Батыр ата. Нығмет Ғабдуллин «Батырдың мінезі». Әдебиеттік оқу, 3 сынып, нұсқаулық.

Пән: Әдебиеттік оқу

Бөлім: Атақты тұлғалар

Сабақ тақырыбы: Батыр ата. Нығмет Ғабдуллин «Батырдың мінезі»

Оқу мақсаттары:

3.2.6.1 Кейіпкердің портретін сипатта, оның іс-әрекеті, мінез-құлқының өзгеру себептерін мәтіннен тауып, бағалау;

3.2.5.1 Көркем шығармадағы оқиғаның басталуын, дамуын және аяқталуын анықтау.

Сабақ мақсаттары:

Барлық оқушылар: шығарманы түсініп оқиды, мәтін мазмұны бойынша сұрақтарға жауап береді;

Көптеген оқушылар: кейіпкердің мінез-құлқының өзгеру себебін анықтайды, шығармадан оқиғаның басталуын, дамуын, аяқталуын табады;

Кейбір оқушылар: мәтіннің құрылымдық бөліктерін (басы, ортасы, соңы) ажыратады, кейіпкердің іс-әрекетін бағалайды, өз ойын еркін айтады.

Бағалау критерийлері

мәтін мазмұны бойынша сұрақтарға жауап береді;

кейіпкердің іс-әрекеті туралы ойын айтады;

кейіпкерге мінездеме береді;

кейіпкердің іс- әрекетіне баға береді;

мәтінді құрылымдық бөліктерге бөледі.

Қажетті ресурстар: маркер, флипчарт, оқулық

Сабақ барысы

Сабақтың басы

Ширату тапсырмасы.

Оқушыларды батырлар есімі арқылы 5 топқа біріктіреміз.

І топ - Бауыржан Момышұлы

ІІ топ - Талғат Бигелдинов

ІІІ топ - Төлеген Тоқтаров

ІҮ топ - Қасым Қайсенов

Ү топ - Рақымжан Қошқарбаев

Батырлар туралы әңгімелейді. (алдын ала тапсырма беріледі)

Мұғалім қосымша ақпаратпен толықтырады.

Бауыржан Момышұлы (24 желтоқсан 1910 жыл - 10 маусым 1982 жыл) — Кеңес одағының батыры, жазушы, Екінші дүниежүзілік соғыстың даңқты жауынгері, әскери қолбасшы.

Талғат Жақыпбекұлы Бигелдинов (5 тамыз 1922, Ақмола облысы, Қорғалжын ауданы, Майбалық ауылы - 9 қараша, 2014, Алматы) — Авиация генерал-майоры, Кеңес Одағының екі мәрте батыры, «Барыс» орденінің иегері.

Тоқтаров Төлеген (19.12. 1920, Шығыс Қазақстан облысы Ұлан ауданы Қарақұдық ауылында туды- 9.2. 1942, Ресей, Мәскеу облысы Бородино ауылы -2-дүниежүзүлік соғысқа қатысушы, қатардағы гвардия жауынгері.

Қасым Қайсенов (23 сәуір 1918, Шығыс Қазақстан облысы, Ұлан ауданы — 30 желтоқсан 2006, Шығыс Қазақстан облысы, Ұлан ауданы) - Қазақстанның Халық қаһарманы, Халықаралық Фадеев атындағы сыйлықтың лауреаты, көрнекті жазушы, Ұлы Отан соғысының ержүрек батыры, әйгілі партизан, көзі тірісінде аты аңызға айналған халқымыздың қайталанбас біртуар даңқты перзенті.

Қошқарбаев Рақымжан (1924 —1988 жж.) – Берлиндегі Рейхстагқа жеңіс туын тіккен қазақ азаматы, Халық қаһарманы1924 ж. 19 қазанда Ақмола облысы Ақмола ауданында дүниеге келген. 1942 ж. әскерге алынып, 1944 ж. Фрунзедегі (Бішкек) жаяу әскер училищесін бітірген. 1944 ж. қазан айынан бастап I Белорусь майданындағы 150-Идрицк атқыштар дивизиясы құрамында взвод басқарып, Польша және Германия жерлеріндегі ұрыстарға қатынасты. Лейтенант Қошқарбаев Берлин операциясы кезінде асқан ерлік көрсетті. 30-сәуірде ол жауынгер Григорий Булатов екеуі Кеңес әскерлері арасынан Рейхстагқа алдымен жетіп, жеңіс туын тікті.

Сабақ тақырыбы және оқу мақсаттарымен таныстыру.

Оқушылармен бағалау критерийін құрастыру немесе таныстыру.

Сабақтың ортасы

1-тапсырма

(МК, Ө) «Ой қозғау» әдісіне сүйеніп Ұлы Отан соғысына қатысты ерлік туралы сөздерге өз ойларын білдіреді.

1.Батыл болмай, батыр болмайсың.

2.Өжет адам өлімді жеңеді.

3.Тәуекелшіл тайынбайды.

4.Ерлік пен бірлік жеңіске жеткізеді.

5.Қорқақ қол бастамайды.

Саралау: тапсырма бойынша саралау жүргізіледі. Тапсырма барлық оқушыларға ұсынылады, бірақ әртүрлі нәтиже күтіледі. Тапсырманы орындау кезінде бірін-бірі тыңдап, толықтырады. Қабілеті төмен оқушыларға қолдау көрсетіледі.

