Экономика | “Байсерке Агро” ЖШС – ң тарихы және өнім өндірісіне сипаттама

Мазмұны

Кіріспе
1. “Байсерке Агро” ЖШС – ң тарихы және өнім өндірісіне сипаттама.
2. Кәсіпорынның негізгі өндірісін ұйымдастыру.
3. “Байсерке Агро” ЖШС – ң технологиясына сипаттама.
4. “Байсерке Агро” ЖШС өндірісінің көмекші және қызмет көрсету процесстерін ұйымдастыруының сипаттамасы.
5. “Байсерке Агро” ЖШС – ң маркетинг жұмысының сипаттамасы.
6. “Байсерке Агро” ЖШС – дағы пайданың құрылымын талдау.
7. “Байсерке Агро” ЖШС – дағы шығынның құрылымын талдау.
8. “Байсерке Агро” ЖШС – ң техника – экономикалық көрсеткіштерін талдау.
9. “Байсерке Агро” ЖШС – да категория бойынша еңбек ақы қорын талдау.
Кіріспе
Көпшілік өндірісте және халық қажеттілігінде нан өнімдері маңызды роль атқарады. Көпшілік өндіріс - өндірістік процестің күнделікті қайталануын және оның үздіксіз жаңартылуын көрсетеді.Өндірістік процесс бұл – бүтіндей алғанда бәрінен бұрын көпшілік өнім өндірісі және біріккен өнім, бөлінген өнім, қажеттілік және айырбас болып табылады, осы процестер бір – бірімен тығыз байланысты.
Тауарлық бидайды сатып алу – қажеттілік сферасының бастапқы сатысы.Бидай өзінің натуралдық түрінде дайын өнім болып саналмайды.Ол спирт суларын жасауда, крахмал, консервы өндірістерінде шикізат болып есептеледі. Қалдықтар аралас жем өндірісінде шикізат қызметін атқарады. Өз кезегінде ұн мен жарма да нан зауытында, кондитерлік зауыттарда және макарон өндірістерінде шикізат болып табылады. Нан өнімдерін өндіруде бірінші және ең маңызды жағдайды – тауарлық бидайдың концентрациясы және сақталуы құрайды. Өндірісте нан қабылдайтын пунктердің соңғы және аяқтаушы сатысы – ол бидайды жинағаннан кейінгі өңдеу процесі. Жинаудан кейінгі өңдеу мен мемлекеттік запастарды ұзақ сақтау – ұн,жарма, бидайды өңдеудің алдын – ала жағдайын құрайды. Осы соңғы сатылар біріккен өндірістік процесте бидайдың тұтынатын қнімге айналуын арнайы кәсіпорындарда жүзеге асырылады. Сондай кәсіпорындардың бірі “ Байсерке Агро” ЖШС.
Байсерке Агро ЖШС –ң басты тапсырмасы қоғамдық тұтынушыларды өз өнімдерімен қанағаттандыру, түскен пайданы еңбек ұжымының мүшелері мен кәсіпорын меншігінің экономикалық - әлеуметтік жақсартуға пайдалану болып табылады.
1. “Байсерке Агро” ЖШС – нің тарихы және өнім
өндірісіне сипаттама
Байсерке агрокешені оңтүстік астанадан 15 шақырым жердегі Алматы обылысы Іле ауданының Байсерке ауылында орналасқан. Ол 2001- жылы 7-желтоқсанда құрылған.Содан бері жұмысын үзбей істеп келеді.
• шаруашылық қызметі - өндірістік.
• меншік түрі – жеке.
• көлемі бойынша кәсіпорын – орта
• өзіндік капиталы – ұлттық
• жауапкершілік сатысы – шектеулі
• өндіретін өнім түрі – ұн өнімдері мен жануарларға арналған азық
Кәспорынның бүгінгі таңда жарғылық капитал мөлшері – 77500 теңгені құрайды. РНН – 600800057614. Мекен – жайы – Алматы облысы, Іле ауданы, Байсерке ауылы, Қонаев көшесі №1. Бидайды сақтауға лицензиясы бар. “Байсерке Агро” ЖШС ұн тарту, жарма және макарон өрімдерінің ассортиментіне кеңінен өндіретін ірі тауар өндіруші ретінде Қазақстан және ТМД елдерінде кеңінен таныс.”Байсерке Агро” ЖШС-нің негізгі қызметі ауыл шаруашылығы шикізаттарын қабылдау, тазалау, кептіру,қайта өңдеу,сақтау және қайта қортып олардан халық тұтынатын тағам түрлерін (ұн,жарма,макарон тағамдары)және үй жануарларына арналған жем дайындайды. Сонымен қатар қойма үй - жайларын жалға береді
Агрокешеннің Қазақстан, ТМД және алыс шет елдерге азық – түлік жіберу үшін қолайлы автокөлік кіретін және темір жолдары бар.
