file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

Алматыда жоқ көлік үшін алдын-ала төлем алған жігіт ұсталды

Алматыда жоқ көлік үшін алдын-ала төлем алған жігіт ұсталды

Алматыда жоқ көлік үшін алдын-ала төлем алған жігіт анықталды деп хабарлайды Polisia.kz.


Басылым мәліметінше, 20 жастағы күдікті көлік сату сайттарының бірінде жарнамалар қойған. Ол біреудің темір тұлпарын өзінікі сияқты қылып көрсетіп, нарықтағы бағадан төмен бағамен “сатылымға шығарады”. Ықтимал сатып алушылардан қаскөйдің ұялы телефонына көп қоңырау түскен. 


"Төмендетілген бағамен ең өтімді көліктердің бірін алғысы келетіндердің саны көп болды. Клиенттер жарнамада көрсетілген нөмірге қоңырау шалып, көліктің қандай жағдайда екенін сұрады. Жауаптарымен қанағаттанғаннан кейін қызығушылық танытқан сатып алушылар көлікті көруге және сатып алуға асығады. “Сатушы” бұл көліктің Талдықорған қаласында екенін және сатып алушылардың көптігінен тездету керектігін айтты. Сатып алушы оны күте тұрыңыз және көлікті әлі ешкімге сатпаңыз деп көндірді.


Содан кейін “сатушы” оған банктік картаға 15 мың теңге және одан да көп сомманы алдын-ала төлем ретінде аударуын талап етті. Мұндай талаптар сатып алушылардың көңілінен шықты және олар бірден ақшаны жіберді.


Бірақ жолда немесе Талдықорған қаласына кетер алдында олар көліктің иесіне хабарласа алмады. Оның телефоны өшірулі болды. Автокөліктің шын мәнінде болмағаны және бәрі осындай алаяқтық тізбек бойынша пайда табу үшін ұйымдастырылғаны анық. Бұл күдіктіні ұстағаннан кейін белгілі болды, бұрын бірнеше рет меншікке қарсы құқық бұзушылықтар жасағаны үшін қылмыстық жауапкершілікке тартылған", - деді Наурызбай аудандық полиция басқармасының басшысы Дидар Аханов.


Қазіргі уақытта 2001 жылы туған азамат уақытша ұстау изоляторына қамалған. Оған қатысты қылмыстық кодекстің 190 бабы "Алаяқтық" бойынша тергеу әрекеттері жүргізіліп жатыр.


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру

Соңғы жаңалықтар:
» Қазақстандықтар шетелге қай мезгілде жиірек шығады
» Freedom bank-те керемет акция! 1000 ₸ кэшбек сыйлайды
» 2025 жылы Ораза және Рамазан айы қай күні басталады?
Пікір жазу