Асқақтаған кірпіштер. Әдебиеттік оқу, 3 сынып, дидактикалық материал.

Асқақтаған кірпіштер (мәтін балаларға таратылып беріледі)

Тас қалаушы кірпіштерді қалап жөніне кетті. Сол –ақ екен, кірпіштерге жан бітіп, өзді-өзі даурыға бастады.

-Түу, неткен биіктік! Тіпті ай да, жұлдыздар да қол созымда тұр,- деп, жоғарыдағы кірпіштер айғай салысты.

-Тынышталыңдар! Биікте тұрғандарың кімнің арқасы, - деп төмендегі Ата кірпіш ақыл айтып көріп еді, ешқайсысы құлақ аспады. Даурығып, жоғарыдағылар төмендегілерге ұйқы бермеді.

-Бұлары несі? Біз болсақ иініміз талып, оларды көтеріп тұрмыз,- деді төмендегі кірпіштер жыламсырап.

Ата кірпішке шағым айтты:- Ата, қалай да бізді бұл қорлықтан құтқарыңыз.

Ата кірпіш сәл ойланып алды да, шешімін кесіп айтты:

-Күш біріктіру керек, - деді.

Күш бірікті. Ата кірпіш бастаған астыңғы кірпіштер тұрған орындарынан ысырылып кетіп еді, жоғарғылардағы жерге дүрс-дүрс құлап түсті.

Ертеңсіне тас қалаушысы келіп, басын шайқады. Өйткені биіктен құлаған жоғарыдағы кірпіштер қақ бөлініп, жерде шашылып жатыр еді.

Аударған М.Қуанышбеков