Сипаттау мәтіні және оның құрылымдық бөліктері (3 сынып, I тоқсан )

Пән: Қазақ тілі
Бөлімі: Жанды табиғат
Тақырыбы: Сипаттау мәтіні және оның құрылымдық бөліктері
Оқу мақсаты: 3.1.1.1 тыңдаған материал бойынша тірек сөздерді белгілеу, ашық және жабық сұрақтарға жауап беру;
3.2.1.1 тірек сөздер, көмекші сөздер арқылы мәтін түрлерін (әңгімелеу, сипаттау, пайымдау) және оның құрылымдық бөліктерін анықтау;
3.3.7.1 қаратпа, қыстырма сөздерді ажырату және тыныс белгілерін дұрыс қою.
Сабақтың мақсаты:
Барлық оқушылар:
-тыңдаған мәтін бойынша тірек сөздерді белгілей біледі, мәтін мазмұны бойынша жабық сұрақтарға жауап береді;
-тірек сөздер арқылы сипаттау мәтінін және оның құрылымдық бөліктерін анықтайды;
-үлгі бойынша сөйлем құрамында қаратпа сөзді ажырата алады, сөйлем сызбасы негізінде тыныс белгісін қолданады.
Оқушылардың көбі:
-тыңдаған материал бойынша тірек сөздерді белгілейді, мәтін мазмұны бойынша ашық және жабық сұрақтарға жауап береді;
- тірек сөздер арқылы сипаттау мәтінін және оның құрылымдық бөліктерін анықтайды;
-сөйлем құрамында қаратпа сөзді ажырата алады, сөйлем сызбасы негізінде тыныс белгісін қолданады.
Оқушылардың кейбірі:
- тыңдаған материалынан тірек сөздерді өз бетінше табады, мәтін мазмұны бойынша ашық және жабық сұрақтар құрастырады және нақты тұжырыммен жауап береді;
- сипаттау мәтінін және оның құрылымдық бөліктерін анықтай алады;
- сөйлем құрамында қаратпа сөзді ажырата алады және тыныс белгісін қолданады.
Сабақ барысы: (Ұ) Ұйымдастыру кезеңі. Оқушыларға жануарлар туралы жұмбақтар қойылады.
Тікірейіп құлағы
Менен бұрын тұрады.
Бойын жазып керіліп,
Беті-қолын жуады. (Мысық)
Қанаты бар ұшпайды,
Жұрт айламен,ұстайды. (Балық)
Кілемнің түріндей жүндері бар,
Айбаты жан шыдамас үні бар. (Жолбарыс)
Орманда жоғары
Ағашқа қонады.
Тұмсығын балға етіп,
Тарсылдатып соғады. (Тоқылдақ)
Басында көп-ақ бұтағы,
Адамды көрсе зытады. (Бұғы)
Тұмсығы дөңгелек,
Денесі он бөлек. (Шошқа)
Секіреді –
Бала емес.
Сақалы бар –
Шал емес. (Серке)
Сабақ тақырыбы және оқу мақсаттары таныстырылады. Оқушыларға бағалау критерийі айтылады.
(Ө) 3.1.1.1 тыңдаған материал бойынша тірек сөздерді белгілеу, ашық және жабық сұрақтарға жауап беру;
Оқушылар мәтінді («Балдырған» журналынан) тыңдайды. Мәтін мазмұнын қаншалықты түсінгендерін «Ыстық орындық» әдісі арқылы анықталады. Мәтін мазмұны талданып болған соң оқушылар тыңдалған мәтін ішінен тірек сөздерді теріп жазады. Сұрақтарға жауап береді.
1) Мәтін не туралы?
2) Қаз суда қалай сүңгиді? Белгіле ().Неліктен
3) Тірек сөздер_______________________________
3. Мәтіннен қандай ой түйдің?
Дескрипторы:
-тірек сөздерді анықтайды;
-мәтін бойынша сұрақтарға жауап береді;
-мәтіннің мазмұнына қатысты ойын айтады.
Сергіту сәті жүргізіледі.Сергіту сәтін қыздар, ұлдар болып кезектесіп айтады.
-Қаздар, қаздар!
-Га –га- га!
-Жем жейсіңбе?
-Иә- иә- иә.
- Жем жесеңдер келіңдер,
-Жоқ — жоқ.
-Неге?
-Тауда қасқыр орнаған,
Жібермейді ол саған.
(Т) 3.2.1.1 тірек сөздер, көмекші сөздер арқылы мәтін түрлерін (әңгімелеу, сипаттау, пайымдау) және оның құрылымдық бөліктерін анықтау;
Оқушылар үстел үстінен төрт жануардың түрін бейнелейтін суреттерді (құстар, жәндіктер, аңдар, бауырымен жорғалаушылар) таңдап алады. Таңдап алған суреттер бойынша төрт топқа бөлінеді.
Мұғалім оқушыларға сұрақ қояды:
- «Қаз» мәтіні мәтіннің қай түріне жатады?
- Сипаттау мәтіні екенін дәлелде?
Оқушылардың назарын суретке аудартамын......