Селекциядағы қолдан сұрыптаудың маңызы 1-сабақ (Биология, 8 сынып, IV тоқсан)

Пән: Биология
Ұзақ мерзімді жоспар бөлімі: Тұқым қуалаушылық пен өзгергіштік заңдылықтары
Сабақтың тақырыбы: Селекциядағы қолдан сұрыптаудың маңызы 1-сабақ (жаңа тақырыпты меңгерту)
Осы сабақ арқылы жүзеге асырылатын оқу мақсаттары: 8.2.4.2 ағзалар селекциясы үшін қолдан сұрыптаудың маңызын сипаттау
Сабақтың мақсаттары: ағзалар селекциясында қолдан сұрыптаудың рөлін түсіндіру.

Сабақтың тақырыбы мен мақсатын ашу үшін оқушыларға алманың көптеген іріктемелері көрсетілген сурет ұсынылып, төмендегі сұрақтар бойынша талқылау жүргізіледі.

• Алма түрлерін мұқият қараңыз
• Қандай белгінің өзгеруі айқын көрінеді?
• Өзгергіштіктің ауылшаруашылық үшін маңызы қандай?
• Алманың 7000 түрлі іріктемесін алу қалай мүмкін болған?
Оқушылардың қолдан сұрыптау әдістерін қолдана отырып, адам өзінің қалаған мақсатына сай белгілері болатын тірі ағза түрлерін шығарып ала алады деген оймен түйіндеп, мұғалім оқушыларға сабақтың мақсаты мен бағалау критерийлерін таныстырады.
Оқушыларға шағын топтарда қолдан сұрыптаудың жетістіктері туралы зерттеу жүргізу тапсырмасы ұсынылады.
Оқушылар түрлі ақпарат көздерін пайдалана отырып, қолдан сұрыптауды қолданудың жолдары, нәтижелері туралы дәлелдер жинайды.
Зерттеу жұмысы
• Қазақстандағы бір қолтұқым мен бір іріктемені зерттеңіз
• Олардың маңызды белгілері туралы талқылаңыз
• Қалай қолданылатындығына тоқталыңыз.
• Бұл белгілердің маңыздылығына дәлелдер келтіріңіз.

Оқушылар өз зерттеулерінің нәтижелерін сыныпта таныстырады.
Мұғалім оқушыларға бағыт сілтеп, тиісті кері байланысты ұсынады.....