Тыңдарманның назарын аударту. 3 сынып

Пән:әдебиеттік оқу

Ұзақ мерзімді жоспар бөлімі: «Жақсыдан үйрен, жаманнан жирен» (жарық пен қараңғы) ортақ тақырыбы

Күні:

Сынып: 3

Мектеп: Қарағанды қаласы

Мұғалімнің аты-жөні:Шадетова А.К.

Қатысқандар саны:

Қатыспағандар саны:

Сабақ тақырыбы

1.4 Тыңдарманның назарын аударту

Осы сабақта қол жеткізілетін оқу мақсаттары (оқу бағдарламасына сілтеме)

3.1.4.2 сөйлеу барысында иллюстрациялар/ көрнекіліктер/ фото / суреттер қолдану

3.2.4.1 өлең, мысал, нақыл сөз, аңыз, бата, әңгіменің жанрлық ерекшеліктерін анықтау

Сабақ мақсаттары

Барлық оқушылар: сөйлеу барысында иллюстрациялар қолданып, нақыл сөздің ерекшеліктерін анықтайды.

Көптеген оқушылар: иллюстрациялар бойынша әңгімелеуде нақыл сөздерді қолдана алады

Кейбір оқушылар: нақыл сөздің жанрлық ерекшеліктерін анықтауда, өз тұжырымдарын ұсына алады

Бағалау критерийлері

• сөйлеу барысында иллюстрациялар қолдана алады
• нақыл сөздің ерекшеліктерін анықтайды

Тілдік мақсаттар

Тілдік мақсаттарды, лексика мен тіркес мысалдарын қоса анықтаңыз

Пәнге тән лексика мен терминология:

Диалог пен жазу үшін пайдалы сөздер мен тіркестер

Құндылықтарды дарыту

Топтық жұмыста бір біріне құрмет көрсетеді, ынтымақтастықтарын нығайтады.

Жеке жұмыс кезінде еңбек ету және шығармашылық құндылықтары қалыптасады.

Пәнаралық байланыстар

Қазақ тілімен байланыс

АКТ қолдану дағдылары

Слайд, тақта

Бастапқы білім

Нақыл сөздерді біледі, сөйлеу барысында суреттерді қолдана алады

Сабақ барысы

Сабақтағы жоспарланған іс-әрекет

Ширату тапсырмасы. 1. «Үш пікір» әдісі. «Нақыл сөз» деген не?

 Осы тақырып төңірегінде әр оқушының 3 пікір айтуына мүмкіндігі бар. Ол үшін қолдарына 3 таяқша (шпажка, т.б. майда заттар) беріледі. Пікірлерін айтқан сайын қолдарындағы заттарын ортадағы коробкаға тастап отырады.

Сабақ мақсаты: біздің бүгінгі сабағымызда сөйлеу барысында иллюстрациялар қолданып, нақыл сөздің ерекшеліктерін анықтайды қолдануды үйренеміз.

Жасайық. (Ж). «Тізімін жаса» әдісі

1. «Жақсылық жасау» дегенді қалай түсінесің? Отбасы, табиғат, мектеп үшін қандай жақсылық жасай алатыныңды тізіп жаз.

1. Оқушылар 4 адамнан топтарға бірігеді.

2. Әр топта өз топ мүшелерінен сұраққа жауап беретін жүргізушіні таңдайды.

3. Топ оқушылары өздерінің тізімдерін құрастырып, оны жүргізушіге береді. Ол сұрақтарды біріктіріп, сол топ бойынша тізімді оқиды.

4. Топтардың жұмыстары тыңдалып, жетістіктері бағалаңады.

Қ/Б: Жарайсыңдар!

Оқиық. (Ө). 1. Ыбырай Алтынсаринның «Баланың айласы» әңгімесін оқушылар жеке оқиды.

2. Барлық оқушылар оқып болғаннан кейін, оқу тілін зерделей алуға жұмыс жүргізіледі, мысалы: түсініксіз сөздерді түсіндіріледі;

3. Оқушылардан өз ойларын, пікірлерін пысықтау үшін немесе автордың жазғанын ой елегінен өткізу үшін мәтінді шолу тапсырылады;

4. Қажеттілігіне қарай мәтін бойынша бірнеше сұрақтар қойылады.

