Магнит өрісі. Лоренц күші (Физика, 10 сынып, IV тоқсан)

Пән: Физика
Ұзақ мерзімді жоспар бөлімі: Магнит өрісі
Сабақ тақырыбы: Магнит өрісі. Лоренц күші
Осы сабақта қол жеткізілетін оқу мақсаттары (оқу бағдарламасына сілтеме): • 10.4.1.2 – сол қол ережесін қолдану және магнит өрісінің тогы бар өткізгіш пен қозғалыстағы зарядталған бөлшектерге әсерін сипаттау.

І. Ұйымдастыру
1. Cабақтың мақсаты мен жетістік критерийлерін талдау
2. үй тапсырмасы бойынша түсінбеген сұрақтарын талдау


ІІ. Оқушының алдыңғы тақырып бойынша білім қорын тексеруге арналған тапсырмалар.
Өзіндік жұмыс.
Критерийлер:
• магнит өрісінің күштік сипаттамасын біледі және бағытын көрсете алады.
• магнит индукция векторының өлшем бірлігін ХБЖ-де сипаттай алады
• Ампер күшінің мәнін анықтай алады
• Сол қол ережесін қолдана алады
Тапсырмалар:
1. Индукциясы 7,5 мТл біртекті магнит өрісіндегі түзу өткізгіш арқылы 4 А ток өткен кезде 20 см ұзындығына 3мН күш әсер ететін болса, оның магнит өрісінің күш сызықтарымен жасайтын бұрышы неге тең?
2. Магнит өрісі тарапынан тогы бар өткізгішке әсер ететін күш қай кезде максимал мәнге ие болады? Неліктен, дәлелдеңіз?
3. Суретте екі параллель өткізгіш берілген.
3.1). 1-ші өткізгіш арқылы тұрақты I тогы жүріп жатыр.

i. Берілген екі өткізгіш өзара қалай әрекеттеседі? Түсіндіріңіз.
ii. А нүктесіндегі магнит индукция векторының бағытын суретте көрсетіңіз.
3.2). 2-өткізгіш арқылы шамасы мен бағыты дәл сондай электр тогы жіберілді.
i. екі өткізгіш арасындағы әрекеттесу қалай өзгереді?
ii. А нүктесіндегі магнит индукция векторы бұл жағдайда қалай өзгереді? Түсіндіріңіз және сызбасын көтсетіңіз.

Оқушылар жұмысын талдау, бағалау (оқушылар бір-бірінің жұмысын тексереді, бағалайды).....