Ұлы Жібек жолы Шығыс пен Батысты қалай байланыстырды? 2-сабақ (Дүниежүзі тарихы, 6 сынып, ІІІ тоқсан)

Пән: Дүниежүзі тарихы
Ұзақ мерзімді жоспар бөлімі: Сауда, қолөнер және әлемді игеру
Сабақ тақырыбы: Ұлы Жібек жолы Шығыс пен Батысты қалай байланыстырды? 2-сабақ
Осы сабақта қол жеткізілетін оқу мақсаттары (оқу бағдарламасына сілтеме): 6.4.1.2 - ортағасырлардағы халықаралық сауда мен саяхаттардың рөлін түсіндіру
Сабақ мақсаттары: Орта ғасырлық халықаралық сауда жолына айналған Ұлы Жібек жолының маңыздылығын түсіндіру.
(БЫМ) Т Оқушыларды мата түрлерін тарату арқылы топқа бөлу.
Бұл қандай мата?
Сапасы қандай?
Не үшін қолданылады?
Мата түрлерін көрсете отырып, бүгінгі сабақтың тақырыбына болжам жасату.
Жұмыс дәптеріне сабақ тақырыбын, зерттеу сұрағын жазып, оқушылармен бірлесіп, сабақ мақсаты анықталады, бағалау критерийлері және тарихи концептімен танысу.
Ж Бейнематериалмен жұмыс. Оқушылар бейнематериалды көре отырып, тыңдаған ақпараттарын дәптерлеріне жазады.Сонан соң топта солдан оңға қарай отырғандар дәптерлерін алмасып, бір –бірлерінің жазған ақпараттарымен танысады.Ең соңында мұғалім әр топтан кімнің ақпараты ұнағанын және не үшін ұнағанын сұрайды. Үздік жазылған жұмыстарға қолпаштау көрсетіледі.
Ұлы Жібек жолы туралы жалпы ақпаратпен танысқан соң оқушыларға мәтін таратылады.
Ж. Мәтінмен жұмыс.
Оқушылар мәтінді жеке оқып, жұппен органайзер кестені толтырады. Кестеде берілген дәйектерге оқушылар мәтіннен мысалдар келтіреді.
Дәйек(аргумент)
• Ұлы Жібек жолы дипломатиялық және сауда жолы болды
• Ұлы Жібек жолы мәдениеттің тірегі де болған.
• Ұлы Жібек жолының түрлі миссионерлер өз діндерін таратып отырды.
Т Кескін картамен жұмыс. «Жүгіріп жүріп сурет салу» («Құмырсқа» стратегиясы) Оқушылар Ұлы жібек жолы бағыттары бейнеленген сынып тақтасындағы картаны топ болып кезекпен барып көру арқылы есте сақтап, кескін картаға түсіреді.
Б. Ұлы Жібек жолы сауда мен халықаралық байланыстардың нығаюында қаншалықты маңызды рөл атқарды? -деген сұраққа оқушылар өз ой-пікірлерін 3 нақты дәйекпен тұжырымдайды.
Дескрипторлар:
• Оқушылар Ұлы Жібек жолы туралы бейнематериалдағы ақпараттарды жүйелі жазбаға түсіріп, өзара жұмыстарын бағалайды;
• Кестеде берілген дәйектерге оқушылар мәтіннен мысалдар келтіреді;
• «Құмырсқа» стратегиясы арқылы Ұлы Жібек жолы бағыттары мен ортағасырлық қалаларды кескін картада белгілейді;
• Ұлы Жібек жолы сауда мен халықаралық байланыстардың нығаюындағы маңыздылығын 3 нақты дәйекпен тұжырымдайды.......