file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

Қарт Каспиім


Тымырсық күн, тып-тымық теңіз бүгін,
Бейне арқалап жатқандай Елдің жүгін.
Ақ жал толқын шығатын арнасынан,
Жуасып ақ қалыпты өтіп күнің.

Ақ шағала шарықтап көкте бізде,
Сұрғылт балдыр қалқиды көктей үзген.
Алыс қалған сағымдай балғын шақта,
Ақ кемеде қалқиды көк теңізде.

Балалық шақ -арманның ақ кемесі,
Көк теңізде қалқиды боп елесі.
Шетсіз, шексіз теңіздей қиял шіркін,
Сағым болып қалмайды ештемесі.

Содан кейін көңілің су сепкендей,
Басылады шыңына бір жеткендей.
Теңіз жақтан соғатын қоңыр желде,
Жадыратар жаныңды бір өпкендей.

Қарт Каспий қазағымның қас биісің,
Алла берген Еліме мол сыйысың.
Дарқандығың қазақтың дарқандығы,
Жау күиініп жағаңда, дос сүиінсін.

Қарт Каспиім бұл күнде халің мүшкіл,
Болады екен таяғың екі ұшты.
Су азайып, әлсіреп толқындарың,
Шарасыз дәрменсіздің күйін құшты.

Аралға ұқсап тартылып қаларсыңба,
Әлде мұңың құлаққа барарсыңба.
Зар заманның арқалап ауыртпалығын,
Кеуделерге от болып жанарсыңба.

Насыреддин Қожырбайұлы
Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру

Соңғы жаңалықтар:
» Қазақстандықтар шетелге қай мезгілде жиірек шығады
» Freedom bank-те керемет акция! 1000 ₸ кэшбек сыйлайды
» 2025 жылы Ораза және Рамазан айы қай күні басталады?
Пікір жазу