Сиқырлы қорап жасаймын (2 сынып, III тоқсан )

Пән: Қазақ тілі
Ұзақ мерзімді жоспар бөлімі: «Салт-дәстүр және ауыз әдебиеті»
Сабақ тақырыбы: Сиқырлы қорап жасаймын
Осы сабақта қол жеткізілетін оқу мақсаттары: (оқу бағдарламасына сілтеме)2.1.5.1 аудио-бейнежазба мазмұны туралы өз ойын (ұнайды/ұнамайды, себебі..., пайдалы немесе пайдасыз болды... т.б.) білдіру
Сабақ мақсаттары: Аудио-бейнежазба бойынша өз ойын білдіруге машықтану.
Сабақ барысы: І. Ұйымдастыру кезеңі.
Мақсаты: Оқушыларды сабаққа ұйымдастыру, сабақтың тақырыбын анықтау.
Оқушылар шеңбер құрып, бір-біріне тілектерін білдіреді.
- Балалар, шеңберде тұрып, бүгін бір-бірімізге не сыйладық?
/Оқушылардың жауаптары тыңдалады/.
Сабақтың тақырыбы мен мақсатын таныстырады.
Бағалау критерийлерін шығару.
-Балалар, біз сыйлықтарды қандай мерекеде алғанды ұнатамыз?
/Туған күнімізде сыйлық алғанды ұнатамыз/
- Ал, енді туған күнің қай мезгілде болады, сондай топқа бөлінеміз.
/4 мезгілдегі туған күндер бойынша топқа бөлінеді/.
(Ұ) Кел, ойланайық, пікірлесейік. «Үндемес» ойынын өткізу.
Мақсаты: өз ойын, көзқарасын өзгелермен бөлісуге, шығарашылыққа баулу.
1,2 - топқа тапсырма: Берліген бір параққа әр оқушы «Сыйлықты сыйлау» эпизодын үндемей суреттеу.Салған жеке-жеке суреттерін бір эпизод қылып қорғау.
3,4 - топқа тапсырма:Берілген бір параққа ең қымбатты сыйды кімге арнайды, соны суреттеу.Салған суреттерінен ортақ кейіпкерді таңдау.
/Оқушылар өз тапсырмасын қорғап болған соң, ең қымбат сыйлық иесі және сыйлықты сыйлау эпизоды анықталады/.
(Ө)Бейнежазба. Сиқырлы қорап жасаймын.
Мақсаты: сыйлық салуға арналған қорап жасап үйрену, бейнежазба бойынша өз ойын ортаға салу.
Оқушылар бейнежазбаны көре отырып қорап жасайды, сәндейді.
(Ж) «Шебер қолдар»
Мақсаты: оқушы өзі жасаған қорапты күделікті өмірде қалай не үшін қолдануға болатынын айту, өз еңбегінің жемісін қорғай білуге, қажеттілігін дәлелдей білуге дағдыландыру.
Оқушылар жұп бойынша бір-бірінің сыйлығын қалай және қандай мақсатта жасағандығын және оның өмірде қажеттілігі мен қорапты сәндеу жолдарын айтып бөліседі.
Оқушылар бірін-бірі «Басбармақ» әдісі бойынша бағалайды.
(Ө, Қ)Диаграмма құру.
Мақсаты: Бейнежазба бойынша өз ойын /ұнады немесе ұнамады/,/пайдалы немесе пайдасыз болды/, Себебі, …/ ортаға салу, нәтиже шығару.
Оқушыларға 4 түсті жолақшалы стикерлер таратылып беріледі. Оқушылар өз ойын айта отырып, немесе өз қалауы бойынша стикерді тақтада сызылған сызбаға жапсырады. Жапсырылған стикерлерден диаграмма құрылып, бейнежазба бойынша жалпы нәтиже анықталады ......