«Мен елімді сүйемін» Сырбай Мәуленов. Әдебиеттік оқу, 4 сынып, дидактикалық материал.

• қосымша

Мен елімді сүйемін

 Туған ел үйіңнің кішкентай табалдырығынан басталады. Содан шетсіз, шексіз қияға өрлеп кете барады.

 Оның жұпар атқан жусаны, кеудеңе құйылған мөлдір ауасы, жотаға өрлеген жалғыз аяқ жолдары – осының бәрі сенің туған еліңді құрайды. Туған жерсіз адамның күні жоқ. Алыс кетсең өз үйіңнің мұржасына дейін сағынасың. Туған жерің түсіңе енеді. Алыстан сені қол бұлғап шақырады.

  Туған ел мағынасы тереңде жатыр. Балғын балалық шақ! Күлдір-күлдір кісінеп, айнала шапқылаған құлыншақ! Сәуірде бүршік атқан, қылтиып күн көзіне көрінген балауса көк шөп. Өзен үстінде ұшқан шағала! Күннің қызғылт шапағына бөленген үйлер – осының бәрі тұтас тұрған туған ел!

 Ал енді ананың бесікте жатқанда айтқан әлдиі, әженің тамылжыта айтқан ертегілері, туғандардың мейірбан күлкілері – осының бәрі туған еліңнің керемет сипаттары!

Сырбай Мәуленов

2-қосымша

3-қосымша