Жүніс Сахиев «Дабыл» фантастикалық әңгімесі 2-сабақ (8 сынып, IV тоқсан )

Пән: Қазақ әдебиеті
Бөлім атауы: Қиял мен шындық
Сабақтың тақырыбы: Жүніс Сахиев «Дабыл» фантастикалық әңгімесі 2-сабақ
Осы сабақ арқылы жүзеге асатын оқу мақсаттары: А/И 4 Шығармашылық жұмыс
Сабақ мақсаты: Шығармадан алған үзінділерді қайта өңдеп креативті жазу.
Сабақ барысы:
Оқу мақсаттарымен таныстыру
Бағалау критерийлерін хабарлау
«БББ»
Оқушылар үш бағаннан тұратын сурет салады
- Олар нені біледі?
-Олар нені білгісі келеді?
-Олар нені білді?
1-тапсырма « Жалғастырып жазу» әдісі
Оқушылар берілген үзіндіні өңдеп, әңгімені жалғастырып жазады.
«...Содан сәл жүргенде көлік айнасына бірдеме жарқ етіп шағылысқандай болды. Төлен көлікті кілт тежеді де, есігін ашып жерге қарғып түсті. Шағылысқан дене шынында аспанда екен. Алып транзистор тәрізденген бірдеме тарбия қалықтап сай аңғарына қарай түсіп барады.
Аспан кемесі біршама уақыт тым-тырыс тұрды. Сонан соң астыңғы жағынан сыр етіп кішкене кабина жерге түсті.»
2-тапсырма «Ақпараттағы ақаулық» тәсілі
Оқушылар тапсырманы жұппен орындайды. 1-оқушы шығарманың елу пайызы жазылған үзіндісі, 2-оқушыға қалған бөлігі беріледі. Жұптағы оқушы бір - біріне өз бөлігіне қатысты түсініктеме береді. Жұптар сыныппен кері байланыс орнатады.
3-тапсырма « Кейіпкерге хат» әдісі
1- қадам: Шығарма кейіпкерлерін бөліп беріңіз.
2 - қадам: Берілген кейіпкерлерге олардың іс – әрекеті туралы сұрақтарды топтастырып, хат жазу керек екенін түсіндіріңіз.
3 - қадам:Бұл сұрақтар күрделі болу керектігін есіне салыңыз. Төмендегі құрылымды үлгі ретінде тақтаға жазып қоюға болады:
Егер ... , не болар еді? Неге...? Неліктен ...?
4-қадам: Осы сұрақтарға оқушылардың өзі мүмкіндігінше балама жауап ұсынуы қажет екенін түсіндіріңіз.
Мүмкін,... ... болған шығар?
4-тапсырма «Креативті жазу»
Мұғалім шығармадан бірнеше үзінділерді таратады. Оқушылар оларды өз таңдауы бойынша бөліп алып, қайта өңдеп, креативті жазады.
Ұсынуға болатын үзінділер:
«Жазулар құпиясын ашу», «Көктен түскен тас сыры» т.б.......