Қазақша Жаңылтпаш: "Қ" әрпі

Құман от ңасында,
Жүген ат басында.
От басынан құманды алыс тастасын ба?
Ат басынан жүгенін ап, ноқта салсын ба?

Қызыл сиялы қалам сенде,
Көк сиялы қалам менде.
Қызыл сиялы ол алты теңге,
Көк сиялысы ол жарты теңге.

Қара бояу да,
Ақ бояу да бар менде.
Қара бояулар
Ақ бояудан кем бе?

Қарақат терген рахат па?
Тұра қап қарақат жеген рахат па?
Тауықтар да қарақатқа құмар ма?
Тарысы бар ала қап та ұнар ма?

Қараңдаршы қанағатты!
Қара лақты қамамапты.
Қамқорлықпен қарамапты,
Қаңғыртыпты қаралақты.

Қарашы қиырға,
Көрінген сиыр ма?
Ұқсай ма сиырға,
Ұқсай ма суырға,
Айыру қиын ба?

Қазықты тоқпақпен тоқпақтағанда
Тоқпақты тоқтатпай тоқпақта.

Қаңбақ-тоңғақ!
Тоңғақ-қаңбақ
Ұшты иық қомдап!

Қапты ап, мақта ап,
Мақта қапталап,
Қақтап аптап,
Теріміз ақты-ақ.

Қаршыға ма,
Құмай ма?
Әнші балаға қаршыға ұнай ма?
Малшы балаға құмай ұнай ма?

Қасқыр - ит,
Тісін ақситты.
Жақсы ит тісін ақситпады.

Қойбағар тойға бармай, қойға барды,
Тойбағар қойға бармай, тойға барды.

Қойым семіз бе?
Ешкім семіз бе?
Қойым тоғыз ба?
Ешкім сегіз бе?

Құлақтандырмағандықтарыңыздан
Бара алмай қалдық бәріміз де аңға.

Құлынтай шығады,
Тай-құнан шығады.
Кейде тай
Құнанға сай шығады!

Қылқиып бала арыңтады,
Шалдығып шал арықтады.
Көздері аларып тағы...
Қорада мал арықтады.

Қырда екі кекілік жетіліп келеді,
Екі кекілік секіріп-кекіріп келеді.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

01.06.2015

Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру

Соңғы жаңалықтар:
» 2025 жылы Ораза және Рамазан айы қай күні басталады?
» Утиль алым мөлшерлемесі өзгермейтін болды
» Жоғары оқу орындарына құжат қабылдау қашан басталады?