Денім сау болсын десең (Жаратылыстану, 2 сынып, I тоқсан)

Пән: Жаратылыстану
Ұзақ мерзімді жоспар бөлімі: Денсаулық. Денім сау болсын десең...
Сабақ тақырыбы: Денім сау болсын десең
Осы сабақта қолжеткізілетін оқу мақсаттары (оқу бағдарламасына сілтемеу): 4. Адам. Адам денесінің құрылымы
Сабақ мақсаттары: 2.4.1.2 Адам денесінің бөліктерін және олардың қызметін атау
2.1.1.1. тамыр лүпілінің жылдамдығын бақылау арқылы сұрақтарға жауап табу
Мәліметтерді алу және таныстыру
2.1.3.2.өлшеулер үшін жабдықтарды таңдау және пайдалану, мысалы секундомер
Нәтижелерді түсіндіру
2.1.4.2.Көрсеткіштер арасындағы айырмашылықтарды түсіндіру.

Ұйымдастыру кезеңі.
Психологиялық дайындық:
Күндей жадырап,
Айдай арайлап,
Күндей таза көңілмен,
Бүгінгі күнімізді бастаймыз.

«Көңілді таспа» ойыны арқылы ертегі құрастыру.
Ертеде бір бөлме өсімдігі болыпты. Ол өсімдіктің аты- раушан гүлі. Ол өте әдемі болып өсіпті. Оның қасында тағы екі өсімдік өсіпті. Раушан гүліне олар таң қалыпты.
Оқушылардың ойларын тыңдау.
Өсімдіктерді күтіп-баптамаса не болады?
Ол өспей өліп,немесе қурап қалуы мүмкін. Сол сияқты біз де денсаулығымызды күтпесек не болады?
Сонымен бүгінгі сабағымыздың тақырыбы:
Денім сау болсын десең…
Мақсаты:
Адам денесінің бөліктерін және олардың қызметін атау
Жетістік критерийлері:
Адам денесінің негізгі бөліктерін біледі және олардың қызметін айта алады.
Ой шақыру. Адамның ішкі мүшелерін атаңдар?
Жүрек,өкпе, асқазан ,бүйрек,ми және т.б.
Топтарға бөліну,қаңқаға дененің ішкі бөліктерін орналастыру және оның қызметі жайында ой бөлісу.
1-топ «Ми»
Адамның денесінде «бұйрық беретін орталық» бар. Оны басқаратын- ми. Бастың миы біздің орталық компьютеріміз. Ол ағза қалай жұмыс істейтіні жайлы ақпараттар алады.
2-топ «Жүрек»
Жүректі біз көре алмаймыз. Оны тек біз қолымызбен ұстап соққанын сеземіз.Ол машинаның қозғалтқышы сияқты. Жүрек денемізде қанды айналдырады. Оның көлемі біздің жұдырығымыз сияқты. 1 минутта 4-5 литр қан айналдырады.
3-топ «Өкпе»
Өкпе- адамдар мен жануарлардың тыныс алу органы. Ол екі пакетке ұқсайды. Олар кеудеде орналасқан. Өкпе дем алу үшін керек. Демалу барысында ол қанға оттегі беріп, көмірқышқыл газын шығарады. Адам демді алғанда өкпе ашылады, шығарғанда қысылады.
4- топ «Асқазан»
Асқазанда тамақ қорытылады. Асқазан кішкентай шар тәріздес. Оған ас барған сайын, ол үлкейеді .Асқазан-ас қорыту мүшесі.
5-топ «Бауыр»
«Жүрек», «Өкпе» және «Ми» тақырыптары бойынша пікірталас жүргізу. Оқушылардың олардың орналастырып, қызметтерін анықтауын бағалаңыздар.
Ми – басқару орталығы, жүрек қанды жүргізеді, өкпе тыныс алуымызға көмектеседі.
(Ж, Қ) Денсаулықты сақтау үшін, дененің қай мүшелері ерекше маңызды екенін талқылау.
Ұ,ОТ,Қ) Жауаптарды талқылау және аталған бөліктерді қаңқадан, денеден немесе жұмыс парағынан көрсету.
(Ж, Т, Ұ,Қ) Мидың, жүректің және өкпенің қызметтерін сипаттау. Идеяларымен, сипаттамалармен алмасу, сыныппен келісу. Схемадан/дене макетінен органдардың орналасуын анықтау және органдардың қызметін жазу.
(ОТ, Т,Қ) Жаттығулардың тамыр соғу жиілігінің артуына ықпалын талқылау. Тамырдың соғуын тыныштықта және жаттығудан кейін өлшеу.
• Қаңқа дегеніміз не?
• Адамның қандай дене мүшелерін білесіңдер?
• Оқушылардың жауаптарын тыңдау.
Қаңқа - адам денесінің тірегі және өсу үшін жаралғанын түсіндіру. Қаңқа барлық адамның ішінде бар.
Қаңқаның не адам денесінің макеттерін пайдаланып, оқушылар оларға «органдарды» бекітеді.
Негізгі органдардың әрқайсысының (ми, жүрек, өкпе) атауы, орналасуы және қызметін талқылау..........