Ұстаз, мұғалім, оқытушы

Ұстаз… жаратылысынан өзіне айтылғанның бәрін жете түсінген, көрген, естіген және аңғарған нәрселердің бәрін жадында жақсы сақтайтын, ешнәрсені ұмытпайтын… алғыр да аңғарымпаз ақыл иесі…, мейлінше шешен, өнер-білімге құштар, аса қанағатшыл жаны асқақ және ар-намысын ардақтайтын, жақындарына да, жат адамдарына да әділ…, жұрттың бәріне… жақсылық пен ізгілік көрсетіп…қорқыныш пен жасқану дегенді білмейтін батыл, ержүрек болуы керек.
Әл-Фараби

Ұстазы жақсының, ұстамы жақсы.

Ұстазыңды ұлы әкеңдей сыйла.

Ұстазыңды атаңнан да әзіз тұт

Атпаз көрген — ат таныр,
Ұстаз көрген — хат таныр.

Баланың бас ұстазы — ата-ана.

Ұстаз алдында тілің тый,
Ұста алдында қолың тый.

Шәкіртсіз ұстаз – тұл.

Шәкірті зейінді келеді.
Ұстазы бейілді болса.

Ұққаның жақсы болса —
Жақының көбейеді.
Ұстазың жақсы болса —
Ақылың көбейеді.

Өмірдің өзі — ұлы ұстаз.

Ұстаз талантты болса,
Шәкірті талапты болады.

Халық - нағыз ұстаз.

Бала өсірген ата-ана
Бала болып ойнайды.
Бала оқытқан ұстаздар
Бала болып ойлайды.

Кітап-ғылым - тілсіз мұғалім.

Адамның адамшылдығы жақсы ұстаздан болады
Абай

Шәкірті жоқ ұстаз – мылқау ұстаз
Ыбырай Жақаев