«Жеңіс күні» Қайрат Жұмағалиев. Әдебиеттік оқу, 4 сынып, сабақ жоспары.

Пән: Әдебиеттік оқу

Бөлім:Демалыс мәдениеті. Мерекелер.

Күні:

Сынып:

Мектеп: Қарағанды облысы, Балқаш қаласы.

Мұғалімнің аты-жөні: Аханова Айдана Кынаровна

Қатысқандар саны:

Қатыспағандар саны:

Сабақ тақырыбы

«Жеңіс күні» Қайрат Жұмағалиев

Оқу мақсаты

3.2.8.2 мұғалімнің көмегімен көркем шығарма үзіндісін басқа үлгідегі (иллюстрация, музыка (күй), мультфильм) нұсқасымен салыстыру

3.2.2.1 қолдануға (практикалық), бағалауға негізделген сұрақтар қою және жауап беру

Сабақ мақсаты

Барлық оқушылар: шығарманы түсініп оқиды, мазмұнына сәйкес көрсетілген бейнематериал нұсқасымен салыстырады және сурет бойынша сипаттап айтады.

Көптеген оқушылар: шығарма мазмұнына сәйкес көрсетілген бейнематериал нұсқасымен салыстырады және сурет бойынша сипаттауда көркем- бейнелі сөздерді орынды қолданады. Сұрақтар қояды және жауап береді.

Кейбір оқушылар: өз ойын білдіруде, сурет бойынша сипаттауда көркем- бейнелі сөздерді орынды қолданады, тақырыпқа сәйкес сұрақтар құрастырады.

Бағалау критерийлері

• мәтін бойынша сұрақтар қояды және жауап береді;
• көркем шығарманы басқа үлгідегі нұсқасымен салыстыра сипаттайды.

Тірек сөздер

Жеңіс, қайнауда шынығады, батамен көгерер, тосты бәрін құлағын.

Құндылықтарды дарыту

Топтық, жұптық жұмыс жасату арқылы оқушылар ортасында ынтымақтастықты қалыптастыру, Ұлы Отан соғысындағы батырларымыздың көрсеткен ерлігін насихаттау арқылы тұлға бойында «Қазақстандық патриотизм мен азаматтық жауапкершілікті» сіңіру.

Пәнаралық байланыстар

Өз ойын білдіруде, «Шатысқан оқиға» әдісінде мәтінді құрастыруда сөйлемдегі сөздердің байланысын, мәтіннің құрылымдық бөліктерін сақтау кезінде қазақ тілі пәнімен байланыс жасалады.

АКТ қолдану дағдылары

Интербелсенді тақта

Алдыңғы меңгерілген білім

Сын тұрғысынан бағалап оқуды, оқиғаның сюжетін дұрыс жүйелеуді, шығарманың түрлі жанры бойынша шығармашылық жұмыс жазуды біледі.

Сабақ барысы

Сабақтағы жоспарланған іс-әрекет

Ширату тапсырмасы

(ҰЖ) 1- тапсырма

Сөз жұмбақты шеш!

• Болат қайнауда шынығады,

Батыр .... шынығады.

• Батыр- елдің ...,

Бал құрақ- көлдің сәулеті.

• Жүк ауырын... көтереді,

Ел ауырын ер көтереді.

• ... ер жеңсе- тасымас,

Жеңілсе- жасымас.

• Отан ... отқа түс- күймейсің.
• Жаңбырменен жер ....,

Батамен ер көгерер.

2- тапсырма

• Торкөздердегі сөзді оқы.
• Қазақтың қыздарынан тағы кімдерді білесің?
• Мақал- мәтелдерге ортақ тақырып ойлап тап.
• Сабақтың тақырыбы мен мақсатымен таныстыру;
• Бағалау критерийлерімен таныстыру.

•  «Жеңіс күні» қай күн? Қалай түсінесіндер? Жеңіс күні – 9- мамыр туралы не білеміз?
•  Оқушылардың жауабын тыңдау.

Ұлы Отан соғысы туралы айтылған балалардың жауаптарын тыңдату, салыстыру. https://www.youtube.com/watch?v=UCIZfjVGyIc

• Балалар Ұлы Отан соғысы туралы не біледі екен?

3- тапсырма

Тыңдалым

• Қайрат Жұмағалиев «Жеңіс күні» өлеңімен танысамыз. Өлеңді тыңдату.

Сұрақтар:

• Ақын өлеңінде не туралы айтылған?
• Қуаныш, мереке, бақыт.
• Жеңіс күні қай күн?
• Бейбіт күн мен соғыс күнді қалай түсінесің?
• Біздерге бейбіт өмірді кімдер сыйлады?
• Қазіргі кезде қаламызда Жеңіс күні қалай тойланады?

