Квадрат теңсіздіктерді шешу 4-сабақ (Б-бөлім) (Алгебра, 8 сынып, IV тоқсан)

Пән: Алгебра
Ұзақ мерзімді жоспар бөлімі: 8.4А Теңсіздіктер
Сабақтың тақырыбы: Квадрат теңсіздіктерді шешу 4-сабақ (Б-бөлім)
Осы сабақта қол жеткізілетін оқу мақсаттары (оқу бағдарламасына сілтеме): 8.2.2.8 квадрат теңсіздіктерді шешу
Сабақтың мақсаты: Аралықтар әдісі арқылы квадрат теңсіздіктерді шешеді.

Ұйымдастыру бөлімі
Мұғалім оқушылардың сабаққа дайындығын тексереді, сабақтың мақсатын талқылайды. Жағымды психологиялық орта құру.
«Атомдар мен молекулалар» ойыны арқылы оқушыларды 3 оқушыдан шағын топтарға бөлу.
Үй тапсырмасының орындалуын тексеру
Пайда болған шағын топтарда оқушылар үй тапсырмаларын тексереді, бір-біріне комментарийлер қалдырады.
Қайталау тапсырмасы
Оқушыларға орындауға графиктік әдіспен шығарылған квадрат теңсіздіктерді шешу жолдары ұсынылады. Бірақ бірнеше теңсіздіктің шешімінде қателіктер бар. Оқушылар осы қателерді тауып, дұрыс жауабын көрсетулері керек. Кейін көршісімен жұмыстарын алмастырып, бір-бірінің жұмыстарын тексереді, талқылайды.
Дескрипторлар
- Шешімінде қате бар есептер анықталған
- Қателер түзетіліп, дұрыс жауап жазылған
Жалпы сыныппен орындауға арналған тапсырма
Алдымен оқушыларға көршілерімен бірге талқылай отырып, орындауға уақыт беріледі. Мұғалім жетелеуші сұрақтар арқылы олардың өздіктерінен орындап шығуларына көмектеседі. Кейін дұрыс жауабы мен рәсімделуі тақтада талданып көрсетіледі.
Тапсырма:
Берілген функциялардың анықталу облысын анықтаңыз:
y=√(4x^2-1)
y=1/√(x^2-4x-5)
Жеке жұмыс
Тақтада есептердің нөмірлері жазылады, оқушылар тапсырманы орындап болған соң мұғалімге барып қалай шешкенін түсіндіреді. Егер барлығы дұрыс орындалса, оқушы өзінің атын тақтадағы сәйкес ұяшыққа жазады және осы тапсырманы шешкен келесі оқушыны тексереді. Оқушыларға көмек ретінде сыныптың бөлмесіне әрбір есептің шешу жолы жазылған парақтар ілінеді. Оны қарауға барғанда оқушы қаламсыз баруы керектігін ескерту керек.
Берілген функциялардың анықталу облысын табыңыз:
y=√(x^2-8x+7)
y=√((x-3)(x+2))
y=√(9x^2-1)
y=√(5x〖-x〗^2 ).....