Желіде Ләйлә Сұлтанқызының атын жамылған алаяқтар пайда болды (фото)

Ләйлә Сұлтанқызы оқырмандарын желіде өзінің атынан кітап сатып жүрген алаяқтардан сақтандырды деп хабарлайды NUR.KZ.

Бұл туралы ол желідегі парақшасында айтып берді.

"Құрметті менің оқырмандарым мен көрермендерім! Менің атымды пайдаланып, әлеуметтік желілерде кітап сатумен айналысып жүрген алаяқтарға алданып қалмаңыздар. Кітапты қолыңызға алмайынша, ешкімге ақша аудармаңыздар.

Ал VK желісіндегі мына парақшаға "пожаловаться" дегенді бәріміз басып, тоқтатып тастайық. Кітап сатылымы "QIWI кошелек" арқылы жүргізілмейді.

Тағы да естеріңізге салғым келеді: "Менің екінші кітабым" тек Меломен дүкендерінде сатылуда. Бейресми парақшаларға алданбаңыздар", - деп жазды ол.