Өнер алды-қызыл тіл. Әйтеке бидің шешендігі. Әдебиеттік оқу, 3 сынып, сабақ жоспары.

Пән: Әдебиеттік оқу

Тарау: Өнер

Сынып: 3

Мектеп: Астана қаласы, №68 жалпы орта білім беретін мектеп

Мұғалімнің аты-жөні: Махамбетова С.А

Қатысқандар саны:

Қатыспағандар саны:

Сабақ тақырыбы

Өнер алды-қызыл тіл Әйтеке бидің шешендігі

Оқу мақсаттары

3.2.3.1 шығарманың тақырыбын анықтау және негізгі ойды білдіріп тұрған мәтін бөлігін/сөйлемді анықтау

3.1.5.1 өз ойы мен сезімін көркем-бейнелі сөздерді қолдана отырып жеткізу

Сабақ мақсаттары

Барлық оқушылар: шығарманың тақырыбын анықтай алады

Көпшілік оқушылар: негізгі ойды білдіріп тұрған сөйлемдерді анықтайды

Кейбір оқушылар:сөйлеу барысында көркем-бейнелі сөздерді қолданады

Бағалау критерийлері

• Шығарманың тақырыбын анықтайды
• Шешендік сөзден негізгі ойды білдіретін сөйлемді анықтайды
• Ойын бейнелі сөздердің көмегімен жеткізеді

Тірек сөздер

Арқырар,тоқырар,тындырымды

Құндылықтарды дарыту

Топтық, жұптық жұмыстарды орындау барысында ынтымақтастық орта қалыптастыру.Шығарманы оқыту барысында құрмет құндылығын дарыту

Пәнаралық байланыстар

Қазақ тілі, көркем еңбек

АКТ қолдану дағдылары

Интербелсенді тақта

Алдыңғы білімді игеру

Шығарманы түсініп оқу

Ойын нақыл сөзбен жеткізу

Сабақ барысы

Сабақтағы жоспарланған іс-әрекет

Ширату:

«Аялы алақан»

Мақсаты: жылылық, сенімділік деңгейін, еркіндікті дамыту.

Нұсқаулық: қатысушылар шеңбер болып отырады. «Бүгінгі сабақтан не алғыңыз, не көргіңіз келеді?» — сұрағын оқушыларға қойып, сұрақтарға жауап алу. Бастапқы қатысушы жанындағы көршісінің қолын ұстайды. Тренинг шеңбер бойымен жалғасады. (Тренинг соңында қатысушылар дөңгеленіп қолдарын ұстайды)

Топқа бөліну: Түстерді таңдау арқылы топтарға бөліну

І топ Қызыл түс

ІІ топ Жасыл түс

ІІІ топ Көк түс

ІҮ топ Сары түс

Сабақтың тақырыбы, оқу мақсатымен таныстырылады. Бағалау критерийін бірлесе құрастырады немесе таныстыру.

Әйтеке би-қазақтың үш биінің бірі. Бұхара мен Самарқан медреселерінде араб-парсы тілдерін үйренген. Даудың шешімін айтқанда Әйтеке би әділдігімен әрі тапқырлығымен ерекшеленген.Содан да болар, халық «Әйтеке жарып айтады»деп риза болған.

Кесте топтарға таратылады.Толтырылғасын бірлесе отырып тексеріледі

1-тапсырма

(Ж,Т) «Мағынаны тану» әдісі

Ойлау мен үйренуге бағытталған әрекет мағынаны тану (түсіне білу) деп аталады. Мағынаны ашып, мәнін тану үшін оқушы бұл кезеңде жаңа ақпаратпен танысады, тақырып бойынша жүмыс істейді, тапсырмалар орындайды. Оның өз бетімен жұмыс жасап, белсенділік көрсетуіне жағдай жасалады (арнайы мәтіндер, тапсырмаларды, түрлі амалдарды қолдана беру, әртүрлі әдістерге сәйкестендіру, т.т.).

Саралау: Ынтымақта бірлікте жұмыс жасап, білгенін жолдастарымен бөліседі.

