Баян Есентаеваның күйеуі казинода төбелес шығарды деп айыпталды (видео)

Ғаламторда танымал продюсердің жұбайына ұқсайтын азаматтың казинода төбелес шығарған видеосы пайда болды. Видео ойынханада орнатылған бақылау камералары арқылы жасалған. Роликтен байқауға болатындай, Баян Есентаеваның жолдасы Бақытбекке ұқсайтын азамат дилерге қол жұмсап, ойынхананың күзетшілерімен төбелескен.

[media=https://www.youtube.com/watch?v=gjocUKYngVc]

Видеоны жүктегендер: "Есентаев Баха "Карлтон" казиносында $40.000 ұтылып, дилерге қол көтеріп, күзетшілермен төбелес шығарды. Күзетшілер ештеңе істей алмаған", - деген жазу қалдырған.

Ролик YouTube желісінде биылғы жылдың 13-нші ақпанында жүктелген. Бірақ жазба 2015 жылдың қыркүйегінде жасалғанға ұқсайды.

Есентаева Tengrinews.kz сайтына аталған видеоға қатысты түсініктеме берді.

"Иә, көрдім. Бұл кісінің менің күйеуіме ешбір қатысы жоқ. Тектес адам немесе әдейі аты-жөнін солай таныстырған біреу. Бұл менің күйеуім емес", - деді продюсер.

Айта кетсек, дегенмен халық арасында танымал продюсердің жары құмар ойындарға әуес деген сыбыс бұған дейін де бірнеше рет шығып жүрген.