Жер бетін бейнелеу тәсілдері (Жаратылыстану, 6 сынып, I тоқсан)

Пән: Жаратылыстану
Ұзақ мерзімді жоспар бөлімі: Ғалам. Жер. Адам
Сабақ тақырыбы: Жер бетін бейнелеу тәсілдері
Осы сабақта қол жеткізілетін оқу мақсаттары (оқу бағдарламасына сілтеме): 6.2.5.3 масштабты пайдаланып, арақашықтықты есептеу
6.2.5.4 географиялық координаталарды анықтау
Сабақ мақсаттары: Оқушы:
• Масштаб ұғымын және оның түрлерін білу;
• Масштабты пайдаланып, арақашықтықты есептеу;
• Географиялық координаталар, географиялық ендік және бойлық ұғымдарын білу;
• Географиялық координаталарды анықтау.

1. Өткенді қайталау арқылы бастапқы білімді жаңғырту. Оқушылар топтарға бөлінеді. Топтар «5.2.5.3
бір тәсіл бойынша жергілікті жердің түсірілімін жасау (көз мөлшермен түсіру, полярлық түсіру, бағдарлық түсіру)», «5.2.5.4
рәсімдеу талаптарына сай жергілікті жердің қарапайым жоспарларын сызу» атты оқу мақсаттары бойынша білімдерін көрсетеді.
Оқушылар мұғалім ұсынған жергілікті жердің пландарын оқиды.
Дескрипторлар
Оқушы
-Планда бейнеленген шартты белгілерді анықтайды;
-Шартты белгілердің көмегімен пландағы нысандарды анықтайды;
-Масштабын анықтайды;
-Пландағы масштаб бойынша түсіндірме жұмысын жүргізеді.
Топтар жауаптарын сыныпқа ұсынады. Мұғалім оқушылардың жауаптарына толықтырулар енгізеді. Оқушыларға кері байланыс береді.
2. Ой шақыру. Мұғалім оқушыларға әр адамның мекен – жайы (көшесі, үйдің, пәтердің нөмірі) болатыны туралы айтады. Сол сияқты картадағы кез-келген нысанның да өз мекен-жайы болатынын айтып, төмендегі сұрақтарды қояды:
-Картадағы нысандардың мекен-жайы неден тұрады?
-Ашық теңізде апатқа ұшыраған кемені қалай тез тауып алуға болады?
3. Мақсатты тұжырымдау. Оқушылармен бірлесе отырып, сабақтың мақсаттары анықталады.
• Масштаб ұғымын және оның түрлерін білу;
• Масштабты пайдаланып, арақашықтықты есептеу;
• Географиялық координаталар, географиялық ендік және бойлық ұғымдарын білу;
• Географиялық координаталарды анықтау.
4. Мәтінмен жұмыс. Оқушылар мәтін бойынша сыныптың қабырғасына ілінген сұрақтарға жауап іздейді.
Сұрақтар тізбегі:
1.Масштаб дегеніміз не?
2.Масштабтың қандай түрлері бар? Атаулы, сандық, сызықтық масштабтар қалай бейнеленеді?
3.Географиялық координаталар дегеніміз не?
4.Экватор және меридиан дегеніміз қандай сызықтар?
5.Географиялық бойлық дегеніміз не?
6.Географиялық ендік дегеніміз не?
Дескрипторлар
Оқушы
Масштабты түсіндіреді;
Оның түрлерін түсіндіреді;
Географиялық координаталар, ендік, бойлықты түсіндіреді.
Мұғалім формативті бағалау жүргізеді және кері байланыс ұсынады.
5. Географиялық координаталарды анықтау.
Оқушылар әлемнің жаңа жеті кереметімен танысады. Содан кейін берілген географиялық координаталардың көмегімен олардың орналасқан елдерін анықтайды.
1 және 2 топтар Әулие Христостың, Мачу-Пикчунің, Колизейдің орналасқан елдерін берілген географиялық координаталардың көмегімен анықтайды.
3 және 4 топтар Тадж-Махалдың, Чечен-Ицаның, Петраның орналасқан елдерін берілген географиялық координаталардың көмегімен анықтайды.
Дескрипторлар
Оқушы
Географиялық координаталар арқылы әлемнің жеті кереметі орналасқан елдерді анықтайды.
Топтар өзара тексеру және өзара бағалау жүргізеді. 1 мен 3 топтар, 2 мен 4 топтар өзара тексеру және өзара бағалау жұмыстарын жүргізеді. Мұғалім кері байланыс береді.
6.Масштабты пайдаланып, арақашықтықты есептеу.
Оқушылар Алматы қаласымен жеті керемет орналасқан елдердің астаналары арасындағы арақашықтықты масшабты пайдаланып, есептейді. Осы жерде Алматы облысының және жалпы Қазақстан бойынша киелі география тізіміне кірген нысандарды айта кету керек.
Алматы облысының киелі географиясының тізімі:
Көлсай көлдері, Алакөл көлі, Шарын шатқалы, Таңбалы тас және т.б.
Оқушылар масштабты пайдаланып, Алматы қаласы мен Дели, Рим қалаларының арасындағы арақашықтықты анықтайды.
1 және 2 топтар Алматыдан Римге дейінге арақашықтықты есептейді.
3 және 4 топтар Алматыдан Нью-Делиге дейінгі арақашықтықты есептейді......