Неліктен Шыңғыс хан әскерлері Отырарды 6 ай бойы ала алмады?3-сабақ (Қазақстан тарихы, 7 сынып, ІІІ тоқсан)

Пән: Қазақстан тарихы
Ұзақ мерзімді жоспар бөлімі: 6.3 А ХІІІ-ХV ғғ. І жартысындағы Қазақстан
Сабақ тақырыбы: Неліктен Шыңғыс хан әскерлері Отырарды 6 ай бойы ала алмады?3-сабақ
Осы сабақта қол жеткізілетін оқу мақсаттары (оқу бағдарламасына сілтеме): 7.3.1.5 Отырарды қорғаудағы қала халқының ерлігін сипаттау
Сабақ мақсаттары: «Отырар апаты» оқиғасын анықтау және талдау
Отырар апатын бағалау.
Б. Өткен тақырыпты қайталау.
БЫМ. Бастапқы стимул тудыратын материал ретінде Отырар қаласының әртүрлі авторлар салған ортағасырлық суреттерін ұсыныңыз. Оқушыларды суретте не көріп тұрғандарын, не бейнеленгені, қалада кімдер тұрғаны туралы сұраңыз.
Одан кейін Отырар қаласының қазіргі кейпі бейнеленген бүгінгі күнгі суреттерін көрсетіңіз. Осы екі түрлі суреттердің өзара байланысы қандай? қандай ұқсастықтарын/айырмашылықтарын көріп отырсыздар? неліктен қазіргі күні қала тым өзгерді? бұған қандай жағдайлар себепші болуы мүмкін деген сұрақтарды қойыңыз.
Сыныптық талқылаудан кейін оқушыларды сабақ тақырыбына алып келіңіз.
Тарихи концепт (фокус): Отырар апатын бағалау
Т Мәтін бойынша әр топ бір-біріне сұрақ қояды.
Бұл жерде оқушылар толық жауапты қажет ететін ашық сұрақ қоюы керек.
Бағалау критерийі Дескриптор
«Отырар апаты» оқиғасын анықтау және талдау Оқушылар ашық сұрақ қоя біледі
Б. Оқушыларға «Неліктен Шыңғыс хан әскері Отырарды 6 ай бойы ала алмады?» проблемалық сұрағын қойыңыз.
Оқушыларға жеке-жеке өз болжамдарымен бөлісуге мүмкіндік беріңіз.
Отырарды 6 ай қорғау үшін сарбаздар мен қала тұрғындарға қандай заттар қажет болды деп ойлайсыңдар? Оқушылар өз жауаптарымен бөліскеннен кейін, негізгі сұрақты қойыңыз:
Қарсыласыңа төтеп беру үшін, өз жеріңді, топырағыңды, ошағыңды, тәуелсіздігіңді сақтап қалу үшін сол заманның кез-келген тұрғынында басты қандай сезім журектерінде ұялауы тиіс? Бүкіл сыныптық талқылау ұйымдастырыңыз. Талқылаудың нәтижесінде мұғалім оқушылармен бірлесе отырып тақтаға: «ұлтжандылық», «патриотизм», «қамқоршылық», «Отан сүйгіштік», «ерлік», «батылдық», «төзімділік», «өжеттік», «табандылық», «беріктік», «қажырлылылық» деген құндылықтар сөздер жазылуы тиіс......