Шалкиіз жырау «Би Темірге бірінші толғауы» 2-сабақ (8 сынып, I тоқсан )

Пән: Қазақ әдебиеті
Бөлім атауы: Дананың сөзі - ақылдың көзі
Сабақ тақырыбы: Шалкиіз жырау «Би Темірге бірінші толғауы» 2-сабақ
Осы сабаққа қатысты оқу мақсаттары: Б/С 8.3.3.1 - шығарманың көркемдік-идеялық құндылығын гуманистік тұрғыдан талдап, әдеби эссе жазу.
Cабақ мақсаттары: Шығарманың көркемдік-идеялық құндылығын гуманистік тұрғыдан талдап, әдеби эссе жазады.
Сабақ барысы:
Қызығушылықты ояту
Ой сергіту
«Комплименттер бұрқасыны»
Оқушылар берілген уақыт ішінде (1-1,5минут) бір парақ қағазға өздерінің сүйікті адамдарынан естігісі келген комплиментті жазады. Комплимент жеке сөз емес, толық сөйлем түрінде болғаны дұрыс. Жазып болған соң қағаздарды домалақтап, қармен атқыласқандай бір-біріне лақтырулары керек. Содан кейін өздері ұстаған «қарды» ашып оқиды.
Сабақ мақсаты, бағалау критерийлерімен таныстыру.
1-тапсырма ТЖ.
Оқушыларға жыраудан қалған қанатты сөздерді оқып, жұпта, топта мағынасын ашады.
Екі түрлі түсініктеме күнделігі
Қанатты сөздер Астарлы ойы
Тұсында болған мәртті қорлама – табылмайды керекте.
Айдын сулар, аймақ көл – тасыса дөңбек келтірер,
Көп өтірік, жаман сөз – басыңа бәле келтірер.
Жүйрікпін деп жалданба – жолығарсың арланға.
Ақылсыз достан ақылды дұшпан артық.
Жағаңа дұшпан қолы тимеске – артыңда туысқанның көбі игі.
Бір жақсымен дос болсаң – азбас-тозбас мүлкі етер,
Бір жаманмен дос болсаң – бар ғаламға күлкі етер.
Ағайынның ішінде бір жақсысы бар болса –
қаумалаған көп жаман сол жақсыны көре алмас.
Алға сап жауап бермеңіз – арғы түбін ойламай.
Арғымақ атқа көп міндім – садаға кетсін буданнан,
Азаматқа көп ердім – садаға кетсін туғаннан.
2-тапсырма Ж.
Оқушылар Шалкиіз жыраудың өзіне ұнаған қанатты сөздерінің бірін тақырып етіп алып, әдеби эссе жазады.
Бағалау критерийі Дескрипторлар
Шығарманың көркемдік-идеялық құндылығын гуманистік тұрғыдан талдап, әдеби эссе жазады.
Астарлы ой маңынасын толғаумен байланыстырып, өз көзқарасын білдіреді.
Толғау идеясымен салыстыра отырып, көркемдік-идеялық құндылығын гуманистік тұрғыдан талдап, баға береді.
Әдеби эссе жазуға қойылатын талаптарды сақтайды.
«Бос микрофон» оқушы өз қалауымен эссесін сынып алдында оқиды. Басқалары кері байланыс береді. .....