Том мен Бекки. 3 сынып

Пән: Әдебиеттік оқу

Тарау: Жақсыдан үйрен, жаманнан жирен

Сабақ тақырыбы: Том мен Бекки

Оқу мақсаттары

3.1.3.1 шығармадағы кейіпкерлердің мінез-құлқы мен іс-әрекетіне, ондағы оқиғаларға сүйеніп, сюжеттің дамуын болжау;

3.1.1.1 шығарманың маңызды тұстарын анықтау үшін ашық сұрақтар қою және жауап беру,

3.3.2.1 шығарма кейіпкеріне хат/ ертегі (кейіпкер қосу, соңын өзгерту...)/ өлең (төрт жолды)/ әңгіме (оқығаны, көргені бойынша) жазу

Сабақ мақсаттары

Барлық оқушылар: кейіпкердің іс-әрекеті, мінез-құлқының өзгеруіне, оқиғаларға сүйеніп, оқиғаның дамуын болжайды;

Көпшілік оқушылар:шығармадағы оқиғаға сүйеніп, сюжеттің дамуын болжайды, кейіпкердің мінез-құлқының өзгеру себебін анықтай алады, шығарма кейіпкеріне хат жазады;

Кейбір оқушылар: кейіпкердің іс-әрекеті, мінез-құлқының өзгеру себептеріне баға беріп, талдайды, өз дәлелдерін келтіріп, қорытынды жасайды

Бағалау критерийлері

• Оқиғаларға сүйеніп, сюжеттің дамуын болжайды;
• Мәтін мазмұны бойынша сұрақтарға жауап береді;
• Кейіпкерлердің іс- әрекетін сипаттап, баға береді;
• Шығарма кейіпкеріне хат жазады

Сабақ барысы

Сабақтағы жоспарланған іс-әрекет

Сабақтың басы

Түрлі түсті кәмпит қағаздары арқылы топтарға бөліну. Ширату тапсырмасы: «Бұл кім?»

Аудиоүнтаспа арқылы сыныптағы бір оқушыны сипаттайды:оның бет әлпетін, сыртқы пішінін, киімін, сөйлеу мәнерін, әдеттерін, мінез-құлқын келтіреді. Әрине, ол оқушының есімін атауға болмайды және де сипаттардың барлығы да жағымды тұрғыдан болуы керек, оқушыны мақтаған дұрыс.

Бір-екі сипаттан кейін оқушылардан: «Бұл кім? Сіздер таптыңыздар ма?» деп сұрап, олардың жауаптарын тыңдаймын. Оқушылар таппаса, сипаттауды әрі қарай жалғастыра береді. Мысалы, «Бұл оқушының күлкісі өте әдемі. Ол ақ жейде киген...Ол кім?... Бұл оқушыны жолдастары сыйлайды. Оның қолында қаламсап бар... Ол кім?...».

Тиімділігі:Оқушылардың бір-біріне деген ынта-ықыластарын арттыруға бағытталған: оқушылар өздері және өзге жолдастары туралы әңгімелерді өте ұнатады.

Сабақтың ортасы

1-тапсырма

(Ө,Ж,Т) Түсіну «Сандықша» әдісі

Марк Твен «Том мен Бекки»

Мәтінді оқы. Түсініксіз сөздерді белгілеп, стикер ге жаз. Жазған стикерлерін сандықшаға жинайды (салады, жабыстырады). Сөздердің мағынасын сөздіктен қарайды.

Саралау: Барлық оқушыларға бағытталған нұсқау бере отырып, олардың әрқайсысының өздерінен не күтілетіндігін түсінгендеріне көз жеткізу.

ҚБ «Табыс ағашы» әдісі

Әрбір жапырақтың өзіне тән түсі бар: жасыл – «барлығын дұрыс істедіңдер», сары – «қиын-дықтар болды», қызыл – «қателер көп болды».

2-тапсырма

(Ө; Ұ) «Қар кесегі» әдісі.

Әр оқушы жеке қағазға мәтін мазмұны бойынша сұрақ құрастырып жазады. Қағазды умаждап, сыныптың ортасына лақтырады. Әр оқушы қағазды алып, сұраққа жауап береді.

Үлгі:

- Доббис мырза кім?

-Неліктен кітапты үстелдің тартпасына салып, кілттеп қояды?

Саралау: Ұжымдасып өз ойларымен бөлісе алады. Нақтылыққа үйренеді. Ынтымақтастық қарым-қатынас түзеді

ҚБ «Қол шапалақтау»

3-тапсырма

(Т) «Модельдеу» әдісі

Жазушылар: Әңгімедегі оқиға қалай жалғасуы мүмкін? Болжамыңды айт.

Құтқарушылар: Мәтін мазмұнына сәйкес келетін мақал- мәтелдерді тап

Суретшілер: Мәтін мазмұны бойынша қандай сурет салуға болатыныны ұсын.

Ғалымдар: Тақырыпқа байланысты жағдаят(оқиға) құрастыр.

Саралау: Уақыт бойынша саралау жүргізіледі. Кейбір топтарға қосымша уақыт берілуі ескеріледі. Ынтымақта бірлікте жұмыс жасап, білгенін жолдастарымен бөлісіп, түйінді ойды, тақырыпты ортаға салып талқылайды. Тапсырманы орындағанда дереккөздерді қолдануға болады. Жасаған жұмыстарын қорғайды

ҚБ «Екі жұлдыз,бір тілек»

Екі жұлдыз-Жұмыстарындағы ұнағаны

Бір тілек-Жақсартуға болады

4-тапсырма

(Ө,Т) Жинақтау «Дөңгелек үстел» әдісі

Оқиғаның желісі бойынша Том мен Беккиге хат жазу. 1-ші мен 2-ші топтар Томға хат жазады.Ал 3-ші мен 4-ші топтар Беккиге хат жазады,

Сөйлем саны топ мүшелерінің санына қарай шектеулі, мысалы, топта 6 оқушы болса хат тек 6 сөйлемнен құралуы керек. Топ мүшелерінің біріншісі хаттың алғашқы сөйлемін жазып, жанындағы оқушыға береді, ол оқушы хаттың екінші сөйлемін жазып келесі оқушыға береді, ол оқушы да үшінші сөйлемін жазып келесіне береді. Осылайша топ мүшелері бірінің жазғанын бірі толықтырып ортақ 1 хат жазып шығады

Хатты оқы.

1.Әр топ жазған хаттарын сағат тілінің бағыты бойынша бірі-бірімен алмасады.

2.Қалған көрші топтардың хатын сыныпқа оқып, баға береді.

Саралау:

Топтағы оқушылар бірлесе жұмыс жасайды. Жазған хаттарын басқа топ оқушыларына оқып береді. Топтағы оқушылар бағаланады.

ҚБ «Смайликтер»

Сабақтың соңы

«Шеринг» әдісі

Өткен тақырып бойынша ойларын жинақтайды, пікір алмасады. Барлығы шеңберде тұрады, жүргізуші бастап, кезекпен барлығы тақырып бойынша түйінді ойды қорытындылайды.

Ескерту: сыныптағы оқушылардың ерекшелігіне байланысты мұғалім тапсырмаларды түрлендіріп өткізуіне болады.