file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

Ғафу Қайырбеков (Мемлекетім менің)

 Ғафу Қайырбеков (Мемлекетім менің)

Мұз құрсанған, ақ көрпеге оранған,
Қиын-қыстау, сары аяздан бораннан,
Қорықпастан туған менің - бөбегім-
Мемлекетім - азаттығым оралған.
Сені әлдилеп келем мен
Аузымдағы таусылмайтын өлеңмен.
Кеудемдегі жүрегім мен қаныммен,
Қан арқылы қайрат жиған денеммен.
Сені бағып, саған деген алаңмен
Күн кешемін, бар ынтамды салам мен
Қайтсе сенің қатаяр деп буының.
Қайтсем жәрдем етемін деп саған мен.
Босата алман бұл әкелік сезімнен
Пайда болған сенің туған кезіңнен.
Дәл осылай бір дем алса өзіңмен.
Арман, арман-арман едің сен де бір
Мемлекетім - қазағымдай ер көңіл.
Сен жасайсың бақыты үшін ұлтымның,
Көтересің, көтергендей жерде гүл!
Сенем саған, сенгенімдей Құдайға,
Сенгенімдей көгімдегі Күн, Айға,
Сенгенімдей барлығыма тірлікте,
Сенген адам сенен ақы сұрай ма?
Сен өзімсің, келген жоқсың шет елден
Еңбегімсің сан бейнетпен өтелген.
Ескі арманнан жаңа туған сәбисің,
Сені әлдилеп, сені аруақтап өткен мен,
Сенің жасыл жалауыңның астында.
Келер ұлдар елге болар бас тұлға.
Туар талай нағыз қазақ нарлары
Қарсы барар дауыл, сел мен тасқынға!
Келе жатыр, келе жатыр жаңа ұрпақ,
Тек солардың бақытын күт, бабын тап.
Баяғыдай сарбаздарың самсасын,
Дүние саған қарасын бір таңырқап!

Қазан, 1994 жыл

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру

Соңғы жаңалықтар:
» Қазақстандықтар шетелге қай мезгілде жиірек шығады
» Freedom bank-те керемет акция! 1000 ₸ кэшбек сыйлайды
» 2025 жылы Ораза және Рамазан айы қай күні басталады?