Сабақ жоспары (қмж): Не себепті ботайлықтарды жылқыны алғашқы қолға үйретушілер деп атайды? (Қазақстан тарихы, 5 сынып, І тоқсан)

Пән: Қазақстан тарихы
Қысқа мерзімді жоспар бөлімі: 5.1A Қазақстандағы ежелгі адамдардың өмірі
Сабақ тақырыбы: Не себепті ботайлықтарды жылқыны алғашқы қолға үйретушілер деп атайды?
Осы сабақта қол жеткізілетін оқу мақсаттары (оқу бағдарламасына сілтеме): 5.4.1.1 ежелгі адамдардың алғашқы кәсібін сипаттау
Сабақ мақсаттары: Қазақстанның мыс-тас дәуіріндегі ерекшеліктерін, адамдардың тұрмыс-тіршілігі туралы бейне-баяннан көрсете отырып түсінік қалыптастыру. Мәтінмен жұмыс арқылы кезеңнің ерекшеліктері мен, өзгерістердің себеп-салдарларына талдау жүргізу.
Сабақтың басы
Сабақ басында:
Оқушылардың өткен сабақтарда алған білімдерін тексеру үшін оқушыларға таратпа қағаздарды таратып береміз.
І-топ Археологтар тобы. Алғашқы адамдар қолданған еңбек құралдарының аттары берілген оқушылар жиналады.
ІІ-топ. Антропологтар тобы. Ежелгі адамдардың аттары берілген оқушылар жиналады.
ІІІ-топ. Тарихшылар тобы. Тас дәуірінің кезеңдері берілген оқушылар жиналады.
ІV-топ. Географтар. Қолдарына тұрақтардың аты жазылған оқушылар осы топқа жиналады.
Оқушыларды төрт топқа бөлеміз . Бұл тапсырма арқылы өткен тақырыптрды еске түсіруге және оқушыларды топқа бөлуге мүмкіндік болады.
Жаңа тақырып тақтаға жазылады, немесе слайдтар арқылы көрсетеміз.
Бүгінгі сабақтың оқу мақсаттары мен бағалау критерийлері айтылады.
Сабақтың ортасы
Б Оқушылардың назарын тақтадағы суреттерге аударып, оларға келесідей сұрақтарды қойыңыз:
• Тақтада ілініп тұрған суреттердегі жануарлардың ұқсастығы бар ма?
• Берілген суреттердегі жануарлардың бір-бірінен ерекшелігі неде?
• Жылқы малы жайында не білесіздер?
ҚБ Жауап берген оқушыларды сыйлық қоржынынан сыйлықтар беру арқылы бағалаймыз, немесе «жарайсың», «өте жақсы» тағы басқа сөздер айтамыз.
М Слайдтардан көрсете отырып, мыс-тас ғасыры туралы түсінік қалыптастырамыз. Мыс-тас ғасырының ерекшеліктері туралы суреттерді көрсетуге болады.
Топтық жұмыс Мысты-тас ғасырын өткен кезеңдермен салыстыру үшін оқушыларға мозайка құрастыруға тапсырма беріңіз.
І топ: Палеолит
ІІтоп: Мезолит
ІІІ топ: Неолит
ІV топ: Энеолит
Әр топ сынып қабырғаларындағы жазулар мен суреттерді өз кезеңдерінің атына лайықты етіп жинақтап құрастырады.
Мұғалім оқушыларды тапсырманы орындау барысында бақылап жүреді.
Топтар құрастырған мозайкаларын сынып алдында қорғайды
Бағалау Мұғалім тапсырманы ең бірінші болып орындаған оқушыларды атап өтеді. Бұл топ «ең жылдам топ» деген атқа ие болады. Жұмыстарын қорғау кезінде ерекшеленген топқа «ең креативті топ» деген атау беріледі.
Зерттеу мен талдау
Б Оқушыларға төмендегі сұрақтарды алдын-ала ұсынып, Ботай мәдениеті туралы бейнематериалмен жұмыс жасауды тапсырыңыз.
• Қандай тың мәлімет алдыңыздар?
• Ботай мәдениетінің өзіндік ерекшелігі неде деп ойлайсыздар?
Жеке жұмыс. Дифференцияция Оқушыларымен мәтінмен жұмысты ұйымдастырыңыз. Мәтінмен жұмыс жасау үшін келесі сұрақтарды ұсыныңыз:
• Неліктен Ботай мәдениетін мысты-тас кезеңіне жатқызады ?
• Виктор Зайберттің жетекшілігімен жүргізілген қазба жұмыстары бізге қандай мәліметтер береді?
• Ботай тұрағынан табылған жәдігерлердің ішінен ғалымдардың қызығушылығын тудырған қандай зат?
Археологтардың жүргізген қазба жұмыстарының нәтижесі бойынша ғалымдар қандай ортақ пікірге келді?
Бағалау Оқушылар тапсырманы жек өз дәптерлеріне жазбаша түрде орындайды. Мұғалім оқушылар тапсырманы орындау барысында қарап, тексеріп шығады. Бірнеше оқушылар өз жазғандарын оқиды. Мұғалім үздік жауаптар берген оқушыларды атап шығады.
Б Оқушылардың жүргізген зерттеу жұмысының нәтижесін қорытындылау үшін Ботай мәдениеті туралы алған білімдері бойынша кем дегенде бес-он сөйлемнен тұратын шағын әңгіме құрастыруды тапсырыңыз. 3-4 оқушының жазған әңгімелерін сынып алдында оқытып талқылау жүргізіңіз. ....