Абырой, бедел, мәртебе

Ұят жүрген жерде
Абырой төгілмейді.
Абырой бар жерде
Ар шапаны сөгілмейді.

Абырой – ар еңбегі.

Ала жіпті аттамағанңың абыройы биік.

Атасын сыйлаған абыройға бөленер.

Екі ауру бір келсе, ажалдың жеткені,
Екі борыш бір келсе, абыройдың кеткені.

Қызыл тіл жанның мияты,
Абырой ердің қуаты.

Абырой қонар жігітке
Ажалды қоян тап келер.

Жақсы досың болса жан аяған жарамас,
Оңбағаны бар болса, абыройға қарамас.

Еңбек мұратқа жеткізер,
Жалқаулық абыройды кеткізер.

Адамгершілік абырой әпереді.

Әйелдің абыройы – дақ түспеген ары.

Абыройыңды жасыңнан сақта.

Абыройды ақ отау жапты.

Арлы болмай, абыройлы болмайсың.

Абыройлы жігіттің
Алғашқы ұрлығы ашылсын.

Адамға тілене беру — ұят:
Тапқан наны көбейгенімен,
Абыройы азады.
Көп тілену — жұмыс емес кәделі,
Нан көбейер, бірақ азар беделі.

Ұстаздың абыройы болмаса,
Шәкірттері оның сақалымен ойнайды.

Әдепті бала өсірсең,
Ауылдың абыройы.
Ақылды жігіт өсірсең,
Атырабыңның абыройы.

Екі атақ дүниеде құрған сәулет:
Олардың бірі – бедел, бірі – дәулет.

Ұстаздың абыройы болмаса – шәкірттері оның сақалымен ойнайды.

Адамға тіліне беру – ұят: тапқан наны көбейгенімен, абыройы азады:
Көп тілену – жұмыс емес кәделі –
Нан көбейер, бірақ азар беделі.

Жігітке абыройдан айырылғанша,
Жанынан айырылған артық.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

07.09.2017

Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру

Соңғы жаңалықтар:
» 2025 жылы Ораза және Рамазан айы қай күні басталады?
» Утиль алым мөлшерлемесі өзгермейтін болды
» Жоғары оқу орындарына құжат қабылдау қашан басталады?