Қыпшақ хандығы 2-сабақ (Қазақстан тарихы, 6 сынып, ІІ тоқсан)

Пән: Қазақстан тарихы
Ұзақ мерзімді жоспар бөлімі: 6.2A Х – XІІІ ғғ. Қазақстан территориясындағы мемлекеттер
Сабақ тақырыбы: Қыпшақ хандығы 2-сабақ
Сабақ мақсаты: Қыпшақтардың этникалық, қоғамдық-саяси даму ерекшеліктерін, қоныстанған аумағын талдау негізінде Еуразия тарихындағы орнын бағалау.
Ұйымдастыру кезеңі
М Оқушыларға бейнероликті көрсетіп, болжау сұрақтарын қойыңыз:
- «Дешті Қыпшақ» деген сөзді қалай түсінесіздер?
- Қыпшақтардың осынша жерді иелене алуының себебі неде?
Сабақтың тақырыбы, оқу мақсаттары мен бағалау критерийлерін таныстырыңыз.
Зерттеу сұрақтары:
- Қыпшақтар осындай ұлан-байтақ жерге ие болуының себептері қандай?
- Қыпшақ тайпаларының этникалық ерекшеліктері, шаруашылығы туралы қандай тарихи деректер ақпарат береді?
Тапсырма 1. 1) Мәтін негізінде қыпшақтардың қоныстанған аумағын кескін картаға түсіру.
2) көрші мемлекеттерді белгілеу.
Бағалау критерийі:
Қыпшақ хандығының саяси картадағы орнын анықтайды
Дескрипторлар:
Қыпшақ хандығының аумағын кескін картада дұрыс көрсетеді;
Көршілес мемлекеттерді белгілейді;
Екі орталығын белгілейді.
Б Талқылау:
Қыпшақ мемлекетінің аумағында ерте орта ғасырларда қандай мемлекеттер өмір сүрді?
Қыпшақ хандығы мен қазіргі Қазақстан Республикасының аумағын салыстырыңыз.
Оқушыларды 3 топқа бөліңіз.
Тапсырма 2.
1-топ. Қыпшақтардың этникалық құрамы (сызбасын құрастыру)
2-топ. Қыпшақтардың қоғамдық құрылысы (пирамида тектес диаграммаға орналастыру)
3-топ. Қыпшақтардың шаруашылығы (негізгі шаруашылықтарын анықтау)
Бағалау критерийі:
Қыпшақтардың Еуразия тарихындағы ерекшеліктерін анықтайды.
Дескрипторлар:
Қыпшақтардың этникалық құрамының 2 ерекшелігін анықтайды;
Қыпшақтардың қоғамдық құрылысының 2 ерекшелігін талдайды;
Қыпшақтардың шаруашылығының 2 ерекшелігін талдайды......