4- тапсырма

Өлең авторы туралы мәліметті түсініп оқиды. Сызбаны толтырады.

Қай жерде Кім? Шығармалары

дүниеге келген?

5- тапсырма

Өлеңдегі сұрақ бойынша берілген жолдарды қайталап оқы. Осы сұраққа қалай жауап берер едің?

(ТЖ) «Шатасқан оқиға» әдісі бойынша мәтінмен жұмыс.

•  Мәтін бөліктерге бөлінген. Сол бөліктердің мазмұнын түсіне отырып, шатаспай, тұтастай құрастырасыздар.
•  Мәтінге бірігіп ат қойыңдар.

 «Сұра және жауап бер» ойыны арқылы өлең мазмұнына байланысты сұрақтар қою және жауап беру.

• Мәтін бойынша сұрақтар дайында.
• Жұбыңа сұрақ қой және оның қойған сұрақтарына жауап бер.

Саралау: тапсырма бойынша саралау жүргізіледі. Тапсырма барлық оқушыларға ұсынылады, бірақ әртүрлі нәтиже күтіледі. Қабілеті жоғары оқушы қабілеті төмен оқушыға көмектеседі. Жұпта тапсырманы бірлесіп орындайды.

(ҚБ) Дескриптор:

• мәтін бойынша сұрақтар дайындайды;
• сұрақтарға толық жауап береді.

Бағалау: «Басбармақ» әдісі арқылы өзін- өзі бағалау. Кері байланыс ұсыну.

Сергіту сәті «Айна» әдісі

Оқушылар жұпқа бөліне отырып, қарама- қарсы тұрады. Қарама- қарсы тұрған оқушының қимылын, іс- әрекетін қайталау қажет. (Көңілді музыка қойылып тұрады.)

«Ұлы Отан соғысы» туралы бейнефильм көрсету.

https://www.youtube.com/watch?v=Hw4Zl9ZwS4k

Мәтінде батыр ерлігін, сұрапыл соғыс жылдарын қалай сипаттап көрсеткен? Ал бейнефильмде ше? Ұлы Отан соғысын, батыр ерлігін салыстыра отырып сурет бойынша сипаттап айт.

Саралау: тапсырма бойынша саралау жүргізіледі. Тапсырма оқушылардың барлығына ұсынылады, бірақ әртүрлі нәтиже күтіледі. Кейбір оқушыларға қолдау көрсетіледі.

(ҚБ) Дескриптор:

• Соғыс кезіндегі әйел азаматтардың еңбегін сипаттап айтады;
• Батырлардың ерлігін сипаттап айтады;
• Жеңіс күніндегі тағзымды сипаттап айтады.

Бағалау: оқушылар өздерін «Жетістік баспалдағы» арқылы бағалайды.

Рефлексия. «Өзін- өзі талдау кестесі» бойынша. Қажетті нұсқасын қоршайды.

Саралау

Төмендегі саралау тапсырмаларын сынып оқушыларының қажеттілігіне қарай мұғалім өз өзертіп отыруы қажет.

Бағалау

«Тапсырма бойынша саралау» «Сұра және жауап бер» тапсырмасында жүргізіледі. Тапсырманы орындау кезінде қабілеті оқушы өз ойын көркем- бейнелі сөздерді қолдану арқылы жеткізеді. Оларға мадақтау, ынталандыру мақсатында қолдау көрсетілсе, барлық оқушыларға бағытталған нұсқау бере отырып, олардың түсінгендеріне көз жеткізу керек.

«Нәтиже арқылы саралау» негізінде «Сурет бойынша сипаттау» тапсырмасы орындалады. Тапсырма барлық оқушыларға ұсынылады, бірақ әртүрлі нәтиже күтіледі. Қабілеті жоғары оқушының және мұғалімнің көмегін қажет ететін оқушыларға қолдау беріледі.

«Басбармақ», «Жетістік баспалдағы» әдісі арқылы бағалау.

Дескриптор:

• мәтін бойынша сұрақтар дайындайды;
• сұрақтарға толық жауап береді.
• соғыс кезіндегі әйел азаматтардың еңбегін сипаттап айтады;
• батырлардың ерлігін сипаттап айтады;
• Жеңіс күніндегі тағзымды сипаттап айтады.

Сабақ бойынша рефлексия

Жалпы баға

Сабақтың жақсы өткен екі аспектісі (оқыту туралы да, оқу туралы даойланыңыз)?

1:

2:

Сабақтыжақсартуға не ықпалетеалады (оқытутуралы да, оқутуралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?