердің дұрыс айтылуын қадағалайды.

Топтық жұмыс.

Оқушыларды топқа бөліп, түзулердің параллельдік белгілеріне кері теореманы тұжырымдап, дәлелдеуді ұсыну. Ол үшін әр топқа кесте беріледі. (Қосымша 1). Әр топ параллельдік белгілерінің біреуінен параллель түзулердің қасиеттерін тұжырымдайды, дәлелдейді. Дәлелдеу кезінде оқулыққа сүйенуге болады. Әр топ теореманың дәлелдемесін бір-біріне түсіндіріп, параллель түзулердің қасиеттерін тұжырымдайды.

Қажеттілік туындаса мұғалім көмек көрсетеді

Мақсаты: Оқушыларды топта жұмыс істей білуге үйрету, өзара көмек көрсету, бірін-бірі оқытуға үйрету. Тура теореманы пайдаланып,кері теореманы дәлелдеу дағдысын қалыптастыру

True/False.

Дұрыс тұжырымдарды таңдаңыз (суретке қараңыз): 

а және b түзулері параллель, егер ...  

а) 1=3 (-); 

б) 5+8=180⁰ (-): 

в) 2=6 (+); 

г) 8+3=180⁰ (-) ;

д) 5=3 (+); 

е) 7=6 (-); 

ж) 1+7=180⁰ (+) ;

з) 1+4=180⁰ (-).

Оқушылар: тұжырымдардың ақиқат, не жалғандығын анықтайды. Дұрыс жауаптар кілтін пайдаланып, өзін-өзі бағалайды. Жіберілген қателіктеріне анализ жасайды.

Мақсаты:Түзулердің параллельдік белгілерін қолдана алуға, екі түзуді қиюшымен қиғандағы бұрыштарды ажырата білуге үйрету.

Топтық жұмыс. Dinky King – The Next Generation of Platform Game!

Оқушылар: алған білімдерін қолдана отырып, топта есеп шығарады.

Мұғалім: Тапсырманы дұрыс орындауын қадағалайды, қажет болса демеуші сұрақтар арқылы көмек көрсетеді.

Мақсаты: Параллель түзулерді қиюшымен қиғанда пайда болатын бұрыштардың қасиетін қолдана алуы. Оқушыларды ойын арқылы қызығушылығын арттыра отырып, алған білімін қолдана алуға үйрету.

Өздік жұмыс. Деңгейлік тапсырмалар. Дайын сызбалар арқылы есептер шығару.

Мақсаты: Түзулердің параллельдік белгілерін қолданып есептер шығару. Есептер жеңілден бастап күрделене береді. Оқушылар деңгейіне қарай есептер шығарады.

Оқушылар: Түзулердің параллельдік белгілерін қолданып, түзулердің параллельдігін дайын сызбаларды қолданып, дәлелдейді. Дәптерге орындайды.

Мұғалім: Тапсырманы түсінулерін қадағалау. Қажет жағдайда көмек көрсету, дұрыс шешімге жетелейтін сұрақтар қою. Жазу үлгісін сақтауларын қадағалау.

Үй тапсырмасы:№149, 181

Рефлексия.

Кері байланыс.

Бағалау парақшасы

Саралау–оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Саралау іріктелген тапсырмалар, нақты бір оқушыдан күтілетін нәтижелер, оқушыға дербес қолдау көрсету, оқу материалдары мен ресурстарын оқушылардың жеке қабілеттерін есепке ала отырып іріктеу. Тапсырмалар жеңілден басталып күрделеніп отырады.

Топтық жұмыстарда, үй тапсырмасын тексеру - өзара бағалау,

Өздік жұмыс, true-false – мұғалімнің бағалауы;

«Тізбек» ойыны – өзін-өзі бағалау

Денсаулық сақтау технологиялары.

Сергіту сәттерімен белсенді іс-әрекет түрлері.

Осы сабақта қолданылатын Қауіпсіздік техникасы ережелерінің тармақтары

Сабақ бойынша рефлексия

Сабақ мақсаттары/оқу мақсаттары дұрыс қойылғанба? Оқушылардың барлығы ОМ қолжеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1: Dinky King ойынын топтық түрде ұйымдастыру оқушыларға ерекше қызығушылық туғызды

2:True/False тапсырмасын орындау кезінде сыни тұрғыдан ойлап, білімін жүйелеуге көмектесті.

Сабақты жақсартуға не ықпал ете алады (оқыту туралы да, оқу туралы да ойланыңыз)?

1: тайм менеджментке көңіл бөлу

2: саралап оқыту

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?