Айқын Төлепберген қазақстандықтарды жаңа Конституциямен құттықтады

Мемлекет басшысы Конституцияға түзетулер енгізу туралы Заңға қол қойғаннан кейін, әйгілі әнші Айқын Төлепберген өзінің Инстаграмдағы парақшасында келесі сөздерді жазды:

«Бұл Қазақстан тарихындағы айтулы оқиға. Барша жұртты жаңа Конституциямен құттықтаймын! Ата заңымызға енгізілген түзетулер еліміздің одан әрі дамуына шапағатын тигізетініне сенімдімін. Алға Қазақстан!»

Мемлекет басшысының қол қоюына ұсынылған «Қазақстан Республикасының Конституциясына өзгертулер мен толықтырулар енгізу туралы» заңда Конституцияның 19 бабына 26 түзету енгізу қарастырылғанын естеріңізге салғымыз келеді.