Қ/Б: «От шашу» әдісімен өз жұмыстарын бағалайды.

Сөйлесейік. (Ө). «Көремін-естимін-сеземін»әдісі

«Жақсылыққа жамандық бар ма?» Бұл сұраққа мәтін кейіпкерлері қалай жауап берген? Суретке қарап әңгімеле.

1.Әрбір оқушы А4 парағына (естимін, көремін, сеземін) деп жазып, сурет бойынша қағазға жазады (толтырады).Алдымен оларға өз жауаптары туралы ойлануына уақыт беріледі.

 2. Оқушылар 4 адамнан бірігіп топтасады және әрбір жолаққа жазғандарын оқиды (суретте нені көрді, қандай дауысты естіді, нені сезді), жалпы талқылаудан өздерінің жазғандарын толықтыруларына болады.

3. Әрбір топ өздерінің құрған сызба нұсқасын оқиды, қалған оқушылар тыңдайды, толықтырады.

 Нұсқалар: Оқушылар 3 топқа бірігеді және «Көремін» немесе «Естимін» немесе «Сеземін» сызбасының тек бір ғана қырын қарайды, содан кейін әр топ өздерінің жұмыстарына таныстырылым жасайды.

«Көремін-естимін-сеземін» сызбасы

Сен білесің бе? Нақыл сөз (афоризм) – мағынасы терең, ойды қысқаша бейнелейтін, мақал-мәтелге ұқсас, айтуға оңай көркем сөз тіркесі. 

Анықтайық. (Ө). «Негізгі салмақ идеяға» кестесі

 Нақыл сөздің мағынасына мысалдар келтіру арқылы түсіндіру тапсырылады. Ол үшін арнайы кесте береіледі. Оқушылар нақыл сөзді оқып, топта талқылайды. Сұрақтары мен түсінгендерін айтып, ортаға салады.

Нақыл сөзді оқы.

«Жақсыға қылған жақсылық

Өміріңде тозбайды

Жаманға қылған жақсылық

Бір күнгідей болмайды»

Кестені толтыр.

Рефлексия: «Аяқталмаған сөйлем» тәсілі

«Мұғалімге жеделхат» тақтасына оқушылар стикер жапсыру арқылы орындалады.

Оқушылар өздеріне жақын сөйлемді таңдап, айтылған ойды жалғастырады:

• бүгінгі сабақта мен....түсіндім, ...білдім, ....көзімді жеткіздім.
• бүгін сабақта қуантқаны.....
• мен өзімді.....үшін мақтар едім.
• маған ерекше ұнағаны.....
• сабақтан соң маған........келді.
• бүгін маған..........сәті түсті.
• қызықты болғаны.....
• ......қиындық тудырды.
• менің түсінгенім.....
• енді мен......аламын.

Саралау

Бағалау:

1 тапсырма – «Дереккөздер арқылы саралау». Қабілеті төмен оқушылардың сурет бойынша не ойлайтынын сұраңыз. Ал қабілетті оқушылардың тек білетін мәліметтері бойынша тұжырымдай білуге ынталандырыңыз.

2 тапсырма – «Диалог және қолдау көрсету. Қабілеті төмен оқушыларға Тапсырманы орындау барысында жан-жақты әрі нақты көмек беріңіз

3 тапсырма – «Қарқын арқылы саралау». Қабілеті төмен оқушыларға жетекші сұрақтар қою арқылы көмек беріңіз, ал қабілетті оқушыларға жоғары деңгейлі ойлау дағдысын қажет ететін сұрақтар беріңіз.

4 тапсырма – «Дереккөз» арқылы саралау». Қабілеті төмен оқушылар дереккөздерді қарап 1-2 ақпарат алуына қолдау көрсетіңіз, ал кейбір оқушылар басқа сыныптастарына қарағанда анағұрлым күрделі дереккөздермен жұмыс істей алады.

Дескриптор:

• берілген суреттер бойынша ойларын ортаға салады;
• мәтінді оқиды;
• кесте толтырады
• нақыл сөздің ерекшеліктерін анықтайды

Сабақ бойынша рефлексия