Шығарма мазмұны бойынша сұрақтар қою және жауап беру. 3 сынып

Пән: әдебиеттік оқу

Ұзақ мерзімді жоспар бөлімі: «Жанды табиғат» ортақ тақырыбы

Күні:

Сынып: 3 сынып

Мектеп: Қарағанды қаласы

Мұғалімніңаты-жөні: Шадетова А.К.

Қатысқандар саны:

Қатыспағандар саны:

Сабақ тақырыбы

2.2. Шығарма мазмұны бойынша сұрақтар қою және жауап беру.

Осы сабақта қол жеткізілетін оқу мақсаттары (оқу бағдарламасына сілтеме)

3.2.2.1 шығарма мазмұны бойынша қолдануға (практикалық), бағалауға және шығармашылыққа негізделген сұрақтар қою және жауап беру

3.3.1.1 мұғалім көмегімен оқылған шығарманы логикалық бөліктерге бөліп, әр бөлікке ат қойып жоспар құру

Сабақ мақсаттары

Барлық оқушылар: шығарма мазмұны бойынша бағалауға негізделген сұрақтар қояды және жауабын шығармадан таба алады, бөліктерге бөліп, жоспар құра алады

Көптеген оқушылар:қойылған сұрақтардың жауабын шығармадан тауып, себептерін түсіндіре алады

Кейбір оқушылар: жоспар құруда шығармадан негізгі ұғымдарды анықтап, құрай алады

Бағалау критерийлері

• шығарма мазмұны бойынша бағалауға негізделген сұрақтар қояды
• қойылған сұрақтардың жауабын шығармадан таба алады
• мәтіннің құрылымдық бөліктерін табады және анықтай алады

Тілдік мақсаттар

Құндылықтарды дарыту

Жұппен және топпен бірлескен жұмыс әрекеттері негізінде ынтымақтастық, өз ойын ашық жеткізген кезде ашықтық құндылықтары дамиды.

Пәнаралық байланыстар

Оқушылар сұрақ дайындағанда, мәтінді бөліктерге бөлгенде қазақ тілі пәнімен пәнаралық байланыс жүреді.

АКТ қолдану дағдылары

АКТ экран

Бастапқы білім

Cұрақ қою және жауап беру.

Сабақбарысы

Сабақтағыжоспарланғаніс-әрекет

Ширату. Оқушылардың зейінін шоғырландыру және де сабақ мақсатына жақын даму аймағын құру көзделеді.

«Доп лақтыру» ойыны. Мұғалім оқушыларға ортақ тақырып бойынша сұрақтар қояды, оқушылар жауап береді.

Мәтін бойынша білетініңді ата.

Өткен сабақта қанадй мәтін оқыдық?

Ол мәтін мазмұны бойынша неге жауап бердіңдер?

Ол сұрақтардың жауабын қайдан алдыңдар?

-Балалар біз жаңа өздеріңмен қандай ойын ойнадық?

-балалардың ықтимал жауабы ойын ойнадық.

-сіз сұрақ қойдыңыз, біз жауап бердік.

-Ендеше, балалар біздің бүгінгі сабағымыздың мақсаты: шығарманың мазмұны бойынша сұрақтар қоямыз, оған жауап береміз, шығарманы бөліктерге бөліп, жоспар құрамыз.

Оқиық. (Ж; Ұ, МК) Жүсіпбек Аймауытовтың «Қараторғай» әңгімесін оқу ұсынылады. Мұғалім оқушыларға мәтінді оқуда түсініксіз сөздерді белгілеп оқу туралы алдын ала ескертеді. Мысалы, Қаумалап – бірнеше адамның қоршап, жиналып алуы. Отағасы – отбасындағы ер адам, әке. Сырғауыл – жіңішкелеу келген ұзын ағаш. Сөздердің мағынасын түсіндірме сөздіктен қарап, бірлесе талқыланады.

•  Қамбар ата не жасады?
•  Балалар қандай сөзге түсінбей қалды? ( «Қонағым қол басындай, мінезі қорғасындай»)
•  Бұл сөзді сен қалай түсінесің?
• сұрақтары қойылып, оқушылардың жауабы тыңдалады.
• Сұрақ құрастырайық. (ЖЖ) «Қар кесегі» әдісі.

1. Шығарма мазмұны бойынша топ ішінде әр жұп бағалауға негізделген сұрақтар дайындап, келесі топтарға сұрақтарын лақтырады.

2. Қағып алған топ мүшелері сол сұрақтарға жауап береді.

3. Сұрақтардың жауабын шығармадан табады.

ҚБ. «Бағдаршам» әдісі

Жасыл түсі -барлық тапсырма орындалды.

Сары түсі – тапсырманы орташа деңгейде жасады.

Қызыл түсі– тапсырма қате орындалған немесе мүлдем жоқ.

Анықтайық. Әткеншек әдісі (Карусель) (ТЖ). Мәтінді бөліктерге бөл.

Мұғалімнің көмегімен оқушыларға шығарманы бөліктерге бөлуге оңтайлы жағдай жасалады, плакаттар беріледі.

1. 1-2 тапсырмада алынған мәтін мазмұны бойынша оқушылар мәтінді бөліктерге бөледі.

2. Оқушылар бөліктерге бөліп алғаннан кейін жұмыстарын келесі топқа өткізеді.

3.Оқушылар жұмыстары талқыланады.

Қ/Б: Мадақтау. Жарайсыңдар! Тамаша! Сен тамаша ой айттың! т.б.

Жазайық. «Еркін жазу» әдісі (ТЖ). Алдыңғы тапсырмадағы плакатты пайдаланып, жоспар құр.

1.Уақыт беріледі, алдыңғы тапсырмада бөлінген бөліктерге сүйене отырып оқушыар топпен еркін жоспар құрады.

2. Әр топ өз жоспарын оқиды.

3. Ортаға салады.

4. Барлық оқушының келісуімен ең тиімді жоспарды таңдап алады.

Оқушылар бағдаршам әдісі бойынша бірін-бірі бағалайды

Қ.Б ҚБ: «Қолмен белгі беру» әдісі арқылы бағаланады. Басбармақ жоғарыға қарай = Мен түсінемін. Басбармақ көлденең = Мен түсінгендеймін. Басбармақ төмен қарай = Мен түсінбедім.

қате орындалған немесе мүлдем жоқ.

Кері байланыс:

Чемодан, еттартқыш, себет

Оқушыны алған білімін саралай білуге дағдыландыру

Тақырып бойынша алған керекті ақпараттарды чемоданның тұсына жазса, ал әлі де оқуым керек, толықтыруым керек дегендері болса, еттартқыштың тұсына жазады. Сонымен қатар керек емес болған, артық дүниені себеттің тұсына жазады. Осылайша мұғалім өткен сабақтан қандай білім алғанын біледі.

Бағалау оқушылардың материалды меңгеру деңгейін қалай тексеруді жоспарлайсыз?

«Бағдаршам» әдісі, «Бас бармақ» әдістерімен бағаланады.

Дескриптор

• шығарманы оқиды
• шығарманың мазмұнын түсінеді
• шығарманың мазмұны бойынша сұрақ дайындайды
• қойылған сұрақтарға жауап береді
• дұрыс жауапты шығармадан табады
• шығарма мазұнын бөліктерге бөледі
• бөліктер бойынша жоспар құрайды

Сабақ бойынша рефлексия