Мектептегі түрлі жағдайлар туралы әңгімелеу №1 (2 сынып, II тоқсан )

Пән: Қазақ тілі Т2
Ұзақ мерзімді жоспар бөлімі:«Менің мектебім»
Сабақ тақырыбы:Мектептегі түрлі жағдайлар туралы әңгімелеу №1
Осы сабақта қол жеткізілетін оқу мақсаттары: (оқу бағдарламасына сілтеме)3.1 Оқу түрлерін қолдану
1.3.1.1 таныс сөздерді тұтас оқу
2.4 Оқыған/тыңдаған материалды мазмұндау
2.2.4.1 суретті жоспар және тірек сөздер/сұрақтар негізінде шағын мәтінді мазмұндау.
Сабақ мақсаттары:Барлық оқушылар: Мұғалім көмегімен таныс сөздерді тұтас оқиды. Сұрақтар негізінде шағын мәтінді мазмұндайды.
Көптеген оқушылар: Өз бетінше таныс сөздерді тұтас оқиды. Тірек сөздер негізінде шағын мәтінді мазмұндайды
Кейбір оқушылар: Таныс сөздерді тұтас оқиды және мағынасын түсінеді. Тыңдаған шағын мәтінді өздері мазмұндайды.
Сабақ барысы: Ертеңгілік шеңбері
Біз Балпанаққа мектепте өзін қалай ұстау керек туралы ескертпелер береміз. Дұрыс болса шапалақ соғамыз, бұрыс болса аяқпен топылдатамыз.
1. Асханада тамақты төгіп шашпа!
2. Мектепте тазалықты сақта!
3. Сыныпта жүгір!
4. Кітапты таза ұста!
5. Дәптерді жырт!
6. Еден жуушының еңбегін бағала!
(Ұ) - Қазір сіздер әр түрлі дыбыстарды тыңдайсыздар.
- Бұл ненің дыбысы және қайда естисіздер?
Аудио жазба (есік қоңырауының дыбысы, мектептегі қоңырау дыбысы, телефон қоңырауының дыбысы) қойылады.
- Біз мектепте жүргенде осы дыбыстардың қайсысын естиміз?
- Осы дыбыс нені білдіреді?
- Бүгінгі сабақтың тақырыбы не туралы болады?
- Үзіліс. Дұрыс.Мектептегі түрлі жағдайлар туралы әңгімелеу. Бүгінгі жағдай - ол үзіліс туралы айтамыз.
- Бүгінгі сабақта біз таныс сөздерді тұтас оқуды, тірек сөздер/сұрақтар негізінде шағын мәтінді мазмұндауды үйренеміз.
Оқушыларды сабақтың тақырыбы, мақсатымен таныстыру.
(С) СӨЗДІК ЖҰМЫСЫ:
Хат, үзіліс, қоңырау, уақытты пайдалану, демалу, ойнау, дайындалу, қайталау, таңырқау деген жаңа сөздермен танысады.
(Ұ) Мұғалім оқушыларға конвертті көрсетеді.
-Мынау не?- деген сұраққа қабылдау деңгейі жоғары оқушылар конверт, хат деп жауап беруі мүмкін.
- Онда Балпанақтан келген хатты оқиық.Сендер үзілісте не істейсіңдер? деген Балпанақтың сұрағына жауап берейік.
Балпанақтың сұрақтарына дұрыс жауап берген оқушы жетон алады.
СЕРГІТУ СӘТІ
Шаршадым «Ух!»дедім,
Ренжідім «Тух!» дедім.
Қорықтым «Ой!» дедім,
Өкіндім «Ах!» дедім.
Шарасыз «Ех!» дедім,
Таңырқап «О!» дедім.
Біліп ап, «Ә!» дедім,
Қуанып «Ха-ха-ха!»дедім.
-Қазір біз бір мәтінді тыңдаймыз. Ол оқиға мектептегі үзіліс кезінде болған қызық жағдаят. (Оқушылар мәтінді екі рет тыңдайды.)
Тыңдалым мәтіні:
Кеше үзіліс кезінде қызық оқиға болды. Қоңырау соғылғанда, біз дәлізге шықтық. Бір кезде үлкен, сұр мысықты көрдік. Бәріміз «Ол қайдан келді екен? Кімнің мысығы екен?» деп оның қасына бардық. Ол да бізге таңырқай қарады. Қайтадан қоңырау соғылды. Бізбен бірге мысық та сыныпқа кірді.
(Ж) Жұптық жұмыс.
-Оқулықтың 52 бетіндегі берілген сұрақтарға жауап береміз.
Сұрақтар:
1. Оқиға қайда болды?
2. Олар нені көрді?
3. Мысық қайда кірді?
4. Қалай аяқталды деп ойлайсың?.....