file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

Қар қызыма

 Қар қызыма

Қара жел қарғып тұрып үн қатады,
Ызғарымен кеудемді сыздатады..
Сағыныш, құлазыған мұң жанарың,
Неліктен жүрегімді мұздатады..

Көп кідірмей келемін алаңдама,
Мені жаным күтуге шамаң барма?!
Мен сағынып сүйіп жүрген "Қар қызым",
Ақ қардың аязынан жаралғанба?!

Кейде жаным сағыныш көкте деймін,
Кейде мұздап, жылуым көп демеймін,
Сендегі бар сезімді сезгеннен соң,
Несіне "Қар қызыма" өкпелеймін..

Несіне өкпелеймін сағынышым,
Өзіңнен өшпестей бір жалын құштым..
Жапалақтап қар жауған сол бір түні,
Жел жармасқан қиялмен алып ұштым..

Көз алмадым, ұзағынан қарадым,
Аппақ қардан көрінердей жанарың..
Қар жауып басылғалы тұрған шақта,
Аяздарға қимай сені барамын..

Үн қатып жүрекпенен жар саламын,
Қар қызым қайда кеттің аңсағаным..
Қар жауғанда сағынып келерсің деп,
Қар жауғанын күтуден шаршамадым.
Дархан Мұратов

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру

Соңғы жаңалықтар:
» Қазақстандықтар шетелге қай мезгілде жиірек шығады
» Freedom bank-те керемет акция! 1000 ₸ кэшбек сыйлайды
» 2025 жылы Ораза және Рамазан айы қай күні басталады?