Орта ғасырлар тарихы нені оқытады? (Қазақстан тарихы, 6 сынып, І тоқсан)

Пән: Қазақстан тарихы
Ұзақ мерзімді жоспар бөлімі: VI – IX ғғ. Қазақстан
Сабақ тақырыбы: Орта ғасырлар тарихы нені оқытады?
Осы сабақта қол жеткізілетін оқу мақсаттары (оқу бағдарламасына сілтеме): Қазақстанның орта ғасырлар тарихына жалпы шолу
Сабақ мақсаттары: Қазақстандағы орта ғасырлар тарихының кезеңдерін, негізгі оқиғаларын сипаттайды.
Тарихтың осы кезеңінен мен не күтемін? - деген сұрақ аясында оқушылармен ой-талқы.
Сабақтың оқу мақсатымен, бағалау критерийімен таныстыру.
(Т) Тапсырма 1. «Ойлан. Талқыла. Ойыңмен бөліс» тапсырмасын беру. Әр топқа құжаттар топтамасы беріледі.
1 топ – орта ғасырлардағы тарихи оқиғаларға байланысты суреттер топтамасы беріледі.
Суреттерді қарап, орта ғасырларда қандай тарихи оқиғалар болғаны туралы ойларын ауызша ортаға салу.
2 топ – «Қазақстан VI-IX ғасырларда», «Қазақстан X -XIII ғасырларда», «Қазақстан моңғол шапқыншылығы жылдарында», «Қазақстан моңғол шапқыншылығынан кейінгі жылдарында», «Қазақ хандығы» карталары беріледі.
Карталарды салыстырып, хронология бойынша саяси картадағы өзгерістерді анықтап, қорытынды шығару.
3 топ – Орта ғасырлар кезеңдері туралы мәтін беріледі. Орта ғасырлар кезеңдерінің ерекшеліктерін анықтау және сипаттау.
Бағалау критерийі: Орта ғасырлардағы Қазақстандағы өзгерістерді анықтайды.
Дескрипторлар:
Деректер (сурет) негізінде үш негізгі өзгерісті атайды (1-топ);
Орта ғасырлардың әр кезеңіндегі негізгі өзгерісті анықтап, қорытынды жасайды (2-3-топ).
Бағалау. Әр топ өз жұмыстарын сынып алдында қорғайды. Оқушылардың бірін-бірі бағалауы. Оқушылардың жауаптарын қорытындылап, мұғалім кері байланыс береді.
(М) Презентация арқылы тарихтың негізгі кезеңдерімен таныстыру.
Орта ғасырлардың кезеңдері:
• Ерте орта ғасыр (түркі дәуірі);
• Дамыған орта ғасыр (моңғол шапқыншылығы);
• Біртұтас Қазақ мемлекеттілігінің құрылуы.
(Б/Ж) Тапсырма 2. Қазақстан тарихының кезеңдерін салыстырып, кем дегенде 2 ұқсастығы мен әр кезеңге тән 2 айырмашылығын келтіру.
Ежелгі Қазақстан тарихының айырмашылығы Екі кезеңнің ұқсастығы Орта ғасырлар кезеңінің айырмашылығы
Бағалау. Әр топ өз жұмыстарын сынып алдында қорғайды және бірін-бірі бағалайды.
Бағалау критерийі: Орта ғасырлар кезеңінің ерекшеліктерін талдайды
Дескрипторлар:
Ежелгі кезеңнің 2 ерекшелігін біледі;
Орта ғасырлар кезеңінің 2 ерекшелігін анықтайды;
Ежелгі және орта ғасырлар кезеңінің 2 ұқсастығын талдайды. ......