География ғылымының салалары (8 сынып, I тоқсан)

Пән: География
Ұзақ мерзімді жоспар бөлімі: Географиялық зерттеу әдістері
Сабақ тақырыбы: География ғылымының салалары
Осы сабақта қол жеткізілетін оқу мақсаттары: (оқу бағдарламасына сілтеме) 8.1.1.1 география ғылымының салаларға бөлінуін графикалық түрде көрсетіп түсіндіреді
Сабақ мақсаттары: Оқушылар істей алады:
• Оқушылар география ғылымының салаларға бөлінуін анықтайды және географиялық салаларының мағынасын ашып графика, сызба түрінде көрсете алады.
Ұйымдастыру кезеңі. Сыныппен сәлемдесу. Сабақ мақсаты мен оқу мақсаттарымен танысу. Сыныпта көңілді атмосфера қалыптастыру. Оқушылар шеңбер жасап тұрады. Көрші көршіге тілек айтады.
Еске түсіру. «География» ұғымы қандай мағынаны береді?
География ғылымы нені зерттейді?
Мұғалім слайд бойынша география ғылымының мағынасын көрсетіп естеріне түсіреді. Дәптерлеріне еске түсіргендерін жазып алу ұсынылды. «Гео»- Жер, «графо»- сипаттаймын- Жерді сипаттау. Негізін салушы грек ғалымы –Эратосфен оқушылардың жауабы болуы тиіс.
Келесі сұрақты қоюға болады. География ғылымы нені зерттейді?
Жауабын тақтадан көрсету, анықтамасын дәптерге жазып алу. Жер беті табиғаты туралы, халықтар мен олардың шаруашылық іс-әрекеттерін зерттейтін ғылым.
Оқушыларды жұпқа бөлу.Тапсырма: «Географиялық нысандарға» не жатады?
(қосымша №1)
Барлық оқушыларға әртүрлі суреттер беру. Олар мұқият суретке қарап болғаннан кейін өзінің жұбына суреттің атауын және ол неге географиялық нысан екенін айтып шығады немесе бір бірімен кезектесіп суреттерді түсіндіреді.
«Миға шабуыл» (қосымша №2)
География қандай салаларға бөлінеді? Ол үшін жұптарға мәтін беріледі.
Мәтінмен жұмыс
Тапсырма №1. Мәтінді оқып, сұрақтарға жауап беріңіз.
Әдістер: кілт сөздері, жаңа сөздер, инсерт
Сұрақтар:
1. География ғылымы қандай салаларға бөлінеді?
2. Физикалық география нені зерттейді?
3. Физикалық география қандай бөлімдерге бөлінеді?
4. Физикалық бөлімдерінің зерттеу айырмашылықтары неде?
5. Физикалық география қандай ғылымдарға бөлінеді?
6. Әлеуметтік-экономикалық география нені зерттейді?
7. Әлеуметтік-экономикалық география қандай ғылымдарға бөлінеді?
Географиялық салаларды түсінгенін білу үшін топтық жұмыс ұйымдастыру қажет.
Топтық жұмыс жүргізу. (Қосымша №3)
Тапсырма:
1.Берілген суреттерді географиялық салаларға топтастырыңыздар
2. Мәліметтерді сызба түрінде толықтырып көрсетіңіздер.
3.Салаларға қысқаша сипаттама беріңіздер.
Дескриптор:
 Оқушылар суреттерді салаларға топтастырады
 Географиялық суреттерді географиялық салалар бойынша сызба түрінде көрсетеді.
 Ауызша сипаттама береді
Топтық жұмысты бағалау «Галерея әдісі»
Әзірленген сызба жұмыстарын сынып қабырғаларына іліп, көрме жасайды. Критерийлер бойынша өзара бағалайды......