«Айт құтты болсын! Айт күндері» Бейімбет Майлин. Әдебиеттік оқу, 3 сынып, нұсқаулық.

Бөлім: Демалыс мәдениеті. Мерекелер.

Сабақ тақырыбы: «Айт құтты болсын! Айт күндері» Бейімбет Майлин

Оқу мақсаттары:

3.2.2.1 қолдануға (практикалық), бағалауға негізделген сұрақтар қою және жауап беру

3.2.1.2 шығарманы іштей саналы түрде түсініп, көз жүгіртіп, шолып, түртіп алып, қажетті ақпаратты тауып, белгі қойып, сын тұрғысынан бағалап оқу

Сабақ мақсаттары:

 Барлық оқушылар: мәтінді түсініп оқиды, мәтін мазмұнына сәйкес сұрақтар қояды және жауап береді.

 Көптеген оқушылар: мәтінді түсініп оқиды, мәтіннен қажет ақпараттарды табады және мәтін мазмұнына қатысты ой қорытып айтады; сұрақтар құрастырады және жауап береді.

 Кейбір оқушылар: мәтінді түсініп оқиды, мәтіндегі көркем сөздерді қолданып өз ойын айтады.

Бағалау критерийлері:

•  Мәтін бойынша сұрақтар қояды және жауап береді;
•  Мәтіннен қажетті ақпаратты тауып оқиды.

Сабақтың басы

Ширату тапсырмасы

«Менің көңіл- күйім» жаттығуы

•  Бүгінгі сабақ көңілді, сәтті өтсін десек, «Күлкі- өмірдің кілті демекші», бір- бірімізге жымия отырып, мейірім сыйлай білейік. Сабақтағы өз көңіл- күйлеріңізді суреттеп салыңыздар.
•  Жақсы. Қане, көңілімізді көтеріп алайықшы. Хормен айтқызу.
•  Біз қандаймыз? Қандаймыз?

Жарқыраған таңдаймыз?

Шуақ шашқан күндейміз.

Ренжісуді білмейміз.

• Сабақтың тақырыбы мен мақсатымен таныстыру;

 Бағалау критерийлерімен таныстыру.

Сабақтың ортасы

• тапсырма

(ТЖ) «1 минуттағы ой» стратегиясы

Оқушылар «Айт мерекесі» дегенде ойларына не түсті, соны 1 минут ішінде жазып, ортақ тізім жасайды. Сосын сол сөзді не үшін жазды топта бір- біріне түсіндіреді. Мысалы: «Айт мерекесі- айттау» , 7 шелпек, тазалық, т.б.

 Айт- арабшадан тілімізге аударғанда «мейрам» деген мағынаны білдіреді. Айт жылына 2 рет болады. Біріншісі- Рамазан айты, екіншісі- құрбан айт. Айтта адамдар ниеттерін түзетіп, жаманшылықтан арылып, жақсылыққа бет бұруға тырысады.

Саралау: оқушылар тарапынан кез- келген жауаптар қабылданады. Қабілеті жоғары оқушылар өздері жазған сөздерге дәлел келтіріп, түсіндіреді.

•  тапсырма

 «Айт күндері» (Бейімбет Майлин) мәтінімен «Стоп кадр» тәсілі арқылы таныстыру.

•  Оқушылар шеңбер құрып тұрады.
•  Ортаға бір оқушы мәтінді дауыстап оқиды. Тоқтау қажет жерде оқушылар шапалақтап белгі береді ( яғни «Стоп кадр»).
•  Оқыған оқушы өлеңнің өзі оқыған бөлігіне қатысты бір сұрақ қояды.
•  Қалған оқушылар мәтін мазмұны бойынша сұрақтарға жауап береді.

Сұрақтар:

• Айт мерекесін ауыл тұрғындары қалай тойлайды?
• Айт мерекесінде адамдар бір- біріне қандай тілек тілейді?
• Ауыл іші гу- гу дегенді қалай түсінесің?
• Ауыл адамдарының іс- әрекеттері қалай сипатталады?

Саралау: қабілетті оқушылар мәтінді дауыстап қатесіз оқиды және мағынасын ашып, өз ойларын еркін айтып түсіндіреді. Қабілеті төмен оқушылар ұзақ оқитындықтан, оларға оқуға қосымша уақыт берілуі қажет.