Осы қазіргі уақытта кәсіпорында мына төмендегідей цехтар мен өндірістер жұмыс істейді:
- тәулігіне 120т өнім өндіретін диірмен
- тәулігіне 5т макарон шығаратын цех
- тәулігіне қуаты 100т күрделі құрама жем зауыты
- өнімділігі тәулігіне 80т жарма цехы
- қуаттылығы жылына 70 000т жүгері сорттау зауыты
- механикаландырылған мұнара
- Австриялық “PITKUS” кептіргіші
- Жанар – жағар май қоймасы (ГСМ )
Кәсіпорынды электр жүйесімен үздіксіз қамтамасыз етіп отырған-АПК ГРЭК болып табылады. Кәсіпорынға су өзінің насостық станциясы арқылы жүргізілген.Ондағы негізгі су қолданушы цехтар: диірмен және макарон цехы. Жанар жағар майды “PETOLEOM INC” ЖШС жеткізеді.Жанар жағар май орталық қоймадан аралас жем өнірісі зауытына, бидай кептіргіштерге жіберіледі.Диірменге шикізат болып 3 –класстық бидай жатады.Паспорттық өнімділігі тәулігіне 120 тонна, айына қажет шикізат 3600 тонна. Бидайың негізгі жеткізушілері; ”Генерал” ЖШС, ИП “ Иманалиев”, ИП“Горбунова” болып табылады, запастар цехтың өнімділігімен және бір айға қажет материалдардың минимумымен есептеледі.
“Байсерке Агро”ЖШС –ң жалпы құрылымы
“Байсерке Агро” ЖШС – ң басқару құрылымы
Кәсіпорынның жалпы құрылымы үш бөлімнен тұрады:
- жұмысшыларға қызмет көрсету бөлімі
- өндірістік бөлім
- басқару бөлімі
Жұмысшыларға қызмет көрсету бөлімі жұмысшылардың денсаулығын қадағалайды және асханамен қамтамасыз етеді.
Кәсіпорынның өндірістік бөлімінің өзі екі топқа бөлінеді:
1) қызмет көрсетуші және көмекші, энергиялық, транспорттық, жөндеу, қойма,зертхана;
2) негізгі цех, диірмен, жарма цехы, жем цехы, жүгері цехы,бидай кептіргіш.
Жұмысшыларға қызмет көрсету бөлімінен басқа басқару бөліміде қызмет көрсетеді.
1) техникалық қызмет көрсету;
2) экономикалық қызмет көрсету;
3) коммерциялық бөлім;
4) кадрлар қызметі.
“Байсерке Агро” ЖШС – н директор басқарады. Барлық қаржы мәселелерімен:
банкпен жұмыс, салық комитетімен, еңбекақы төлеумен директордың орынбасары мен бухгалтерия айналысады. Барлық жоспарлау жұмыстары мен экономика бөлімі айналысады. Өткізу және жабдықтау мәселелері бойынша маркетинг бөлімшесіне жүктелген. Жұмысшыларды жұмысқа алу мәселесімен кадрлар бөлімі айналысып келеді.
Сонымен қатар кәсіпорында:
3 адам – механик-сантехник;
2 адам – энергетик;
2 адам – офис жинаушы қызметкер;
8 адам – күзетші қызметкер.
Барлық тиеу – түсіру, жұмыстарын қызметкерлер жүргізеді.
2. Кәсіпорынның негізгі өндірісін ұйымдастыру
“Байсерке Агро”ЖШС – ң негізгі өндірістік цехтарының бірі – макарон цехы. Бұл цех макаронның қысқа кесілген жоғарғы сортын Гост номері “875 – 92” МАКИЗ – 02 Челябиндық ғылыми - өндірістік “ТЕКО” моделі бойынша шығарады.“ТЕКО” фирмасы төмендегілерді қамтамасыздандырады:
- макарон өнімдерін дайындауға керекті әртүрлі өнімдер;
- өнімді қайнатқанға дейінгі және қайнатқаннан кейінгі өз түрін сақтауы;
- өнімнің барлық түрлерінде біртекті құрамының болуы;
- өнімді пісіруге аз уақыттың кетуі;
Өнімнің матрицасы тұтынушыларға керекті өнімді таңдауға ыңғайлы жасалған.Макарон цехының шикізаты ол - кәсіпорынның өзінде тартылған жоғарғы сорт ұны. Жоспарланған запас айына 150 тонна.Ұн қоймада 10 күн жатқаннан кейін ғана өндіріске жөнелтіледі.
Макарон бұйымдарын дайындау кезінде пайдаланылатын шикізаттар нормативтік – техникалық құжаттарға, медико – биологиялық талаптарға және санитарлық нормаларға сәйкес.“Байсерке Агро” ЖШС – де астықтың сапасына және оның өнімдерінен жасалған азық – түліктерді тексеруді жүзеге асыратын өндірістің техникалық зертханасы бар. Зертхана 2003жылы “НАЦЭКС” ААҚ Алматы филиалында аттестациялаудан өтті.Онда оның қызмет істеуіне қажетті барлық жағдайлар бар. Кәсіпорын Италияндық “La Parnigiana” жабдығында ұнның жоғарғы сорттарынан макарон тағамдарын дайындайды. Айлық өнімділігі 150 т. “Байсерке Агро” ЖШС бір-бірімен жалғасқан 65 000 т механика-ландырылған қоймалық үй-жайлары бар. Өндіріс және азық-түлік өнімдерін қабылдау, сақтау жүктедің барлық түрлерін жіберу және жеткізумен қатар барлық жеке тұлғалар мен заңды тұлғаларға қызмет көрсетеді.Кәсіпорындағы жетіспеушіліктерінің бірі макарон өнімдерін сақтайтын қойманың болмауы. Дайын өнім жарма қоймасында сақталады....