ҚБ «Смайликтер»

2-тапсырма

(ЖЖ) «Аударыспақ» әдісі

Сұрақ-жауап арқылы бір-бірінің білімін бағалау. Мұнда сұрақтың мазмұны, жауап мазмұны, дәйектілігі ескертіледі. Екеуіне де тең бөлініп шариктер беріледі. Сұраққа дұрыс жауап берген адам шарик алады, ал жауап дұрыс емес болған жағдайда немесе сұрақ қоя алмаған жағдайда өзі бір шариктен айырылады

Саралау:Оқушылар жылдам әрі тұжырымды ойлауға дағдыланады. Құнды ой жинақтап, ойын ашық айтады

ҚБ «Қол шапалақтау»

Тапсырманы дұрыс орындағандарды қол шапалақтау арқылы бағалау

3-тапсырма

(Ұ,Т) «Сәйкестендіру»әдісі

Ашу деген- олжаға жолығады

Ақыл деген- дария

Сөз қуған- ағын су

Жол қуған- пәлеге жолығады

Саралау: Топпен ұйымдаса отыра жұмыс жасалады. Топтағы оқушылар өз ойларын бөлісе отыра сәйкестендіріп, шешендік сөздің мағынасын ашады

ҚБ «Бір-бірін бағалау»

Топтар бір-бірінің жұмысын бағалау арқылы әр топ өз жұмысында нені жақсарту керектігін анықтайды.

4-тапсырма

(Т,Ұ) «Пікірлер базары» әдісі

Оқушылардың әрбір шағын тобы плакатқа (флипчартқа) сабақтың өздері ең маңызды деп шешкен бір тұсын жазады. Плакаттар қабырғаға ілінеді. Әр плакаттың қасында сұрақтарға жауап беретін оқушы тұрады. Басқа топтар «Галереяны шарлау» тәсіліндегідей плакаттан плакатқа көшіп, оның төменгі жағына стикерлермен өздерінің сұрақтарын, пікірлерін, қарсы дәлелдерін, қойған бағаларын жазады. Сұрақтарға жауап беруші оқушылардың алмасып тұрғаны дұрыс.

Саралау: Барлық оқушылар бір тапсырма орындаса да олардың нәтижесі әртүрлі болады. Сөзбен қолдау көрсету және ынталандыру да маңызды рөл атқарады.

ҚБ «Бағдаршам»

Жасыл түс(тапсырманы толық,дұрыс орындаса)-Өте жақсы

Сары түс(тапсырманы толық орындамаса)-Жақсы

Қызыл түс(тапсырма толық емес және қателіктер болса)-Орташа

«Жақсылық тамшысы» әдісі

Әр бала тамшыға өзі жасаған жақсы істерін немесе өзінің бойындағы жақсы қасиеттерін стикерге жазып жеткізеді. Іліп жатқанда әрқайсысы өзгелерге, айналасына өзі жасаған жақсылықтарын, қасиеттерін жария етеді.

Саралау

1-тапсырма

Ынтымақта бірлікте жұмыс жасап, білгенін жолдастарымен бөліседі.

2-тапсырма

Оқушылар жылдам әрі тұжырымды ойлауға дағдыланады. Құнды ой жинақтап, ойын ашық айтады

3-тапсырма

Топпен ұйымдаса отыра жұмыс жасалады. Топтағы оқушылар өз ойларын бөлісе отыра сәйкестендіріп, шешендік сөздің мағынасын ашады

4-тапсырма

Барлық оқушылар бір тапсырма орындаса да олардың нәтижесі әртүрлі болады. Сөзбен қолдау көрсету және ынталандыру да маңызды рөл атқарады.

Бағалау

«Смайликтер» әдісі

«Қол шапалақтау» әдісі

«Бір-бірін бағалау» әдісі

«Бағдаршам» әдісі

Дескриптор

-шешендік сөздің мазмұнын жүйелі баяндайды;

- шешендік сөзден негізгі ойды білдіретін бөлікті табады;

-берілген сөздердің мағынасын түсіндіреді;

Сабақ бойынша рефлексия

Сабақ мақсатына жеттім бе?

Оқушылар не үйренді?

Ынтымақтастық атмосферасы орнады ма?

Оқушылар арасындағы дифференциациялау бойынша іс-әрекеттер ұтымды болды ма?

Жоспарланған уақытты ұстандым ба?

Жоспардан қандай шегіністер жасадым және неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?