(ҚБ) дескрипторы:

• Мәтінді дауыстап қатесіз оқиды;
• Мәтін мазмұнына сәйкес сұрақтар қояды;
• Мәтін мазмұнына қатысты ой қорытып айтады;
• Мәтіннің негізгі ойын анықтайды.

Бағалау: оқушылар өз- өздерін «Қол белгісі» арқылы бағалайды.

• тапсырма

Өлең авторы туралы мәліметті түсініп оқиды. Сызбаны толтырады.

Қай жерде Кім? Шығармалары

дүниеге келген?

Сергіту сәті. «Заряд алу» 

Шаттық шеңберге барлығы тұрып, көздерін жұмады. Бастапқы бастаушы қолды 1 рет қысады, екінші айналымда 2 рет қысады, соңында 3 рет қысады, бұл бастапқы бастаушыға барғанда қанша заряд жібергені бойынша қайта келу керек.

(Гүлнұр Оразымбетованың орындауында «Мереке» әнін қою.)

4- тапсырма

(ЖЖ) «Менен сұрақ, сізден жауап» әдісі

Мәтіндер бойынша Айт мерекесіне қатысты 3 сұрақ дайында және оларға жауап бер.

Саралау: Тапсырманы орындау барысында әр оқушының ойлау деңгейінің әртүрлі болатындығын ескеріліп, өз мүмкіндігі бойынша қолдау беріледі.

(ҚБ) дескриптор:

• мәтін бойынша сұрақтар дайындайды;
• сұрақтарға толық жауап береді.

Бағалау: оқушылар бірін- бірі «Бағдаршам» әдісі бойынша бағалайды.

  (ӨЖ) Айт мерекесі туралы берілген мәліметтерді автор өз мәтінінде сипаттаған тұсты тауып, көшіріп жаз.

 Саралау: тапсырма бойынша саралау жүргізіледі. Тапсырма оқушылардың барлығына ұсынылады, бірақ әртүрлі нәтиже күтіледі. Кейбір оқушылар өз ойларын жеткізуде көркемдегіш құралдарды қолданады.

 (ҚБ) Дескриптор:

• Мәтіннен қажетті ақпаратты тауып жазады.

Бір- бірін «Бас бармақ» әдісі арқылы бағалау.

 Айт мерекесі туралы бейнематериал көрсету.

https://www.youtube.com/watch?v=raF5f6dMZ9o

«Атомдар мен молекулалар» ойыны.

Атомдар» деп дауыстағанда бір- бірімен араласып, қозғалып жүреді. «Молекулалар» деп айтып, 2,3 сандарын айтқанда оқушылар екіден- үштен тұра қалады. Мұғалімнің сұрақтарына жауапты бірі- біріне айтады. Кезектесе отырып, бір топтасқанда мұғалңм сұрақ қойса, екінші топтасқанда оқушы сұрақ қояды.

• Елімізде Айт мерекесін қалай тойлайды?
• «Айт күндері» мәтініндегі және бейнематериалдағы Айт мерекесінің тойлануында ұқсастық бар ма?

Саралау: тапсырма барлығына бірдей ұсынылады. Бірақ әртүрлі нәтиже күтіледі. Қабілетті оқушылар өз пікірлерін нақты дәлелдермен жүйелі жеткізеді.

(ҚБ) Дескриптор:

• Әртүрлі дереккөздер бойынша ақпаратты тауып, сұраққа жауап береді;
• Тақырыпқа сәйкес сұрақтарға жауап береді.

Бағалау: өзін- өзі «Баспалдақ» әдісі бойынша бағалайды.

5-тапсырма

Айт күні айтылатын 5 тілек жаз.

Сабақтың соңы

«Рефлексиялық нысана»

Тақтаға секторларға бөлінген нысана салынады..Әр секторларда  рефлексия кезеңіндегі «Бүгінгі сабаққа қатысуым», «Сабақ қызықты болды», «Сабақты түсіндім», «Жаңа нәрсені білдім» жазылады.  Осы жазылған сөздердің секторының параметрлеріне стикер жабыстырады.

 Ескерту. Сынып оқушыларының ерекшелігіне байланысты мұғалім тапсырмаларды түрлендіріп бере алады.