Микроағзаларды өндірісте, ауыл шаруашылығында, медицинада, тұрмыста қолданудың артықшылықтары мен кемшіліктері. (Биология, 10 сынып, IV тоқсан)

Пән: Биология
Ұзақ мерзімді жоспар бөлімі: Микробиология және биотехнология
Сабақ тақырыбы: Микроағзаларды өндірісте, ауыл шаруашылығында, медицинада, тұрмыста қолданудың артықшылықтары мен кемшіліктері.
Осы сабақта қол жеткізілетін оқу мақсаттары (оқу бағдарламасына сілтеме): Биотехнологияда қолданылатын тірі ағзалардың артықшылықтары мен кемшіліктерін талқылау
Сабақ мақсаттары: - өнеркәсіптік биотехнология әдістері бойынша алынған өнімдерді зерттейді;
- ағзаларды биотехнологияда қолданудың кейбір аспектілері және мысалдарымен танысады;
- тірі ағзаларды биотехнологияда қолданудың артықшылықтары мен кемшіліктерін талқылайды.

(Ұ) «миға шабуыл» әдісі бойынша сабақ мақсатын оқушылармен бірге анықтаймыз. Тақтада слайдта кез-келген биотехнологияда алынған өнімнің суретін көрсетеміз. Оқушылармен бірге талқылаймыз. Соңынан тақтада тақырыпты көрсетіп, сабақ мақсаттармен таныстырылады.

(Ұ)(Қ) Оқушыларға өнеркәсіптік биотехнология әдістері бойынша алынған өнімдерді анықтауды ұсыныңыз. Оқушылар 3-4 оқушыдан тұратын топтарға бөлінеді. Оларға тамақ өнімдерінің затбелгілерін тарату: йогурт, айран, майонез, сүт, ірімшік, шырын, шоколад, торт, алма сірке қышқылы, кофе, шай және т.б.
Ұсынылған азық-түлік өнімдерін өндіруде қандай тірі ағзалардың қолданғанын талқылау.

Бағалау: топтар өздері бөлісіп берілген азық-түлік өнімдерін басқа топтарға сипаттайды өзара бағалау жүргізеді. Бағалауды ауызша кері байланыс түрінде өз ойларын айтады.

(Т)(Қ) Оқушыларға тірі ағзаларды биотехнологияда қолданудың кейбір аспектілері және мысалдарымен танысуды ұсыныңыз.
Оқушыларды топтағы орындарын ауыстырып ақпараттық парақтар таратыңыз.
Оқушылармен топтық ережелерді бірге құрастырып алу қажет. Топтағы әрбір оқушының рөліне назар аударңыз.
Ақпараттық парақта болуы қажет (қажетті ақпаратты ресурстар бөлімінен табуға болады):
• дәрі-дәрмектер (инсулин, антибиотиктер, вакцина, дәрілер дайындауда);
• кір жуғыш ұнтақтар, жемісті шырындарға қосатын пектиназа өндіруде;
• химиялық заттар (этиловый спирт, ацетон);
• жанармай (биогаз);
• тағамдық азықтар мен шырындар;
• ауыл ашруашылығында азықтарды дайындауда және т.б.
Оқушылар топтарда жұмыс істейді және алынған ақпаратты талқылайды. Егерде мүмкіндік болса ақпарат көздеріне сілтеме беріп, өз беттерімен оқуға қосымша ақпарат беруге болады.......