(Б) оқушылар бірін – бірі смайлик арқылы бағалайды

2-тапсырма

(МК, ЖЖ) «Тұлғаны таны» әдісіне сүйеніп түрлі дереккөздерге сүйеніп Нығмет Ғабдуллин туралы әңгімелейді. (интернет желіні қолданады)

Қосымша ақпарат: Нығмет Ғабдуллин (1927-2005) Ақмола облысы Атбасар ауданы Шұңқыркөл ауылында дүниеге келген. Ұлы Отан соғысының батыры Бауыржан Момышұлы туралы әңгіме жазған.

Саралау: тапсырма бойынша саралау жүргізіледі. Тапсырма барлық оқушыларға ұсынылады, бірақ әртүрлі нәтижелер күтіледі. Оқушылар бірге жұмыс жасап, ақпаратты іздеуге немесе өз идеяларын айтуға үйренеді. Мәтін құрастыруда кейбір топтарға мұғалім қолдау көрсетеді.

(Б) «Ауызша кері байланыс» «Жарайсың», «Керемет», «Жақсы». Осы кері байланыс арқылы оқушылар өздері пайдалана алатын кері байланыс тілін қалыптастырады

3 - тапсырма

(Ө, Т, МК) Әр топ «Баспалдақ» әдісімен шығарманы толық оқиды.

1.Мәтін мазмұны бойынша сұрақтарға жауап береді.

2.Оқиғаның басталуын, дамуын және аяқталуын анықтайды.

3.Бауыржанға мінездеме берді.

3 оқиғаның аяқталуы

2 оқиғаның дамуы

1 оқиғаның басталуы

Кесте бойынша шығарманың құрылымын анықтайды(басы, ортасы, соңы),. Кейіпкерді сипаттап, мінездеме береді.

Саралау: тапсырма бойынша саралау жүргізіледі. Тапсырма барлық оқушыларға ұсынылады, бірақ әртүрлі нәтиже күтіледі. Тапсырманы орындау кезінде бірін-бірі тыңдап, толықтырады. Қабілеті төмен оқушыларға қолдау көрсетіледі.

(ҚБ) дескриптор бойынша бағалау.

мәтін мазмұны бойынша сұрақтарға жауап береді;

кейіпкердің іс-әрекеті туралы ойын айтады;

кейіпкерге мінездеме береді;

мәтінді құрылымдық бөліктерге бөледі;

мәтіннің әр бөлігіне ат қояды.

4 - тапсырма

(ОТ, Ө)

Оқушы тәжірибесімен «Өзім үшін жазу» стратегиясы арқылы өз бетінше мәтіндегі нақыл сөзді тауып дәптерге жазады.

Үлгі: Тәуекелге бел буған адамды қорқыныш билемейді.

Саралау. Тапсырма бойынша жүргізіледі. Тапсырма барлық оқушыларға ұсынылады, бірақ әртүрлі нәтиже күтіледі. Қабілеті төмен оқушы мен қабілеті жоғары оқушылар жұптасады.Оқушылар бір – бірімен ой бөліседі, идеяларын ортаға салады.

(Б) «Пантомима». Сөзсіз қимыл көрсету арқылы, өздерін бағалайды

5 - тапсырма

(МК, Ұ) «Рефлексия» әдісі арқылы нақыл сөздердегі жеке сөздерді пайдаланып Бауыржан Момышұлын сипаттайды. .

•Батыл болмай, батыр болмайсың.

•Өжет адам өлімді жеңеді.

•Тәуекелшіл тайынбайды.

•Ерлік пен бірлік жеңіске жеткізеді.

•Қорқақ қол бастамайды.

Үлгі: Бауыржан Момышұлы – батыл, батыр, тәуекелшіл.

Саралау: тапсырма бойынша саралау жүргізіледі. Тапсырма барлық оқушыларға ұсынылады, бірақ әртүрлі нәтиже күтіледі. Тапсырманы орындау кезінде бірін-бірі тыңдап, толықтырады. Қабілеті төмен оқушыларға қолдау көрсетіледі.

(Б) «Отшашу» әдісі арқылы бағалау

6 - тапсырма

(МК, Ұ) «Кірқыстырғыш» әдісімен осы әңгіме бойынша сурет салып, оны жіпке іледі және салған суреттері туралы әңгімелейді. (уакыт тығыздығына қарай әңгіме бойынша рефлексия жаздыруға да болады)

Саралау: тапсырма бойынша саралау жүргізіледі. Тапсырма барлық оқушыларға ұсынылады, бірақ әртүрлі нәтиже күтіледі. Тапсырманы орындау кезінде бірін-бірі тыңдап, толықтырады. Қабілеті төмен оқушыларға қолдау көрсетіледі.

(Б) «Түрлі түсті жиектер» әдісімен арқылы бағалау

Сабақтың соңы

Рефлексия «Үш көмекші»

1.Әр оқушы алдыларынан үш стикерден алады.

2.Бірінші стикерге білім алушылар бүгінгі сабақтан не сезінгендерін жазады да жүректің астына іледі (жабыстырады).

3.Екінші стикерге білім алушылар сабақта бастары арқылы не ойланғандарын жазып, бастың астына іледі (жабыстырады).

4.Үшінші стикерге сабақта қолдары арқылы не істеді, не істеп үйренді соны жазып қолдың астына іледі (жабыстырады).

Ескерту: Мұғалім сынып оқушыларының ерекшелігіне байланысты кейбір тапсырмаларды өзгертуге немесе қысқартуына болады.