Өткенді пысықтау «Жанды табиғат» ортақ тақырыбы бойынша жиынтық бағалау (3 сынып, I тоқсан )

Пән: Қазақ тілі
Бөлім: Жанды табиғат
Сабақ тақырыбы: Өткенді пысықтау. «Жанды табиғат» ортақ тақырыбы бойынша жиынтық бағалау.
Осы сабақта қол жеткізілетін оқу мақсаттары: (оқу бағдарламасына сілтеме) 3.1.2.1* мәтіннің тақырыбы мен берілген суреттер, фото, диаграмма бойынша мәтіннің мазмұнын болжау;
3.3.1.1 жоспар/сызбаны қолдана отырып, тірек сөздер арқылы әңгімелеу мәтінін, салыстыра сипаттау мәтінін; көмекші сөздер арқылы пайымдау мәтінін құрастырып жазу
3.3.6.1 кең жолды дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі жазу, жазу қарқынын жеделдету
Сабақ мақсаттары:
- Мәтіннің тақырыбы мен берілген сурет бойынша мәтіннің мазмұнын болжау;
- Жоспарды қолдана отырып, тірек сөздер арқылы әңгімелеу мәтінін құрап жазу;
- Кең жолды дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі жазу.
Сабақ барысы: І. Ұйымдастыру кезеңі. Өтілген материалды қайталау.
«Кіру билеті» әдісі. (Оқушыларға сұрақтар таратылып беріледі. Оқушылар мұғалімге жеке сыбырлап жауабын айтады.)
- Мәтін түрлерін ата.
- Мәтін қандай құрылымдық бөліктерден тұрады?
- Мәтіннің тақырыбы деген не?
- Мәтіндегі негізгі ой дегенді қалай түсінесің?
- Абзац деген не?
- Әңгімелеу мәтінінің қандай ерекшеліктері бар?
- Сипаттау мәтінінің қандай ерекшеліктері бар?
- Пайымдау мәтінінің қандай ерекшеліктері бар?
- Әңгімелеу мәтінінің неліктен тірек сөздері әдетте етістіктен болады?
- Сипаттау мәтінінің неліктен тірек сөздері сын есімнен болады?
- Пайымдау мәтінінің неліктен көмекші сөздер арқылы ажыратуға болады?
- Қаратпа сөз қандай мақсатта қолданылады?
- Қыстырма сөз қандай мақсатта қолданылады?
- 5 қыстырма сөз ата.
- 5 қаратпа сөз ата.
( Ж, қ) «Ішкі және сыртқы шеңбер» әдісі.
Оқушылар өздеріне түскен сұрақтарын бір-біріне қойып, жауап беруі.
- Неліктен бұл тақырыптарды қайталадық деп ойлайсыңдар?
- Бұл білім бізге қандай жағдайларда өмірде қолдануға қажет болады?
Сабақ мақсатын хабарлау, бағалау критерийлерін таныстыру.
(Ө)1-тапсырма. 3.1.2.1.
Мәтіннің тақырыбы мен берілген сурет бойынша мәтіннің мазмұнын болжау.
- «Қамқорлық» тақырыбында берілген суретке назар аудар. Осыдан кейін оқиға қалай жалғасуы мүмкін? Ойыңды жаз.
(Ө) 2-тапсырма. 3.3.1.1. Әр суретке тақырыбын сәйкестендіріп, жоспарды қалпына келтір.
(Ө) 3-тапсырма. 3.3.1.1. Құрастырған жоспар бойынша тірек сөздерді қолданып, шағын әңгімелеу мәтінін құрап жаз. Мәтін құрылымын сақта.
Тірек сөздер: жауды, көрді, соңынан ерді, берді, шешім тапты.
Саралау: мәтін құрылымы сызбасын ұсыну.
(Ө) Жазылымнан кейінгі тапсырма.
- Жазған жұмысыңды оқып, тексер.
- Сөйлемдер түсінікті құрастырылған ба?
- Оқиға реті сақталған ба?
- Сөйлемнің емлесі сақталған ба?
- Абзац дұрыс сақталған ба?
- Көркем жазу талаптары орындалған ба?
(Ұ,МК) Ой талқылау.
- Кейіпкердің іс-әрекетін қалай бағалайсың?
- Кейіпкердің қандай қасиеттерін байқадың?
- Кейіпкердің орнында болсаң, не істер едің?......