Сараптама әдісі (10 сынып, I тоқсан)

Пән: География
Бөлім: Картография және геоинформатика
Сабақтың тақырыбы: Сараптама әдісі
Оқу мақсаты: Зерттеу тақырыбына сәйкес географиялық сараптама әдістерін қолдану;
Сабақтың мақсаты: Білу және түсіну
Сараптама әдістерін біледі.
Қолдану
Зерттеу тақырыбына сәйкес географиялық сараптама әдістерін қолданады.
Талдау
Географиялық үдерістер мен құбылыстардың өзгерістеріне сараптама жасайды.
Оқушылармен сәлемдесу, түгендеу. Ынтымақтастық атмосферасын қалыптастыру.
Психологиялық ахуал орнату арқылы сабақтың тақырыбына шығу:
Оқушыларға түрлі түсті фишкалар беру арқылы топқа бөліп отырғызу (жасыл, сары, қызыл, көк).
Слайдтағы суреттер бойынша сабақтың тақырыбын анықтау, мақсатын анықтау.
Бағалау критерийлерімен таныстыру.
Мұғалім жаңа сабақты бастау үшін оқушылардың назарын суреттерге аударып сұрақ қояды:
• Бұл қандай карталар?
• Оларды қалай дәлелдей аласыз?
• Бұл карталарды қалай жіктеуге болады?
(Think-Pair-Share стратегиясы)
(Оқушылар карталарды атап шығады.)
Сыныппен өз ойларын бөліседі, бүгінгі сабақтың тақырыбын анықтайды. Оқу мақсаттарын анықтауға жетелейді.
Оқу мақсаты мен бағалау критерийі таныстырылады.
Оқушылардың іс-әрекеті.
Жеке жұмыс.
1- тапсырма:
Суретпен жұмыс.
1) Суреттегі литосфералық тақталардың түйісу түрлерін анықтаңыз.
2) Түйісу аймағын картада белгілеңіз.
3) Сол аймақта қалыптасқан жер бедерін анықтаңыз.
Оқушылар өз-өздерін даяр жауап бойынша бағалайды.
Бағалау дискрипторы:
- Тақталардың түйісу түрін атайды;
- Түйісу аймағын картада дұрыс белгілейді;
- Қалыптасқан жер бедерін сипаттайды.
Топтық жұмыс.
2- тапсырма. Тәжірибе жасау.
«Банкіден бұлт алу»
Топтар бірі-бірі бағалайды.
Бағалау дискрипторы:
- Бұлттың анықтамасын айтады;
- Бұлттардың пайда болу үрдісін схема түрінде
бейнелейді;
- Үдерістің практикалық маңызын түсіндіреді;
Жұптық жұмыс.
3- тапсырма. Мәтін және диаграммамен жұмыс.
1) СО2 газын максимум бөлетін ел
2) СО2 газының қоршаған ортаға 2 әсерін атаңыз.
3) СО2 –нің әсерінен болатын қауіпті құбылысты атаңыз.
4) Алдын алу шараларын ұсыныңыз.
Бағалау: Жұптар бір-бірін «Бас бармақ» тәсілі арқылы бағалайды. .....