Тыңдарманның назарын аударту Е.Елубаев «Туады, шығады, түседі, келеді» өлеңі Дидактикалық материал. 3 сынып. Әдебиеттік оқу

Қосымша №1

«Қарлы кесек» әдісі

Үлгі сұрақтар:

-Қазір қай уақыт?

-Күзгі уақыт туралы қандай шығармаларды білесің?

-Ауыл күзі туралы не айта аласың?

-Келесі келетін жыл мезгілі қандай?

-Жылдың төрт мезгіліндегі әр уақытың ерекшеліктерін айта аласың ба?

Қосымша №2

«Бірлескен оқылым»

Туады, шығады, түседі, келеді

Ескен Елубаев

Сұрақтарым көп еді,

Айтар кезі дөп келді.

Халық неге айтады,

Туады деп көктемді?

– Неге десең көктемде,

Көктем келіп жеткенде,

Құлын, бұзау, қозы, лақ,

Толып өріс беткейге,

У-шу болып жатпай ма,

Мал төлдерін таппай ма?

– Көктем туды, – деп халық

Сондықтан да айтпай ма?

– Ендеше, айт мынаны,

Жаз неге онда шығады?

– Егін шығып болады,

Қауыздары толады.

Орақ кезі басталып

Диқан бидай орады.

Қырман тау боп жатады,

Ел ырысқа батады.

– Жаз шығады,– деп халық,

Сол себепті айтады.

Білген жұмбақ шешеді,

Бір білмегім осы еді.

Ал халқымыз неліктен,

Күз түседі деседі?

– Келген кезде ақырап,

Сарғаяды атырап.

Ағаштардан түседі,

Әрі кеткен жапырақ.

Шопан жүгін артады,

Таудан түсіп қайтады.

Сол үшін де халқымыз

Күз түсті деп айтады.

– Жауабыңды бер енді,

Ал қыс неге келеді?

– Тау, жотаны, даланы,

Қырау тегіс жабады.

Қыстың алғаш белгісі

Сулар қатып қалады.

Қыс хабарын береді.

Қамданады ел енді.

Содан жолын күткен соң,

Дейді қысты «келеді»

Үлгі сұрақтар:

-Автор қыс мезгілін қалай сипаттаған?

-Автор қыс мезгілін қалай сипаттаған?

-Халқымыз неліктен көктемді «туады», жазды «шығады», күзді «түседі», қысты «келеді» деп айтқан?

Бағалау:

Қосымша №3

«Салыстыру картасы»

Үлгісі:

Қосымша №4

«Бірге ойлаймыз» әдісі

Топқа таратылатын сандар:

Сұрақтар үлгісі:

1.Шығарма қандай жанрға жатады?

2.Өлеңде қанша шумақ бар?

3.Неше тармақтан тұрады?

4.Ұйқас қалай құрылған?

5. Боранды қандай сөздер арқылы суреттеген? (баладай, жолаушыдай, құстай - теңеу)

6.Өлең ұйқасын сзба түрінде көрсет.

Қосымша №5

«Венн диаграммасы» әдісі

Мақал-мәтелдер:

-Қаз келсе, жаз келер, Қарға келсе, қатқақ келер.

-Сәуір болмай, тәуір болмас.

-Қыстың көзі қырау.

-Ақ қар көп болса – ақ нан көп.

-Көктем – мұрап, Күз – диқан.

-Көктемде түскен бір дән, Күздің күні мың дән болады.

-Жаз келді, Үйрек ұшып, қаз келді.

(Мұғалім басқа мақал-мәтелдерді ұсына алады).

Қосымша №6

Қалыптастырушы бағалау тапсырмасы

Сурерт бойынша жыл мезгілдерің әр уақыттағы ерекшеліктері туралы әңгімелеңдер.

Сұрақтар:

-Халқымыз неліктен көктемді «туады», жазды «шығады», күзді «түседі», қысты «келеді» деп айтқан?

˗Тағы қандай ой қосар едің?

Дескрипторлар:

-мәтін бойынша сұраққа жауап береді;

- мәтіннен көркемдаеуіш сөздерді табады;

- өз ойын жеткізуде көркемдеуіш сөздерді қолданады

Қосымша №7

Рефлексия

«Портрет» әдісі

«Жыл мезгілдері» тақырыбына байланысты сурет үлгісі