Жаңылтпаштар

Уатушы Уәлиді
Уәзирамыз уайымсыз.
Уілдейді Уәлиі,
Уақыт уәжсіз Уәлисіз.

Саматқа санақ қонатын емес,
Саусағын санап болатын емес.
Онысы кейде кем болып шығады,
Кейде кенет он болып шығады,
Кейде одан да мол болып шығады,
Сөйтіп, есебі өзгеріп тұрады.

Салтап, сақтап орақ, шалғы,
Жұмсай берді олар, олақ шалды.

Тастай ауыр ақ сақам,
Ақ сақаммен жақсы атам.
Жақсы атқаным емес пе,
Ұлдарды зар қақсатам.

Тас,тас, тасбақа,
Асты-үстінде тас-тапа.
Келсін қасқа- асқа, ата,
Берші бата, досқа, ата.

Райхан, раушан реңділес
Реңдестерім ренжіспес.
Раушанның райханы,
Райханның раушаны,
Рахатта реңсізденбе.

Пәк пейілді парықсызды,
Пайдакүнем пайдаланғыш.
Пысық, пасық, пайдагер,
Парақорды паналағыш.

Өсер өркен өштеспейді,
Өршеленген еш өспейді.
Өштестірер өсекшілер,
Өрекпіген өштестерді.

Ол бір қыл шылбыр есті,
Бұл бір қыл шылбыр есті.
Ол да,
Бұл да
Қыл шылбырды тым сылбыр есті.

Ол да шылбыр есті,
Мен де шылбыр естім.
Ол шылбырды сылбыр есті,
Мен шылбырды ылдым-жылдым естім.

Намысшылды нашар нақыш налытты,
Намыссызды найсаптығы найқалтты.

Ибалы - инабатты. Игісінді - ибадатты.

Мінген Шанаға да,
Танаға да
Анау бала-қара бала.

Мен бақшаның қарбызын жинадым,
Алмагүл алма үзіп жинады,
Жоламан таудың жалбызын жинады.