C.Сарғасқаев «Шеге мен балға» (жалғасы). Әдебиеттік оқу, 3 сынып, нұсқаулық.

Бөлім: Сәулет өнері

Сабақ тақырыбы:

2.4 Әдеби шығарманың жанрын анықтау

C.Сарғасқаевтың «Шеге мен балға»

Оқу мақсаты:

3.2.4.1 өлең, мысал, нақыл сөз, аңыз, бата, әңгіменің жанрлық ерекшеліктерін анықтау

3.3.1.1 мұғалім көмегімен оқылған шығарманы логикалық бөліктерге бөліп, әр бөлікке ат қойып, жоспар құру

Сабақ мақсаты:

Барлық оқушылар: мәтінді құрылымдық бөліктерге бөледі, шығарманың жанрлық ерекшеліктерін біледі.

Көптеген оқушылар: мәтінді құрылымдық бөліктерін анықтап, бөліктерге ат қояды, шығарманың жанрлық ерекшеліктерін анықтай алады.

Кейбір оқушылар: мәтін бөліктерге бөліп, ат қойып, жоспар құра алады, шығарманың жанрлық ерекшеліктерін анықтап, салыстыра алады.

Бағалау критерийлері:

• шығарманың жанрын анықтайды;

•мәтіннің құрылымдық бөліктерін анықтайды;

•мәтін бөліктерге бөліп, ат қояды;

•жоспар құрастырады.

Сабақтың барысы

Сабақтың басы

Ширату тапсырмасы

(Т) Ойлан/ Жұптас/Талқыла – ой шақыру стратегиясы бойынша бастау:

• «Сенің ойынша шеге мен балға қалай аяқталады?»

Сұрақ қойылғаннан кейін келесі іс- әрекеттер төмендегідей жүзеге асады:

• Оқушы сұраққа өз бетімен ойланады;
• (ЖЖ) Нұсқау бойынша оқушылар бір-біріне бұрылып, ойларымен бөліседі;
• (ТЖ) нұсқау бойынша топта сұрақтың жауабын талдайды.

(ҰЖ) Әр топ бір- екі оқушы айтады.

Сабақтың ортасы

1-тапсырма Тыңдалым

Оқушыларға «Балға мен шеге» ертегісінің жалғасын тыңдайды. Ертегі қалай басталды, оқиға қалай дамыды, оқиға немен аяқталғаны сұралады.Сұрақтардың көмегімен мәтінді бөліктерге бөледі. Әр бөлікке ат қояды, жоспар құрастырады.

Саралау: қабілеті жоғары оқушының және мұғалімнің көмегін қажет ететін оқушыларға қолдау беріледі.

(ҚБ) Дескриптор:

• мәтінді логикалық бөліктерге бөледі;
• әр бөлікке тақырып қояды.

2- тапсырма

 Оқушыларға кейіпкерлерді анықтап, оларға мінездеме береді. Өз ойларын айтуға мүмкіндік беріледі. Кейбір оқушылар өмірмен байланыстырып, мысалдар келтіруі мүмкін.

Сергіту сәті «Айгөлек». Бейнекөрсетілім бойынша қимылын қайталау.

3- тапсырма

•  Қай кейіпкерге ұқсағыңыз келеді? Мінезі жайдары, ақ жарқын адамды да күнге балайды, қалай ойлайсыңдар, не себептен? Жақсы адам болу үшін өзіміздің «Ақыл қалта» қоржынымызға біраз мәліметтер қосылатынын ескертіп, «Сәйкестендір» тапсырмасын орындау ұсынылады.

Саралау: Тапсырманы орындау барысында әр оқушының ойлау деңгейінің әртүрлі болатындығын ескеріліп, өз мүмкіндігі бойынша қолдау беріледі.

(ҚБ) Дескриптор:

• мәтіндердің жанрларын анықтайды;
• әр жанрға тән ерекшеліктерді сипаттап айтады.

4- тапсырма.

Оқушыларға топтасып шығармадағы оқиғаның басталуын, дамуын және аяқталуын анықтау үшін пирамидалық кесте беріледі. Кестеге оқушылар сурет салу арқылы толтырады. Мәтін қандай жанрға жатады? деген сұрақ бойынша оқушылар өз ойларын дәлелдейді. Тапсырманы орындау арқылы ертегі жанрының ерекшелігін еске түсіреді.

Сабақтың соңы

«Дастарқан» әдісі бойынша қорытындылау.

Топқа берілген дастарқанға әр оқушы бігінгі сабақ туралы 3 сөз жазады.

1.Ертегіден аларым...

2.Менің көңіл күйім...

3.Болжамым ертегімен сәйкес келді... келмеді....

Бос тұрған төрт жақты бұрышына әр оқушы 3 сөзден өз пікірлерін жазады. Ортадағы орынға ортақ шешімдерін түсіреді.

 Ескерту. Сынып оқушыларының ерекшелігіне байланысты мұғалім тапсырмаларды түрлендіріп бере алады.