file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

Асылзат Арыстанбек (Тәуелсіздік)

 Асылзат Арыстанбек (Тәуелсіздік)

О, біздің Тәуелсіздік, қасіретті,
Қаншама қайғы-мұңды басып өтті.
Жырлай-жырлай ақынның сөзі тынды,
Жылай-жылай жалғыздың жасы кепті.

О, біздің Тәуелсіздік, нала білем,
Жұртыңның жүрегінде жара кілең.
Кедейлер көшеде жүр тыр жалаңаш,
Кербездің бөстегі де – лала кілем.

Шендінің шаңырақтай бөріктері,
Шайырлар жырлайды екен біліп нені?
Кедейдің күлшесінен май сығады,
Көшеде кіл шетелдің көліктері.

Халықтың тірі жүрген жаны – байлық,
Базардың нарығынан жарымай түк.
Бейнетіңді еш қылып Үкімет те,
Зейнетақы шашады тарыдай ғып.

О, біздің Тәуелсіздік, зары – көктен,
Өзіңді жырлап ақын жағы кепкен.
Елінде қаңғыбастың күйін кешкен,
Қазақтың қалың еді соры неткен?!

Қазақтың қалың еді соры қандай,
Осылай өтер ме екен бағы жанбай.
Күйліккен кедейлердің қанын сорып,
Биліктің бара жатыр ары қалмай.

О, біздің Тәуелсіздік, сағымдайсың,
Білмеймін бағым қайсы, сорым қайсы?
Жеміңді мына жұртқа теңдемейсің,
Жемқордан не өзің де арылмайсың.

О, біздің Тәуелсіздік тәу етерлік,
Бір сойқан бастайын ба тәуекел қып.
Рухыңды оятар өлең жазсам,
Қаламды қан сорпа ғып, қара тер ғып.

О, біздің Тәуелсіздік, қасіретті,
Қазақтың жылай-жылай жасы кепті.
Қашан да қайғыратын қара халық,
Биліктің оған тіпті несі кетті?

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру

Соңғы жаңалықтар:
» Қазақстандықтар шетелге қай мезгілде жиірек шығады
» Freedom bank-те керемет акция! 1000 ₸ кэшбек сыйлайды
» 2025 жылы Ораза және Рамазан айы қай күні басталады?