Шаруашылықты ұйымдастыру факторлары мен шарттары (10 сынып, III тоқсан)

Пән: География
Ұзақ мерзімдік жоспардағы тарау: Геоэкономика негіздері
Сабақ тақырыбы: Шаруашылықты ұйымдастыру факторлары мен шарттары.
Оқыту мақсаты: 10.4.1.3. шаруашылықтың әртүрлі салалардағы кәсіпорындарды орналастырудың факторлары мен шарттарының жиынтығын талдау.
Сабақтың мақсаттары: Кәсіпорындарды орналастырудың факторлары мен шарттарын талдап үйренеді.
Оңтайлы жұмыс ортасын қалыптастыру.
Оқушылар санау арқылы 4 топқа бөлінеді.
Топта оқушылар өздері топ басшысын сайлайды. Топ басшысын сайлай алмаған жағдайда мұғалім ұсынады.
Сабақтың тақырыбы мен оқу мақсаты таныстырылады.
Мұғалім кәсіпорындарды орналастырудың факторлары туралы мәліметтер береді.
«Ой шақыру»
«Қарағанды-Теміртау қара металлургия комбинаты (АрселорМиттал Темиртау)» сызбасы ұсынылады. Мұғалім сұрақ қояды.
- Неге «АрселорМиттел Теміртау» комбинаты Теміртау қаласында орналасқан?
Қажет болған жағдайда мұғалім бағыттаушы сұрақтар қояды.
Өнеркәсіпті орналастыру факторларына сай балалардан кәсіпорындардың орналастыру факторларын өз ойларынша атау сұралады. Бірлесіп орындалады.
Тақтадан кәсіпорындарды орналастыру факторлары көрсетіледі.
Оқушыларға мәтін таратылады. Жеке оқиды жұпта талқылайды.
Топтық жұмыс.
Әрбір топқа зерттеу жасау үшін белгілі бір өндіріс саласы беріледі. Топтар өздеріне берілген салаларға байланысты бір кәсіпорынды таңдап алады. Оқушылар олардың Қазақстан территориясы бойынша қай жерде орналасқанын және қай факторлар олар үшін маңызды екенін анықтауы қажет.
1-топ: қара металлургия;
2-топ: мұнай өнеркәсібі;
3-топ: электр энергетикасы;
4-топ: химия өнеркәсібі.
Оқушылар зерттеу нәтижелерін постер арқылы презентациялайды.
Уақыты: 12-14 минут.
Өнеркәсіп кешендерін сипаттау жоспары:
1. Кешеннің құрамы (сызба түрінде)
2. Ерекшеліктері (2-3)
3. Географиясы (географиялық орны)
4. Кәсіпорындарды орналастыру факторлары (2-3).
Топтар өз жұмыстарын сынып алдында қорғайды.
Әр топ 2-3 минуттан.
Топтар бағалау парағы бойынша бірін – бірі бағалайды.
Мұғалім сабақты сұрақ қою арқылы бекітеді.
Кәсіпорындарды орналастырудың басты факторларына нелер жатады?.....