«Аяз би» ертегісі 8-сабақ (6 сынып, I тоқсан )

Пән: Қазақ әдебиеті
Ұзақ мерзімді жоспар бөлімі: Туған жерім - аялы алтын бесігім
Сабақтың тақырыбы: «Аяз би» ертегісі 8-сабақ
Оқу бағдарламасына сілтеме: 6.2.2.1. Әдеби шығармада көтерілген әлеуметтік-қоғамдық мәселені идеясы арқылы түсіндіру.
Сабақтың мақсаты:
Оқушылардың барлығы орындай алады:
Ертегінің тақырыбы мен идеясын түсінеді.
Оқушылардың көпшілігі орындай алады:
Ертегідегі әлеуметтік-қоғамдық мәселелерді идеясы арқылы дұрыс анықтайды.
Оқушылардың кейбіреуі орындай алады:
Әдеби шығарманың идеясын өз көзқарасы негізінде жеткізеді.
Сабақ барысы:
Ұйымдастыру кезеңі. Сәлемдесу
Психологиялық ахуал
Оқушылар шеңбер бойымен тұрғызып, Аяз бидің бойындағы өздеріне ұнаған қасиеттерді айтып шығады.
Оқушыларды «Тақырып», «Идея», «Қоғамдық», «Әлеуметтік» қимақағаздары арқылы топқа бөлу
Оқушыларды сабақ мақсатымен, бағалау критерийлерімен таныстыру
Ой шақыру
1. Осы шығарма сендерге ұнады ма? Неліктен?
2. Ұнамаған тұстары болды ма? Қай тұсы?
3. Жаман өзін «адамның жаманы» дегеніне көзқарастарың қандай?
4. Сендердің ойларыңша, «адамның жаманы» қандай болады?
Топтық жұмыс
«Джигсо» әдісі
1-қадам: Ертегідегі көтерілген мәселе қаншалықты өзекті? (Оқушылар пікірі тыңдалады)
2-қадам: Оқушыларға тақырыптар ұсынылады. Мәтін бөліктеріне сай топ мүшелерінің әрқайсысы тапсырмаларды бөліп алып, топпен үзіндінің тақырыбы, идеясы, әлеуметтік, қоғамдық мәселесіне талдау жасайды.
1-топ: Хан тапсырмасы
2-топ: Хан сынағы. Жаманның үйленуі
3-топ: Қырық уәзірдің іштарлығы
4-топ: Жаманның даналығы
3-қадам: Мазмұн жинақтау топтарына қайта бөлінеді (топтағы рет санына байланысты, мысалы, 1-нөмірдегілер 1-топқа т.с.с.). Бұл топқа келген оқушылар өз топтарында жасаған талқылау жұмыстарын біріктіріп, ертегінің ортақ тақырыбы мен идеясын, көтерілген әлеуметтік, қоғамдық мәселелерді шығарады.
4-қадам: Осы топта өздері оқып, талдап келген үзіндіге талқылау жасайды, топ мүшелеріне түсінікті жеткізудің жолдарын белгілейді.
5-қадам: Өз топтарына барып, сараптау тобында талқылап келген тапсырмасын түсіндіреді, өзара сұрақтар қояды. Олар ертегінің басты тақырыбы мен идеясын түсіндіретін карталарын (кестелерін) жасайды. Топтарда жасалған карталардың (кестелердің) мазмұнын талқылайды.
Бөлімі Тақырыбы Идеясы Қоғамдық-әлеуметтік мәселе
Дескрипторлар:
- үзіндінің тақырыбы мен идеясын талдайды;
- өз көзқарасын жеткізеді;
- кестені тапсырмаға сай толтырады.
Қалыптастырушы бағалау. Топтық бағалау
Топтар өзара бағалауды стикерге жазу арқылы жүзеге асырады.
Жеке жұмыс
1-тапсырма
Шығарма бойынша берілген кестені толтыр.
Шығармада қандай қоғамдық-әлеуметтік мәселелерді байқадым? Оны қай үзінділермен дәлелдей аламын?
2-тапсырма
«Түйінді ой» әдісі
Оқушы ертегі туралы түйінді ойын екі сөйлеммен жеткізеді.....