Шығарманың тақырыбы мен негізгі ойды анықтау (3 сынып, I тоқсан)

Пән: Әдебиеттік оқу
Ұзақ мерзімді жоспар бөлімі: «Жанды табиғат» ортақ тақырыбы
Сабақ тақырыбы: 2.3 Шығарманың тақырыбы мен негізгі ойды анықтау
Осы сабақта қол жеткізілетін оқу мақсаттары: (оқу бағдарламасына сілтеме)
3.2.3.1 шығарманың тақырыбын анықтау және негізгі ойды білдіріп тұрған мәтін бөлігін/сөйлемді анықтау
3.2.7.1 мұғалімнің көмегімен шығармадағы әдеби көркемдегіш құралдарды (теңеу, эпитет, кейіптеу) табу
Сабақ мақсаттары: Барлық оқушылар: шығарманың тақырыбын анықтап, негізгі ойды білдіріп тұрған сөйлемді анықтап және мұғалімнің көмегімен өлеңдегі әдеби көркемдегіш құралдарды (теңеуді) табады
Көптеген оқушылар: теңеуді тауып, салыстырады және өз пікірлерін айтады
Кейбір оқушылар: тақырып бойынша қосымша мәліметтер мен дәлелдер келтіріп, талдау жасай алады.
Сабақ барысы:
Сабақтың басы
(Ұ) Ширату жаттығуы: (Ұ) «Ұшақ» әдісі арқылы тақырыпқа байланысты жұмбақтар жасыру.
Қағаздан жасалған ұшақтарға
Жапырақты бояды,
Атырапты бояды.
Бояп-бояп барлығын
Сап-сары ғып қояды.
жұмбағы жазылып, сыныпта ұшырылады. Қай оқушының алдына ұшақ түссе, сол оқушы жұмбақты шешеді және интерактивті тақтадан дұрыс шешуін көрсетіліп, оның бүгінгі сабақпен байланысын айтады.
Бастапқы білімді қайталау.
«Миға шабуыл» әдісі арқылы тақырып мағынасын ашуға байланысты сұрақтар қойылады. Оқушылардың тез жауап берулері қадағаланады. Оңай сұрақтардан бастап қиындатуға болады.
Үлгі сұрақ:
- «Қоңыр күз» дегенді қалай түсінесіңдер?
Сабақ мақсатын хабарлау: шығарманың тақырыбын анықтап, негізгі ойды білдіріп тұрған сөйлемді анықтап және мұғалімнің көмегімен өлеңдегі әдеби көркемдегіш құралдарды (теңеуді) табамыз.
Сабақтың ортасы
Анықтайық. (Ұ) «Суреттер арқылы болжау» ойыны. Ойын шарты: оқушыларға күздің бірнеше суреттері ұсынылады. Мазмұны бойынша жұптар сұрақтар құрастырады. Сұрақтардың мазмұны әр түрлі, яғни өзгеше құрастырулары да мүмкін.
1. Суреттерді таңдау (әр оқушы өзі таңдайды)
2.Жұптар бір–біріне сұрақ қояды. (оқиғаға байланысты немесе өзгеше болуы мүмкін)
3.Оқылатын өлеңнің тақырыбын анықтайды.
ҚБ. Мұғалім тарапынан кері байланыс (мадақтау).
Ұтымды сұрақ пен мәнді жауап бағаланады.
Жарайсың! Өте ұтымды сұрақ қойдың. Мәнді жауабың үшін ризамыз
Табайық. (Ө). Оқушылар Абайдың «Күз» өлеңін түсініп оқиды. Оқи отырып өлеңнен 3 фактіні табады.
1. Жеңіл, түсінікті факт
2. Қиын болып көрінген факт
3. Алдағы уақытта жинағысы келетін ақпарат
4. «Қайыршы шал -кемпірдей түсі кетіп,
Жапырағынан айрылған ағаш, қурай» деген өлең жолдарында ақын неге олай теңегенін түсіндір.
5. (Т) Алынған фактілер бойынша барлық оқушылар талқылап, талдайды.
1. сайтынан алынған «Күз» өлеңінің аудиожазбасы тыңдалады.
2. Өлеңді мәнерлеп оқу тапсырылады. Оқушылар «Автор орындығы» әдісі арқылы, алдындағы тыңдағанына сүйеніп өлеңдң мәнерлеп оқиды.
Қ/Б: Бұл тапсырма «Жапондық бағалау» әдісі (оқушылар бір-біріне баға береді) арқылы бағаланады.
Қалыптастырушы бағалау тапсырмасы.
Берілген үзіндіні түсініп оқы.
– Менің қазіргі талқыға салып отырған тәртіпсіздік қылықтарымның қай-
қайсысының да себебі бар еді. Қазды атқан мен емеспін, Сұлтан. Ал бақаны мен сумкаға Майқанова апай талып жығылып қалсын деп, оның соншалық шошымал адам екенін біліп салған жоқпын. Тіпті, мұның ақыры не болады деп ойлап та жатпадым, салғым келді - салдым. Осындай бір ақымақтық кейде ақылға мұрша бермей дедектетіп әкететіні бар. Істеп алып, соңынан бармағыңды тістейсің. Осының бәрі осылай бола тұрса да, мен өзімді ақтап, бір ауыз сөз айтпадым. Ақталудың тіпті қисыны бар ма?
1. Мәтіннен негізгі ойды білдіретін сөйлемді тауып, қоршап сыз немесе дәптеріңе көшіріп жаз.
2. Мәтінге ат қой. ....